2 Kiinoo 20:21 - Kafa Linguistics Project

²¹ Biyoo asheenaꞌona tookkii echeeꞌi, yaafeeti tahoon taheꞌi Doono Yeeri aafooch shoddeebeeti shoddechinaꞌon, “Bulli yemeenoon shoodecho bi tunetoyich, Doono Yeerin galletebote” getibee, bi ginee naayinaꞌo aafooch boonoshi hammemmoyich gettiye.

2 Kiinoo 20:21 ပူးပေါင်းရင်းမြစ်များ

1 Kiinoo 16:29

Bi shigoyich bede oogoon Doono Yeerich deebote; buuroon yeshiree bi aafooch wobote; bi yaafittino koojjii aaxxeebeeti Doono Yeerich goyinnebote.

1 Kiinoo 16:34

Deꞌo bi tunetoyich Doono Yeerin galletebote; bulli yemeenooch shoodechone.

1 Kiinoo 16:41

Boonoshina tookkii Hemaaninaa Yedutuunina, wotta bulli yemeenee bi shoodoyich Doono Yeerin boonoshi galletemmoyich bariitaa kaacheti, bareenaꞌoo beetinaꞌone.

2 Kiinoo 30:21

Yerusaalem daneti Israꞌeeleenaꞌo, Shittoo Giyaani Kochi Baaroon oogeti emiroona shabaatte qemon baariyeete. Leweenaꞌonaa qeesheenaꞌona shoddee qiicoona Doono Yeerich shoddeebee, qemi qemona Doono Yeerin galletee beeheete.

2 Kiinoo 5:13

Tiroon huggii beetinaꞌonaa shoddechinaꞌona Doono Yeerin galletee oogiibee: “Deꞌo bi tunetoyich, bulli yemeenoon shoodecho bi tunetoyich, Doono Yeerin galletebote” iibee ikke kashoona qaaroon oogichiꞌi, tiroona, qaaxilloonaa shoddee qiico bullina Doono Yeerin galleteheete. Boonoshi galletemmona, qubo Doono Yeerichi yaafee kexooch ceenniye.

2 Kiinoo 7:3

Israꞌeelee asho bulli qaaqqoo kindoon, Doono Yeerichi oogee yiiroo yaafee kechi toommooch bi beemonoo beeggiꞌi, baroona showooch guufeechii, “Doono Yeeri deꞌoone; bulli yemeenoon shoodechone” iibee goyinneheete; galleteenoo iyeete.

2 Kiinoo 7:6

Qeesheenaꞌo boonoshi xaaꞌooch neexeheete. Leweenaꞌoo wotta, wonna Daawiti shoddoona Doono Yeerin galletoyich bi shuuneti shoddee qiicoon yexxii kaachiibee, “Bulli yemeenoon shoodechone; Doono Yeerin galletebote” iibee shoddoona Doono Yeerin galletee beeheete. Qeesheenaꞌo boonoshi ciinoochaa tiroon huggii beetaa, asheenaꞌo bulla neexee beeheete.

Nehimi 12:27

Yerusaalemi uxeroo diireehooba, uxeree diiree baaroon galletee shoddoona, qaaxilloona, ooge ximboonaa gishiishi ximboona, emiroona boonoshi baaremmoyich, Leweenaꞌo boonoshi beeti beeto bulliichee Yerusaalem boonoshi woyemmoyich ceekkeheete.

Shoddo 106:1

Haleluya! Deꞌo bi tunetoyich, Doono Yeerin galletebote; bulli yemeenooch shoodechone.

Shoddo 107:1

Doono Yeeri biishetinaꞌote, etto kishoochee bi wodiitinaꞌote, aabi-keyo waaninaa aabi-gimo waaninoochee, dambi-waaninaa deshi-waaninoochee, bare showoocheenoo deebii bi kicitinaꞌote, deꞌo bi tunetoyich, bi shoodo bulli yemeeneecho bi tunetoyich, Doono Yeerin galletebote.

Shoddo 18:4

Qitoo woderoochoommon ta toommooch caaceehe; aalliyechi ooge aacochoommon taan qooxxa iye.

Shoddo 29:2

Bi shigoyich bede oogoon Doono Yeerich deebote; bi yaafittino koojjii aaxxeebeeti Doono Yeerich goyinnebote.

Shoddo 50:2

Oogeti malletechi Tsiyooni katemoochaa Yeeri aaxxee bekkehe.

Shoddo 90:17

No Doono, no Nuggishoocho, ne ariqqo no toommooch tunebe; no shuunoon nooch kaachibe; eeha, no shuunoon nooch kaachibe.

Shoddo 96:9

Bi yaafittino koojjii aaxxeebeeti Doono Yeerich goyinnebote; showee toommo bulliich beeti asheenaꞌote, bi aafooch qewebote.

Shaahiyoo 11:14

Gaawichii mikkireyoo aallegaata, maccoo dihiye; tunebaani mikkirechinaꞌo meetigaata, wudoo danehe.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.