2 Kiinoo 20:12 - Kafa Linguistics Project

¹² No Nuggishoocho, noon kochiibeeti ebi dofee ginee naayon kochii wochoon hakkaano no tunetoyich, ne boonoshi toommooch nallibe; no tuniyemmonoo tuushito noone. Tunebaani noon ne gaachemmoyich neen ciinaabeeto noone” iye.

2 Kiinoo 20:12 ပူးပေါင်းရင်းမြစ်များ

2 Saameeli 14:11

Aroochee ure, “Qititi ta bushoochi nichoon kichecho ta bushoon wuxiree bi aalliyaachemmoyich, ne Nuggishoo Doono Yeerina wogebe” iyan. Daawitiyoo wochiꞌi, “Beeyechi Doono Yeeri beege! Ne bushoochi qelli eexoochee ikkeyona showooch hollaachemmine” iye.

1 Taateenaꞌo 1:20

Andoo taatoo ta doonocho, ne hillooch taatoo ta doono taatee qeenooch kotemmo konigaata boonoshich ne gettemmoyich, Israꞌeelee asho bulli aafo bi ciinniibeeto, neeniye.

2 Taateenaꞌo 6:15

Yeer ashoochi aafee bushoo harooch tiyiꞌi maach bi kechaahaa, ebiyoche, ginee naayinaꞌo haresheenaꞌonaa gaarinaꞌona tookkii katemee guudoona giichiꞌi beeteete. Aroochee Elisayi waan wotteꞌi, “Aalleto nowoche! Ta doonocho, aabichishiye no gettemmo?” iye.

2 Kiinoo 20:13

Yihudee asheenaꞌo bulli boonoshi mecheenaꞌona, boonoshi bushiisheenaꞌonaa gaggereenaꞌona tookkii Doono Yeeri aafooch neexee beeheete.

Shoddo 141:8

Nuggishoo Doono Yeero, ta aafo ne waan ciinniye; ne shoobooch ta giyetoyich, qitooch taan beshii immaahine.

Shoddo 25:15

Ta baatoon olloochee kichemmo bi tunetoyich, ta aafo bulli aaboon Doono Yeer waan ciinniye.

Shoddo 43:1

Yeero, taach nallibe; Yeerich qeyaani asheenaꞌona ta taggoon taggebe; dachechinaꞌonaa gonde asheenaꞌona waanee taan wodiibe.

Shoddo 7:6

Doono Yeero, ne kaaroona tibe; kaaroona tiyiti ta etteenaꞌo toommooch tibe; tiyiree, dayinnetoona bi nalleyemmoyich tuniibe.

Shoddo 7:8

Doono Yeeri macceenaꞌo toommooch nallemmone; Doono Yeero, ta cadiqittinoommona taach nallibe; ta xallittinoommona taach nallibe.

Shoddo 9:19

Doono Yeero, tibe; asho sharaaye; ne aafoochaa aageteenaꞌo toommooch nalleebe.

Shoddo 94:2

Showee toommooch Nallechocho, tibe; geecechinaꞌon naxebe.

Isiyaasi 2:4

Biyoo aageteenaꞌo daggooch nalliree, meeti asheenaꞌo daggooch beeti kaaroon aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Isiyaasi 42:4

Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Yoꞌeeli 3:12

“Aageteenaꞌo tibeete; guudoona beeti aageteenaꞌo toommooch nalloyich, arooch kotemmo ta tunetoyich, Yoshafaaxi bambooch hambeete.

Yoonaasi 2:4

Tawoo ‘Ne aafoochee yoohaa aalleto taane; tunebaani yaafoo tuneti ne yaafee kexon, wochinnoon beeggemmo taane’ iyoye.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Woraaferasheenaꞌo 11:27

Ta neen xuꞌaano taane; tunebaani ne taanna tookkaa koyoona taan xuqqeto neene. Ebich nallechi Doono Yeeri hanaach Israꞌeeleenaꞌonaa Amooneenaꞌonochi daggooch nallibe” iye.

1 Saameeli 14:6

Yonaataani bi ginee qiicoon shaaggiibeeti bi naayon, “Ne waataa okk ebi dokireyaani asheenaꞌochi kaambooch hambone. Diqqich Doono Yeeri noon gaachemmone. Meetonoo tuneba giishechoona wodiyoyich, Doono Yeerin mawemmi mooyo aalloone” iye.

1 Saameeli 3:13

Bi kechi asheenaꞌon bulli yemeenoon naxemmo ta tunoon shiichaꞌa getteto taane. Ebiyoo bi bushiisheenaꞌo taan boonoshi qallayitoyichiye. Ebin tunii beetinaꞌo boonoshi tunoon Eeli ariibee boonoshin kaaree bayaanoone.