2 Kiinoo 2:6 - Kafa Linguistics Project

⁶ Tunebaani shimaayoonaa shimaayeexi shimaayoonolla biich bedaache; ishigaata, biich kexon hagon hakkemmo, konine? Bi aafooch ixaano shookkeyemmi xaaꞌoon shuunoyee besh, biich kexon hagoyich, ta koni taane?

2 Kiinoo 2:6 ပူးပေါင်းရင်းမြစ်များ

2 Saameeli 7:18

Aroochee taatoo Daawiti danee duukkaanooch giyiye. Doono Yeeri aafooch koteechii ishichiye: “Nuggishoo Doono Yeero, ebiich taan ne bechiti ta, halla koni taane? Ta kechi ashochi, konine?

1 Taateenaꞌo 7:13

Taatoo Solomooni, Huraami getteebeeti uroon wochiiꞌi Xiroosee deebiye.

1 Taateenaꞌo 7:14

Huraami Nifitaali yoodeexi, ikke xuume ureechi bushoone. Bi nihoo gooshukkechi, Xiroosee ashoone. Huraamichoo gooshukkee ariyoo, shalligoonaa mulloona beetone. Biyoo taatoo Solomoon waan waaꞌi, biich icheti shuunoo bullin shuunehe.

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

1 Kiinoo 22:15

Meeti shuunechinaꞌo, eboshiyoo xaqqoon xariꞌi kotiyechinaꞌo, anaaxeenaꞌonaa baribare shuunee ariyechinaꞌona neech beetinaꞌone.

1 Kiinoo 29:14

“Bulliyona daneto ne waaneeniye. Neech no immetoo ne kishoochee no deqqeton baachiye. Ebi bullin no giddiyemmoyich ta koni taane? Ta asheenaꞌochi konoshine?

2 Kiinoo 1:10

Hini asheenaꞌon qeejjoo ta hakkemmoyich shalligoonaa ariyoonon taach imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

2 Kiinoo 6:18

“Tunebaani Yeero, iberoon ashoona tookki hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

Keyo 3:11

Tunebaani Muusi Yeerich “Faroon waan hamonaa Israꞌeeleenaꞌon Gibitsee kichoonoyich, ta koni taane?” iye.

Keyo 31:5

qebbooch geddeyemmi aaxxe xaqqeenaꞌon bi qiicemmonaa mixon bi qiicemmonoyich, kishee shuunoo bullinoo bi shuunemmoyichiye.

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

2 Qorontoosi 2:16

Aallooch hammii beetinaꞌoyich wuxiibeeti qitee cinno, wotta wodii beetinaꞌoyich wodiibeeti kashee cinno noone. Illa ebi shuunoyich beddito konine?

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:14

Ne deejjemmo, ne yoodeenaꞌo showee daggoochee Doono Yeeri kaaccemmi ikke xaaꞌoochaa baachiye. Micciibeeti ne deejjoon ne deejjemmonaa neech ta gettaabeeti mooyo bullin ne tuniyemona, ebi aroochaa baachiye.

Yibbaatoo 12:26

“Doono Yeerich ne kichiti yaafeeti mooyonaa ne mookketi tiikkeshoonon bi kaaccemmi are xaaꞌooch yeshi hambe.