2 Kiinoo 2:5 - Kafa Linguistics Project

⁵ “No Nuggishoo nuggisheenaꞌo bulliyee beshe oogoo bi tunetoyich, ebi ta hagga ii beeti kexo ooge kexone.

2 Kiinoo 2:5 ပူးပေါင်းရင်းမြစ်များ

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

1 Taateenaꞌo 9:8

Hini yaafee kexo happeeree xaqqee gutoo tunemmone. Aroona beshee beetinaꞌo bulli worganemminaꞌone; cooqqiribee, ‘Doono Yeeri hini showoonaa hini yaafee kexonochi toommooch ebiyoommi mooyon bi tuniito, amoyich tunehe?’ gettemminaꞌone.

1 Kiinoo 16:25

Doono Yeeri oogoone; oogichiꞌi galleteetone; nuggisheenaꞌo bulliyee beshoon shatteetone.

1 Kiinoo 29:1

Taatoo Daawiti iitoo bullich ishichiye: “Doono Yeeri kaacciti ta bushoo Solomooni batt ariyaani bushoone; ebi hakkeyemmi kexo ashi taatee kexo tuneyaanoon Nuggishoo Doono Yeerichi yaafee kexo bi tunetoyich, shuunoo maggoone.

1 Kiinoo 29:14

“Bulliyona daneto ne waaneeniye. Neech no immetoo ne kishoochee no deqqeton baachiye. Ebi bullin no giddiyemmoyich ta koni taane? Ta asheenaꞌochi konoshine?

2 Kiinoo 2:9

Ebiyoo ta hagga iyaabeeti yaafee kexo oogetonaa worganeetona bi tunetoyich, wodde mixon taach boonoshi qanniyemmoyichiye.

2 Kiinoo 29:11

Ta bushiisheenaꞌote, bi aafooch neexeree ittoshi maddemmoyich, bi maddecho ittoshi tunemmonaa ixaanoon ittoshi shookkemmonoyich, Doono Yeeri ittoshin bi kaaccitoyich beeneyaahote” iye.

2 Kiinoo 6:18

“Tunebaani Yeero, iberoon ashoona tookki hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

Shoddo 135:5

Doono Yeeri oogoo bi tunoon, no Doono nuggisheenaꞌo bulliyee besho bi tunoon, ariihoye.

Shoddo 145:3

Doono Yeeri oogoone; biin oogichii galleto tatoone; bi oogittino shalligoyee damboone.

Shoddo 148:4

Shimaayoyee dambee shimaayeenaꞌote, biin galletebote; gumoyee dambee aacinaꞌote, biin galletebote.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 18:11

Israꞌeeleenaꞌon geecoona hajjitinaꞌo toommooch ebin bi tuniitoyich, Doono Yeeri, asho goyinneebeeti nuggisheenaꞌo bulliyee beshe giidecho bi tunoon and ariito taane” iye.

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Erimiyaasi 10:6

Doono Yeero, neen shaahiibeeto koniyoona aalloone; ne oogoo neene; ne shigoo hakkechi oogoone.

Hiziqeeli 7:20

Gaawe boonoshi aachoonaa birewoona geecitinaꞌone; ebi aroona shixxii ciigiiti shahalloon shuuneheete; ebich ebi shashoon boonoshich eeꞌo tuniito taane.

1 Ximootiyoosi 6:15

Galleteya bede ikke mixxo tuneti Mawe Yeeri, taateenaꞌochi Taatoonaa dooninaꞌochi Doonona bi daaggiti aabooba are Doono Yesuus Kiristoosichi womon bekkiyemmone.