2 Kiinoo 2:3 - Kafa Linguistics Project

³ Xiroosi taatoo Kiraamichoo ishichiꞌi wochoon daachiihe: “Ta nihoo Daawiti, bi beeyemmi taatee kexon bi hagiyooba yigee mixon biich ne deejjoommon, taachoo ebiyoommon deejjibe.

2 Kiinoo 2:3 ပူးပေါင်းရင်းမြစ်များ

2 Saameeli 5:11

Arooba Xiroosi taatoo Kiraami Daawit waan wocheyechinaꞌon deejjiye; ebiyoommon wotta yigee mixon, anaaxeenaꞌonaa xaqqee xarechinaꞌonon deejjiye. Boonoshiyoo Daawitich taatee kexon haggiyeete.

1 Kiinoo 14:1

Arooba Xiroosi taatoo Kiraami Daawit waan wocheyechinaꞌon deejjiye; ebiyoommon wotta yigee mixon, taatee kexon boonoshi haggemmoyich, xaqqee xarechinaꞌonaa anaaxeenaꞌonon deejjiye.

2 Kiinoo 13:11

Maaddi maaddoonaa womikki womikkoona Doono Yeerich, micciibeeti deejjoonaa cinnechi ixaanoonon giddii beetinaꞌone. Yaaree koshonoo xalle madellooch kotii beetinaꞌone. Xum xumoon boonoshi aaxxemmoyich aachee ceechee kotoon qannii beetinaꞌone. No, no Nuggishoo Doono Yeerichi getoon quyaabeeto noone; tunebaani ittoshi qajjito ittoshine.

2 Kiinoo 24:14

Shuunoon boonoshi ciichitoyee gubb, eche gijjoon taatoonaa Yoyaadina waan deebiyeete. Boonoshiyoo ebi aachoonaa birewoona Doono Yeerichi yaafee kechi qiicoyich, maddoonaa micciibeeti deejjoonoyich heechiibeeti saaneenaꞌonaa baribare qiiceenaꞌonoyich tuniiheete. Yoyaadi kashoona beeti yemeeno bulliich Doono Yeerichi yaafee kexooch micciibeeti deejjoo giddee beehe.

2 Kiinoo 4:19

Solomooni Yeerichi yaafee kexoyich tunemmi qiiceenaꞌo bulli aachoochee boonoshi shuuneyemmon tuniihe; eboshiyoo, aachee deejjee gudo, yaaree kosho kotemmi madelleenaꞌo,

2 Kiinoo 8:13

Bi deejjito, Muusi gettitoommon, baari baaree aaboon, ebiyoo shambetooba, agenee keyi baarooba, wotta nateexi keejje baarooba, ebi geto Shittoo Giyaani Kochi Baarooba, Maayi Qecci Baaroobinaa Bashee (Yambaaree) Baaroobinane.

Iziri 6:3

“Taatoo Qiroosi bi taateti, batti batti natooba ishichiꞌi awaajjoon kichiye: Yerusaalem beeti, deejjoonaa buuroonon giddiiꞌi boonoshi deejjiibeeti xaaꞌoo tuneti, Yeerichi kexo wochinnoon hakkeebe; bi xaqqee hecoo hechebe; bi neexo shiche hiroo, bi gidoo shiche hiroo tunebe.

Nehimi 10:34

“No, ebi geto, qeesheenaꞌo, Leweenaꞌonaa asheenaꞌona, Sheeree Macaafooch bi kooreetoommon, nati natooch taajjeeti aabooba, no Nuggishoo Doono Yeerichi deejjee gudooch shookkeyemmi mixon no ikkikkoochi yaroyich ixoon dufiree, no Nuggishoo kexooch deebemmo noone.

Keyo 25:30

Ta aafooch beeyemmi, taach yaafeeti yaaree koshon ebi madellee toommooch bulli aaboon kotiibe.

Keyo 29:38

“Gubbich, qemi qemona kuxaanoon deejjee gudee toommoochaa ikke nati gutte gishiishi bagee baaddoon deejjibe.

Keyo 29:39

Ikkoon maaddoona, ikkoonoo womikka deejjibe.

Keyo 29:41

Guttinnee bagee baaddoon, maadda ne tuniitoommon, womikka maayoonaa uyee deejjoona tookki deejjibe. Ebiyoo gaawe cinnecho bi tunemmoyich, Doono Yeeri taach qaaqqoona micciibeeti deejjoone.

Keyo 30:7

“Harooni ceecheenaꞌon bi qanniibeeti maaddi maaddoona, cinnechi ixaanoon ebi deejjee gudee toommooch shoohe;

Leweenaꞌo 23:2

“Israꞌeeleenaꞌoyich ishichi gete: ‘Doono Yeerich goyinnoyich kiceyee yaafeeti aabo getiree ittoshi awaajjemmi, boonoshi goori gooroona baareyemmi, Doono Yeeri ta baareenaꞌo eboshine:

Leweenaꞌo 9:17

Maaddi maaddoona giddeebeeti, micciibeeti deejjoyee bare maayi deejjoon deebiye; ikke ushon aroochee tiijjiꞌi, deejjee gudee toommoochaa deejjiye.

Haddoo 28:11

“ ‘Batti agenee keyooba gutte wuron, ikke ooge bagee baaddoon, bachaalli, ikke nati shabaatte gishiishi bagee baaddoon micciibeeti deejjoo tuniiree Doono Yeeri taach deejjibote.

Haddoo 28:9

“ ‘Shambetee aabooba bachaalli ikke nati gutte bagee baaddoon, maayi buuroyich, zayitoona xirikketi awudde kobbaye qacini buddinoon uyee deejjoona tookki giddiibote.