2 Kiinoo 2:16 - Kafa Linguistics Project

¹⁶ Nowoo ne qaawimmi wottoon mixon Libanoosi guudoochee kuxi cuyiree, baharee toommona deebi, Yoopphi katemooch beddaahaa bi shaggemmoyich tuniyemmo noone. Ebina newoo Yerusaalem bi hammemmoyich tuniyemmo neene” iye.

2 Kiinoo 2:16 ပူးပေါင်းရင်းမြစ်များ

1 Kiinoo 22:2

Israꞌeelee showooch beeti shiqqeenaꞌo ikkooch boonoshi kiceyemmoyich Daawiti gettiye. Boonoshi daggoocheenoo yaafee kexo shuuneyemmi xaqqoon baddemminaꞌon kichiye.

2 Kiinoo 30:25

Ebina Yihudee asheenaꞌo bulli, qeesheenaꞌo, Leweenaꞌo, Israꞌeelee showoochee waati asheenaꞌo bullinaa Israꞌeelee showoonaa Yihudee showoonooch koteti shiqqeenaꞌona emiriyeete.

2 Kiinoo 8:7

Israꞌeeleenaꞌo boonoshin wuxii aalliyaanoon qayaa are showooch echeti, Israꞌeeleenaꞌo tuneyaani asheenaꞌochi shiijjereenaꞌon, eboshiyoo Hiteenaꞌon, Amooreenaꞌon, Ferizeenaꞌon, Hiweenaꞌonaa Yebuseenaꞌonon Solomooni guuno tuniiꞌi maddiihe; hanaach beddaahaa guuninaꞌone.

Iziri 3:7

Aroochee xaqqoon xarii tachii beetinaꞌonaa anaaxeenaꞌonoyich gijjoon immiyeete. Faariisee taatoo Qiroosi daaggitoommon, yigee mixon Libanoosee showoochee baharoona Yooppha boonoshi deebemmoyich, Sidoonee asheenaꞌonaa Xiroosee asheenaꞌonoyich maayoon, uyoonaa zayitoonon immiyeete.

Yoonaasi 1:3

Tunebaani Yoonaasi Doono Yeeri aafoochee maxxeya iꞌi, Tarishesh hamma tiyiye. Markaboon qaawiꞌi, baharee gashooch beeti, Yoopphi katemooch hammiye. Tarishesh hammiibeeti markaboon danehe. Doono Yeeri aafoochee maxxeya iꞌi, markabechinaꞌona tookki Tarishesh hamma gijjoon qocciꞌi markabooch giyiye.

Yowannisi 1:3

Yeeri bulli mooyon biinna halliihe; halleetinaꞌo daggoochee ikkolla bi aalloon halleeto aalloone.

Mishiraachechinaꞌo 10:32

Ebich Yooppha ashoon wocheree, Pheexiroosi getteebeeti Simoonin ne waan ceege. Bi beeto, baharee gashooch beeti, gooqqee quccechi Simooni kexooch iibbittino koteꞌiniye’ iye.

Mishiraachechinaꞌo 9:36

Arooba Yoopphi katemooch Xaabbiti getteebeeti, ikke Yesuusichi dabbee beehan. Bi shigo Giriikee noonoona Doriqi getteehe. Areyoo bulli aaboon deꞌe mooyon shuunaabee, iriteetinaꞌon gaachaabee beehan.

Mishiraachechinaꞌo 9:38

Liidi Yoopphi katemoyich katino bi tunetoyich Yooppha beeti Yesuusichi asheenaꞌo Pheexiroosi Liida bi beemon waayeꞌi, gutte asheenaꞌon wochee daachiiꞌi kaate boonoshi waan bi woyemmoyich Pheexiroosin qolleheete.

Mishiraachechinaꞌo 9:42

Ebiyee gubb, Yooppha beetinaꞌo bullich hini mooyo waayeehe. Ebina meeti asheenaꞌo boonoshi mulloon Doono Yesuusi toommooch tooꞌiiheete.

Mishiraachechinaꞌo 9:43

Pheexiroosiyoo Yooppha Simooni getteebeeti, gooqqoon quccechi ikke uroona tookkii meeti aaboon kotehe.

Yaasi 19:46

Mejarikooninaa Rakooninane; wotta Yoopphi katemee guudooch beeti showoonoo geddiꞌiniye.

Yaasi 9:27

Aroobee aabooba Yaasi Gibeꞌooni asheenaꞌon Israꞌeeleenaꞌonaa Doono Yeeri kaaccimmi xaaꞌooch neexeebeeti, Doono Yeericho tuneti deejjee gudoonoyich michi mittechinaꞌonaa aachi kittechinaꞌonon tuniihe. Ebi shuunoon hanaach beddaahaa shuunee beetinaꞌone.