2 Kiinoo 2:12 - Kafa Linguistics Project

¹² Kiraami daakkiꞌi ishichiye: “Doono Yeerich yaafee kexon, wotta bi qellich taatee kexon bi shuunemmoyich mullechi, ariyechi, shalligechi bushoon taatoo Daawitich immiti, showoonaa shimaayoonon halliti, Israꞌeelee Nuggishoo Doono Yeeri diireeton tunebe.

2 Kiinoo 2:12 ပူးပေါင်းရင်းမြစ်များ

1 Taateenaꞌo 5:7

Kiraamiyoo Solomoonichi wochoon waayeꞌi oogichii emiriye. “Ebi shaahe aricheti aagetoon bi qeejjemmoyich, Daawitich ariyechi bushoon immiti Doono Yeeri hanaach galleteeto tunebe” iye.

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

2 Kiinoo 2:1

Solomooni Doono Yeerichi shigoyich yaafee kexon, wotta bi qellich taatee kexon hagga tiyiye.

2 Kiinoo 2:13

Shuunee ariyechonaa shalligechona tuneti asho Huraam Abbin neech daachiito taane.

Shoddo 102:25

Ne, wonnee tiijjaꞌa showoon heccehine; shimaayoo ne kishee shuunoone.

Shoddo 102:5

Oogichaa ta gaashiroochee tiyitona, shaawushoo kecheto taane.

Shoddo 124:8

Noon gaacheebeeto showoonaa shimaayoonon halliti Doono Yeerine.

Shoddo 33:6

Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Luqaasi 1:68

“Israꞌeelee Nuggishoo Doono Yeeri galleteebe! Wonna yaafeeti keemechinaꞌochi noonoona bi gettitoommon, bi aagetoon wodiyoyich waaꞌi boonoshi qoodoon qocciichii biishetone; biich maddeebeeti Daawiti yaroochee giidechi wodiyechon nooch tiijjitone.

Mishiraachechinaꞌo 14:15

“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.

Mishiraachechinaꞌo 4:24

Boonoshiyoo waayeꞌi, ikke mulloona Yeer waan ishichiꞌi corootiyeete: “Shimaayoon, showoonaa baharoonon, eboshichi daggooch beeto bullin halliti Mawe Doono Yeero,

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

Yaaꞌoo 10:6

Shimaayoonaa bi daggooch beetinaꞌonon, showoonaa bi daggooch beetinaꞌonon, baharoonaa bi daggooch beetinaꞌonon halliti, bulli yemeenoon beeyechona wogeꞌi, “Yeeri tuniiya bi gabiton ceechoyich yagaachemmone;