2 Kiinoo 2:10 - Kafa Linguistics Project

¹⁰ Shuunoon shuuneebeeti ne asheenaꞌoyich hiye hume xaanee teepphoon, hiye hume xaanee sheqoon, awudde balle hume neetiree woyinee uyoonaa awudde balle hume neetiree zayitoonon immemmo taane” iye.

2 Kiinoo 2:10 ပူးပေါင်းရင်းမြစ်များ

1 Taateenaꞌo 5:11

Solomooniyoo Kiraami kechi asheenaꞌoyich hiye hume xaanee teepphoonaa zayitee michi aafoochee hiicheti, awudde balle hume neetiree zayitoonon immiye; ebinoo kuxaanoon nati natona Kiraamich immii beehe.

1 Taateenaꞌo 7:26

Goonoo ikke ciixi qach bede taggoone; bi noonoo siinoochoommon, mocee bungoochoommonoo yeeppoone. Ebi goonoo aabbe hume neetira bede aacon yechii beetone.

1 Taateenaꞌo 7:38

Huraami aashire gishiishi gooneenaꞌon gooshoochee shuunehe. Ebiyoo ikke goonee kotoyich ikke giishi goonoon getone. Ebi gishiishi gooneenaꞌo bulli maaco awudde hiroone. Eboshiyoo shimitte balle neetiree aacon yechii beetinaꞌone.

1 Kiinoo 14:2

Daawitiyoo Doono Yeeri biin Israꞌeelee taatoo tuniiꞌi bi manjiyoon, bi asheenaꞌo tuneti Israꞌeeleenaꞌoyicha iꞌi bi taatittinoon oogichii bi oogiyoonoo ariihe.

2 Kiinoo 2:15

“Andoo ta doono ne, ne gettetoommon teepphoon, sheqoon, woyinee uyoonaa zayitoonon ne guuno nooch deejjibe.

2 Kiinoo 2:9

Ebiyoo ta hagga iyaabeeti yaafee kexo oogetonaa worganeetona bi tunetoyich, wodde mixon taach boonoshi qanniyemmoyichiye.

2 Kiinoo 9:8

Neenna emiriꞌi, bi shigoona ne taatemmoyich tuniiti, ne Nuggishoo Doono Yeeri diireebe. Ne Nuggishoo Israꞌeeleenaꞌon shunniꞌi, bulli yemeenoon manjiree boonoshi beeyemmoyich bi qaawitoyich, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

Iziri 3:7

Aroochee xaqqoon xarii tachii beetinaꞌonaa anaaxeenaꞌonoyich gijjoon immiyeete. Faariisee taatoo Qiroosi daaggitoommon, yigee mixon Libanoosee showoochee baharoona Yooppha boonoshi deebemmoyich, Sidoonee asheenaꞌonaa Xiroosee asheenaꞌonoyich maayoon, uyoonaa zayitoonon immiyeete.

Iziri 7:22

Keejje humaa awudde balle kiilo giraamee birewooch beddaahaa, balle xaanee teepphooch beddaahaa, gutte hume neetiree woyinee uyooch beddaahaa, gutte hume neetiree zayitooch beddaahaa imbote; wotta kiihonoo qaawiimmi wottoon imbote.

Luqaasi 10:7

Shuunecho biin shuuniito waanee maayi beddiye; ebich are kexoochaa boonoshi giddiimmon maa uyibee kotebote. Ittoshi qeyiibeeti kexon qayiree bare kexooch hammaahote.