2 Kiinoo 19:2 - Kafa Linguistics Project

² Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

2 Kiinoo 19:2 ပူးပေါင်းရင်းမြစ်များ

1 Taateenaꞌo 16:1

Doono Yeeri Hanaani bushoo Yehina Baꞌaashi toommooch shaggemmi mooyichon bi gettiti qaaroo ebine:

1 Taateenaꞌo 16:12

Ebina keemechi Yehina Baꞌaashi toommooch bi gettiti, Doono Yeerichi qaaroommon, Baꞌaashi kechi asho bullin wuxii aalliihe.

1 Taateenaꞌo 16:7

Doono Yeeri Hanaani bushoo keemechi Yehina Baꞌaashinaa bi kechi asheenaꞌonochi toommooch ebi qaaroon bi gettiti naboo, Baꞌaashi Doono Yeeri aafooch gonde shuunoo bullin bi shuunetoyichiye; biyoo Yeroboꞌami kechi asheenaꞌochoommon, bi shuunoona Doono Yeerin ippiihe; wotta Yeroboꞌami kechi asheenaꞌon wuxii aalliihe.

1 Taateenaꞌo 21:25

Bi mechee Elizabeeli biin shuurikkaa, Doono Yeeri aafooch gonde mooyon shuunoyich bi qelloon kemmiti, Akaabiyoommi asho aalloone.

1 Taateenaꞌo 22:44

Yoshafaaxiyoo Israꞌeelee taatoona tookkii shunoona beehe.

2 Kiinoo 16:7

Ebiyooba yaaꞌechi Hanaani Yihudee taatoo waan waaꞌi, “Ne Nuggishoo Doono Yeerin gibeneyaanoon Sooriyee taatoon ne gibenetoyich Sooriyee taatoochi ginee naayinaꞌo ne kishoochee muriccitinaꞌone.

2 Kiinoo 18:1

Yoshafaaxi wodde gaannoonaa oogoonon bi danehooba, Akaabina tookkii naachee xibehe.

2 Kiinoo 18:28

Ebina Israꞌeelee taatoonaa Yihudee taatoo Yoshafaaxina Gilaadee showooch beeti Ramootin kocha hammiyeete.

2 Kiinoo 18:3

Israꞌeelee taatoo Akaabi Yihudee taatoo Yoshafaaxin, “Gilaadee showooch beeti Ramootin no kochemmoyich, taanna tookki hammenne?” iꞌi echehe. Yoshafaaxiyoo Israꞌeelee taatoyich, “Tawoo neenoommo taane; ta ashoo ne ashoommone; koyooch neenna tookki hammemmo noone” iye.

2 Kiinoo 18:7

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani bulli aaboon taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

2 Kiinoo 19:1

Yihudee taatoo Yoshafaaxi Yerusaalem beeti bi kexooch diggoona wottehe.

2 Kiinoo 19:10

Katemi katemooch beeti ittoshi maneenaꞌo waanee ittoshi waan waabeeti amee mooyolla, ebiyoo, damee ukkoo, sheeroon, getoon, qociyoonaa doyoonon shaaddo bi tunegaata, Doono Yeerin boonoshi xuꞌaachemmoyich, bi kaaro ittoshinaa ittoshi maneenaꞌonochi toommooch bi waataachemmoyich kupphii getote. Ebin ittoshi tuniigaata xuꞌecho tuneyaachemmo ittoshine.

2 Kiinoo 20:34

Yoshafaaxi shuuneti eche shuunoo batti battichoochee tiijjii ciireexooch beddaahaa, Israꞌeelee taateenaꞌochi macaafooch beeti, Hanaani bushoo Yehichi kiinooch kooreetone.

2 Kiinoo 24:18

Aroochee boonoshi qaabbechinaꞌochi Nuggishoo Doono Yeerichi yaafee kexon qajjiichii, Asheeri misileenaꞌonaa shahalleenaꞌoyich goyinnee maddooch giyiyeete. Ebi boonoshi xuꞌee naboona Yihudee showoonaa Yerusaaleminooch kaaro kindiye.

2 Kiinoo 26:18

Boonoshiyoo, “Uziyaaho, ixaanee shooho yaafeeti, Haroonichi shiijjereenaꞌo tuneti qeesheenaꞌochoani, Doono Yeerich ixaanoon shooho neech qaawiyaache. Xuqqeto neene. Yaafee kexoochee keye. Ne Nuggishoo Doono Yeer waanee oogoon daneyaachemmo neene” iyeete.

2 Kiinoo 32:25

Tunebaani Hiziqiyaasi bi mulloo geecaa, Doono Yeeri biich tuniiti deꞌe mooyoyich biin galleteyaanoone. Ebich bi toommooch, Yihudee showoonaa Yerusaaleminochi toommooch, Doono Yeeri kaaro kindiye.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Shoddo 21:8

Ne kishoo ne etto bullin, ne qanne kishoo neen shixxii beetinaꞌon, yoohi yechemmone.

Shoddo 68:1

Yeeri tibe; bi etteenaꞌo shacebeete; biin shixxii beetinaꞌo bi aafoochee woci aallebeete.

Shoddo 71:15

Ta ariyoyee damboo bi tunetaanoona ta noonoo ne cadiqittinoon, ne wodiyoonoo heeyo bullin yibbaatemmone.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Amootsi 7:14

Aroochee Amootsi Amasiyaasich ishichiye: “Ta, gijjee qiddoonaa caaree bechechona taalli, keemecho woyee keemechochi bushoo toono taane.

Yowannisi 15:18

“Alemo ittoshin bi shixigaata ittoshiyee aaf taan bi shixon ariibote.

Yowannisi 15:23

Taan shixxiibeeto, ta Nihoon wotta shixxii beetone.

Roomi 1:18

Yeerichi ibere mooyo aricheyaachemmoyich boonoshi gondoona qeriibeeti asheenaꞌochi axaaxoonaa gondo bullinochi toommooch Yeeri bi kaaree shiixxoon shimaayoochee kindiyemmone.

Roomi 1:30

oonechinaꞌo, Yeerin shixxii beetinaꞌo, naagechinaꞌo, boonoshi qelloon oogii beetinaꞌo, geecechinaꞌo, moochi qaawechinaꞌo, boonoshi niheenaꞌonaa indeenaꞌonoyich deꞌa getaaneenaꞌo,

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 8:7

Meechi gaboo Yeerichi sheeroyich hajjeyaano bi tunetoyich, hajjeyoonoo hakkaano bi tunetoyich, meechi gaboyich hajjeebeeti asho Yeerina kaarecho tunetone.

Efesooni 5:11

Aafaalli manderee shuunoona tookki ikkotteyaahote; beshoonoo ebi shuunoon bekkooch kichibote.

Yibbaatoo 32:41

Aaxxeebeeti ta goraadoon gayiremmo taane; nalloon kindiyoyich yechemmo taane. Ta etteenaꞌo toommooch nichoon kichemmo taane; taan shixxii beetinaꞌon sheeremmo taane.

Yibbaatoo 33:11

Doono Yeero, boonoshich beeto bullin diiribe. Boonoshi kishee shuunoo bulli neen emirikkito tunebe. Boonoshi etteenaꞌochi shimetoon kuxe. Wochinnoon boonoshi toommooch tiyaayeete” iye.

Yibbaatoo 5:9

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon keejjinnee shiijjeroonaa awuddinnee shiijjeroonooch beddaahaa, niheenaꞌo shuuneti axaaxee naboyich naxemmo taane.

Yibbaatoo 7:10

Tunebaani biin shixxii beetinaꞌon aalliyoona boonoshi toommooch nichoon kichemmone; biin shixxii beetinaꞌo toommooch nichoon kichaanoon yagaachemmone.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

1 Saameeli 9:9

Saaꞌooliyoo bi aafee bushoyich “Ebi gaawe gaboone. Ne waataa hambone” iye. Ebina Yeer asho beeti katemooch hammiyeete. Are katemooch shagoyich geppoon kechiibee, aacon kitta kechiibeeti maache bushiisheenaꞌona daneheete. Boonoshiyoo “Yaaꞌecho hini katemooch beete?” iꞌi echeheete. Wonna Israꞌeeleenaꞌo waanaa ikke asho Yeer waanee eche waayeya bi hamigaata, “Ittoshi waataa yaaꞌecho waan hambone” ii beetone. Ebiyoo keemecho, arooba yaaꞌecho bi gettee beetoyichiye.