2 Kiinoo 19:11 - Kafa Linguistics Project

¹¹ “Doono Yeericho tuneti mooyo bullich qeeshee guudo Amariyi, wotta taatoocho tuneti mooyo bullich Ishmaꞌeeli bushoo Yihudi yoodee iraashoo Zebaadiyi ittoshi toommooch iraashetinaꞌone. Leweenaꞌoo ittoshi aafooch ukkireree maddebeete; kuppheree shuunebote. Doono Yeeriyoo gaawe mooyon tunii beetinaꞌona tookki tunebe” iye.

2 Kiinoo 19:11 ပူးပေါင်းရင်းမြစ်များ

1 Kiinoo 22:11

“Andoo ta bushoocho, Doono Yeeri neenna tookki tunebe; neechon bi gibenikkitoommon, ne Nuggishoo Doono Yeerichi kexon ne haggemmoyich neech kaachibe.

1 Kiinoo 22:16

Aachoon, birewoon, gooshoonaa xuuroonon shuunoona aricheti asheenaꞌo neech beetinaꞌone; tiyiree shuunebe; Doono Yeeri neenna tookki tunebe” iye.

1 Kiinoo 22:19

Andoo ittoshi Nuggishoo Doono Yeer waan wottoyich ittoshi mulloonaa ittoshi gaboonon ikkochibote; tiyiree Nuggishoo Doono Yeerichi yaafee kexon ittoshi hagaa, Doono Yeerichi wogee taabootoonaa yaafeeti yaafee kechi qiiceenaꞌona Doono Yeerichi shigoyich hakkemmi yaafee kexooch gibeete” iye.

1 Kiinoo 26:30

Kebirooneenaꞌoochee Hashabiyinaa beelleenaꞌo tuneti, humaa shabaatte balle bi maneenaꞌona Yoordaanoosi aacoochaa aabi-gimo waan beeti Israꞌeelee showeexi, Doono Yeerichi shuunoo bullinaa taatoochi maddoonooch iraashetinaꞌone.

1 Kiinoo 26:32

Daawitiyoo gutte humaa shabaatte balle beelleenaꞌo tuneti yaree ukkireenaꞌon Yeriyichi xibeenaꞌoochee kaacciꞌi, Roobeeli, Gaadinaa Minaasinochi yoodee qatochi showooch beeti, Doono Yeerichonaa taatoochona tuneti moochi toommooch iraashiihe.

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

1 Kiinoo 6:11

Azariyaasi Amariyin shiyihe; Amariyi Akixuubin shiyihe;

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 15:7

Tunebaani ittoshi shuunee gatiyoon danemmo ittoshi tunetoyich, kupphebote; ittoshi mochoo niraaye” iye.

2 Kiinoo 19:6

Boonoshichoo ishichiye: “Ittoshi nallii beegaata Doono Yeeri ittoshina tookkii bi tunoon shalligoona ittoshi qelloon ariibote; ittoshi nalliibeeto, Doono Yeerichani ashich toonoone.

2 Kiinoo 19:8

Aroochee Yoshafaaxi Leweenaꞌoochee, qeesheenaꞌoochee, Israꞌeelee yaree ukkireenaꞌoochee asheenaꞌon ukkiriiꞌi, Doono Yeerichi sheeroo quyeyemmoyich boonoshi tuniyemmonaa asheenaꞌochi taggoon boonoshi nallemmonoyich Yerusaalem kotiihe. Boonoshiyoo Yerusaalem koteheete.

Shoddo 112:5

Wojjiibeeti, hirigaanoonoo erettiibeeti, kaamittinoona shuuneebeeti ashich kaamemmone.

Shoddo 37:23

Doono Yeeri ashi boochoona bi emirigaata, bi shaaddoon manjoo tuniyemmone.

Shaahiyoo 2:20

Ebich ne, kaame asheenaꞌochi gommona hambe; cadiqeenaꞌochi gommonoo yeshe.

Dojjecho 2:26

Biin emirikkiibeeti ashoyich Yeeri shalligoon, ariyoonaa emiroonon immiye; tunebaani Yeeri biin shattii beetoyich bi immemmoyich, aajjiꞌi gaannoon kicoon axaaxechoyich immiye; ebiyoo duubo, yongoon yookkii dabboommone.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Luqaasi 23:50

Arooba Ayihudee nallechinaꞌochi daggeexi ikkoo, Yooseefi getteebeeti deꞌe cadiqe uro beehe.

Mishiraachechinaꞌo 11:24

Yaafe Ayaanoona ceennitonaa gaabbaanoon mulloon Yeeri toommooch tooꞌiibeeti deꞌe uroonane. Arooba meeti asheenaꞌo Doono waan wotteheete.

1 Qorontoosi 16:13

Ittoshi qelloon ariibote; Kiristoosi toommooch beeti ittoshi mullee tooꞌiyoona manjiree neexebote; shattaayi kupphebote;

2 Ximootiyoosi 2:1

Illa ta bushoochoo, Kiristoos Yesuusina daneebeeti wojjoona kupphebe.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.