2 Kiinoo 18:7 - Kafa Linguistics Project

⁷ Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani bulli aaboon taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

2 Kiinoo 18:7 ပူးပေါင်းရင်းမြစ်များ

1 Taateenaꞌo 18:17

Akaabi Eliyaasin beeggiꞌi, “Israꞌeeleenaꞌon duꞌiya beetocho, ebi neene?” iye.

1 Taateenaꞌo 18:4

Elizabeeli Doono Yeerichi keemechinaꞌon bi wuxiihooba, Abidiyi keemechi balle asheenaꞌon daammiꞌi, aachi aachoon gutte xaqqee gofooch aachiichii, koshonaa aaconon immii beehe.

1 Taateenaꞌo 19:10

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

1 Taateenaꞌo 22:8

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

2 Taateenaꞌo 9:22

Yoraami Yehin, “Yeho, ne waato, diggoochiye?” iye. Biyoo, “Ne indee Elizabeelichi shahalloonaa qaaxoona wodde beetaa, amee diggoo beete?” iꞌi wochiye.

2 Kiinoo 18:13

Tunebaani Mikiyaasi “Beeyechi Doono Yeeri beege! Ta Nuggishoo taach gettimmon baach gettemmo taane” iye.

2 Kiinoo 18:6

Tunebaani Yoshafaaxi, “Biin no echemmi Doono Yeerichi keemecho baroo hiniich aalle?” iꞌi echehe.

2 Kiinoo 18:8

Israꞌeelee taatoo ikke bi naayon ceeggiꞌi, “Imilaahi bushoo Mikiyaasin kaate ceegi deebe” iye.

Shoddo 34:21

Gonde asheenaꞌon boonoshi gondo wuxemmone; cadiqeenaꞌon shixxii beetinaꞌo toommooch nalleyemmone.

Shoddo 55:3

Ta etteenaꞌochi cookoona shatteto taane; gondeenaꞌochi neexxii hajjoona tiisheto taane; ta toommooch xuuxoon deebiyeete; taan kaaree taach etto tunetinaꞌone.

Shoddo 69:14

Taappooch qoocheyoochee taan kichibe; ta etteenaꞌo waanee, aachi gejjooch qoocheyoocheenoo, taan wodiibe.

Shaahiyoo 25:12

Mullechi ashi kaaro, deꞌa ii waayemmi ashich, waajji aachoommo, xalle aachoochee shuuneeti shashoommone.

Shaahiyoo 29:10

Damee ukkechinaꞌo xalle ashoon shixxiyeete; kaame ashi kashoon kichoyichoo qaawiyeete.

Shaahiyoo 9:8

Cooqqirechon kaareyaahine; neen shixxemmone; mullechon kaarebe; neen shunnemmone.

Isiyaasi 30:10

Boonoshiyoo yaaꞌee beeggechinaꞌon “Yaaꞌoon beeggaahote” iyeete; keemechinaꞌonoo “Ibere mooyon nooch keemmaahote; kootolla bi tunetaa, noon emirikkiibeeti mooyon baach nooch getote.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 38:4

Aroochee iraasheenaꞌo taatoyich ishichiyeete: “Ebiyoommi qaaroon getona hini katemooch echeti ginee naayinaꞌochi mochoon, asheenaꞌo bullichi mochoon, bi nirii beetoyich, ebi uro qitibe; ebiyoo ebi uro hini asheenaꞌoyich gonde mooyonalli deꞌoon qaawaano bi tunetoyichiye” iyeete.

Amootsi 5:10

Ittoshi, nallee gabberoochaa ittoshin kaaree ciiccii beetinaꞌon shixxiyote; iberoon yibbaatee beetinaꞌon ciigehote.

Mikiyaasi 2:7

Israꞌeeleenaꞌo uppetinaꞌo neech shaahii beeteete? Doono Yeeri haaꞌiyecho toone? Iberoochaa ebi mooyon tuniyehe? Kaamoo tuneti ashich, bi yibbaateebeeto gaawe mooyon toone?” iyeete.

Maariqoosi 6:27

Bekkech bi ginechinaꞌo daggoochee ikkoon ceeggiꞌi, Yowannisi qelloon bi deebemmoyich gettiye; uroo cuyee kexooch hammii Yowannisi qettoon kuxxiꞌi,

Luqaasi 6:22

Asheenaꞌo Ashi Bushoo naboyich ittoshin shixxiteenoo, boonoshi shiqqiiteenoo, boonoshi naaggiteenoo, ittoshi shigoon tiijjoo ciigeꞌi boonoshi sheeneteenoo, diireeto ittoshine.

Yowannisi 15:24

Asho koniyoona shuuneyaani shuunoon boonoshi daggooch ta shuuneyaan gaata, boonoshich axaaxoo tuneyaacheshone; tunebaani and hini ta shuuneto bullin beeggitinaꞌone; taanoo ta Nihoonoo shixxitinaꞌone.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

Galaati 4:16

Illa and iberoon ittoshich ta gettetoyich ittoshich etto tunehote?