2 Kiinoo 18:5 - Kafa Linguistics Project

⁵ Aroochee Israꞌeelee taatoo keemechi awudde balle asheenaꞌon ikkooch kiciꞌi, “Gilaadee showooch beeti Ramootin koyoyich hambotee, qayote?” iꞌi boonoshin echehe. Boonoshiyoo “Hambe; Yeeri ne kishooch beshiiree immemmone” iyeete.

2 Kiinoo 18:5 ပူးပေါင်းရင်းမြစ်များ

1 Taateenaꞌo 12:9

Biyoo boonoshich, “ ‘Ne nihoo no toommooch minjiti waanjoon nooch kettiibe’ ii beeti asheenaꞌoyich ta wochemmoyich, taach ittoshi ciiccemmo, amooniye?” iye.

1 Taateenaꞌo 18:19

Andoo asheenaꞌo Qermeloosi guudoochaa taanna boonoshi danemmoyich Israꞌeelee asho bullich wochoon daachiibe. Elizabeeli madoochee maabeeti, awudde ballaa aache Baꞌaalee keemechinaꞌonaa nuggishee Asheerichi awudde balle keemechinaꞌona woyemmoyich tuniibe” iye.

1 Taateenaꞌo 4:13

Gilaadee showooch beeti Ramoot, Gilaadee showooch Minaasi bushoo Yaꞌiirichi gafeenaꞌooch, wotta Bashaanee showooch beeti Arigobee showoonaa boonoshi tuggo gooshoo tuneti, xaqqee uxerechi shiche ogooge katemeenaꞌonooch Been Geberi;

2 Taateenaꞌo 3:13

Elisayiyoo Israꞌeelee taatoyich, “Neennaa taannon daniyemmi amee mooyolla aalloone. Ne nihoonaa ne indeenochi keemechinaꞌo beetooch hambe” iye. Tunebaani Israꞌeelee taatoo biich, “Ebi toonoone; keejje taatoo noon Moꞌabee taatoo kishooch beshiiꞌi imoyich ceeggito, Doono Yeerine” iye.

2 Kiinoo 18:14

Israꞌeelee taatoo waan bi waammona, taatoo biich, “Mikiyaaso, Gilaadee showooch beeti Ramootin koyooch hambonaa, qayona?” iye. Biyoo “Hami koyi yeshe; ne kishooch beshiitaa ichemminaꞌone” iꞌi wochiye.

2 Kiinoo 18:4

Yoshafaaxi daakkiꞌi, Israꞌeelee taatoyich “Shiichiree Doono Yeerichi daaggoon echebe” iye.

2 Kiinoo 18:6

Tunebaani Yoshafaaxi, “Biin no echemmi Doono Yeerichi keemecho baroo hiniich aalle?” iꞌi echehe.

Erimiyaasi 23:14

Yerusaalemi katemeexi keemechinaꞌo waaneenoo ciigiiti mooyon beeggeto taane: Shunoon maaheete; kootoon yibbaateheete; koniyoona bi gondoochee wotteyaachemmoyich, gondoon shuunee beetinaꞌon kupphiiheete; boonoshi bulliyona taach Sodoomiyoomminaꞌone; Yerusaalemi asheenaꞌoo Gomooriyoomminaꞌone.

Erimiyaasi 23:16

Beshe Mawe Doono Yeeri ishichiye: “Ebi keemechinaꞌo keemmiibeeti qaaroon waayeyaahote; boonoshiyoo duube gibenoon ittoshich gibenikkii beetinaꞌone; boonoshi gettiibeeto Doono Yeeri ta noonoochee kechiton tuneyaanoon boonoshi mulloochee kechiti yaaꞌooniye.

Erimiyaasi 23:17

Doono Yeeri ta qaaroon hoxee beetinaꞌoyich wochii wochiꞌi ‘Ittoshich diggoo tunemmone’ iyeete; babbereꞌi boonoshi hajjee gaboo waan wottee beetinaꞌo bullich ‘Gonde mooyo ittoshi toommooch shagaachemmone’ iyeete” iye.

Erimiyaasi 42:20

‘No Nuggishoo Doono Yeer waan nooch corootibe; no Nuggishoo Doono Yeeri neech gettimmon nooch gete; nowoo tuniyemmo noone’ iꞌi ittoshi Nuggishoo Doono Yeer waan taan ittoshi wochetoyich, wochii ittoshi qelloon dawushito ittoshine.

Hiziqeeli 13:22

Gibeno ta kuchiyaani cadiqe ashoon kootoon koottiꞌi gibeno kuchiito ittoshine; axaaxecho bi gondoochee wotteree bi wodaachemmoyich biin kupphiito ittoshine.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

2 Ximootiyoosi 4:3

Ebin ta gettaabeeto, asho hini gaawe kittinnittinee doyoon qajje bi gettemmi yemeeno woyemmo bi tunetoyichiye. Baribare ariyoon waayeya waamon qaacheree boonoshi qaatoon ceechemmi dofee dojjechinaꞌon boonoshi waan ceegi kicemminaꞌone

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.