2 Kiinoo 18:31 - Kafa Linguistics Project

³¹ Gaarinaꞌochi ukkireenaꞌoo Yoshafaaxin beeggiꞌi, “Hini Israꞌeelee taatoone” iꞌi gabiyeete. Ebich biin kocha bi waan guuddiyeete. Yoshafaaxiyoo cookiye. Doono Yeeriyoo biin gaachehe. Yeeri bi waanee boonoshin wochiye.

2 Kiinoo 18:31 ပူးပေါင်းရင်းမြစ်များ

1 Kiinoo 5:20

Koyoochaa Yeerin gibeneꞌi, boonoshin bi gaachemmoyich qolleheete. Biyoo boonoshi qolloon waayeꞌi, Hagaareenaꞌonaa boonoshina tookkii ikkottetinaꞌo bullinon boonoshi kishooch beshiiꞌi immiye.

2 Kiinoo 13:14

Yihudee asheenaꞌo boonoshi guudoona ciinnii, aafinaa gubbinon giicheetinaꞌo boonoshi tunoon beeggiꞌi, Doono Yeer waan cookiyeete; qeesheenaꞌoo tiroon huggiyeete.

2 Kiinoo 13:15

Yihudee asheenaꞌoo kokkoriibee Abiyin dabbii koyeheete. Yeeriyoo Yeroboꞌaminaa Israꞌeelee asheenaꞌonon yexxiye.

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 18:30

Sooriyee taatoo, gaarinaꞌochi ukkireenaꞌoyich “Israꞌeelee taatoyee besh, giisho tuneba oogoo koninolla tookki koyeyaahote” iꞌi gettitone.

2 Kiinoo 18:32

Gaarinaꞌochi ukkireenaꞌo Israꞌeelee taatoo tunee bi qayon beeggiꞌi, biin yoohoochee wotteheete.

2 Kiinoo 26:7

Doono Yeeriyoo Filsixeemeenaꞌon Guribaꞌaali beeti Arabeenaꞌonaa Meꞌuneenaꞌonon bi kochemmoyich biin gaachehe.

Iziri 1:1

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosi mullo tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 7:27

Yerusaalem beeti Doono Yeerichi kexo ebiyoommon bi gaawemmoyich, ebiyoommi mooyon taatoochi mullooch kotiiti, taatoo aafooch, bi mikkirechinaꞌonaa hakkechi bi naayinaꞌo bullinochi aafoochoo bi ariqqoon taach bekkiiti, no qaabbechinaꞌochi Nuggishoo Doono Yeeri diireebe. Tawoo, ta Nuggishoo Doono Yeeri gaawe aafoona taan bi ciinnitoyich, kuppheho; Israꞌeeleenaꞌo daggoocheenoo yaree ukkireenaꞌo taanna tookki boonoshi hammemmoyich kiciyo.

Nehimi 1:11

Ta Doonocho, ne guuno ta corootoonaa neen oogiyoyich shunniibeeti ne guuninaꞌochi corootoonon elle waayebe; hanaachoo ne guuno taach kaachiree, hini uroo aafooch ne ariqqoon taach bekkiibe” iyo. Arooba tawoo taatoochi xoofecho taane.

Shoddo 118:13

Oogichaa xukkeho, dihoyichoo tattellehoye; tunebaani Doono Yeeri taan gaachehe.

Shoddo 34:7

Doono Yeerin shattii beetinaꞌochi guudoona bi maraakoo kotemmone; boonoshinoo wodiyemmone.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 56:10

Bi qaaroon ta galletaabeeti Yeerin, bi qaaroon ta galletaabeeti Doono Yeerin,

Shoddo 94:17

Doono Yeeri ta gaachoo tuneyaano gaata, bekkech ta kashe maash hammeshine.

Keyo 14:10

Israꞌeeleenaꞌoo boonoshin dabbii waabeeti Farooninaa bi ginechinaꞌonon beeggiyeete; boonoshiyoo oogeton shattiꞌi, Doono Yeer waan bunnee cookiyeete.

Shaahiyoo 16:7

Asho bi shaaddoona Doono Yeerin emirikkiibeeto bi tunegaata, bi etteenaꞌo diggoona biinna tookki boonoshi beeyemmoyich tuniihe.

Shaahiyoo 21:1

Taatoochi mullo Doono Yeerichi kishoochiye; biyoo woce aacochoommon bi daaggito waan wochiye.