2 Kiinoo 18:26 - Kafa Linguistics Project

²⁶ Aroochee, ‘Taatoo “Diggoona ta wottemmi wottoon, ebi uroon cuyee kexooch gedote; dapphe koshonaa aaconoyee besh amoonolla biich immaahote” itone’ getote” iye.

2 Kiinoo 18:26 ပူးပေါင်းရင်းမြစ်များ

2 Kiinoo 16:10

Ebichi naboona Aasi yaaꞌechon kaarehe; oogichiꞌi bi ippetoyich, cuyee kexooch giijjiye. Ebiyooba Aasi ikkikke asheenaꞌon oogichiꞌi xuuxiihe.

2 Kiinoo 18:15

Tunebaani taatoo biich, “Iberoyee besh Doono Yeerichi shigoona koote mooyon taach ne getaachemmoyich, ambiche wottooniye neen ta wogii beeyemmo?” iye.

Shoddo 10:5

Bi gommo bulli aaboon biich kaamehe; aabichaa ne nallaabeeto gaatoo shalligaache; bi etteenaꞌo bullinoo cooqqiriye.

Shoddo 102:9

Tulloon maayoochoommon maahoye; ta acimoonoo ta uyoona bacciyoye.

Shoddo 80:5

Acimoon maayoochoommon boonoshich maanjihine; xoofee ceeni acimoon boonoshich uchihine.

Shaahiyoo 14:16

Mullechi asho shattiye; gondoocheenoo wottehe; tunebaani mullaallo amoonolla aaxxiyaani afaafinechone.

Isiyaasi 30:20

Doono, xuuxee koshonaa duꞌee aaconon ittoshich bi immitaanona ittoshi dojjecho ebiyee bekk ittoshiyee baraachemmone; ittoshi dojjechon ittoshi aafoona beeggemmo ittoshine.

Erimiyaasi 36:26

Koorechi Baaruukinaa keemechi Erimiyaasinon boonoshi yechemmoyich, taatoochi bushoo Yerahimeelin, Azirelichi bushoo Seraayinaa Abidelichi bushoo Shelemaayinoyich taatoo gettiye; tunebaani Doono Yeeri boonoshin aachiye.

Erimiyaasi 37:15

Iraasheenaꞌoo ippoona tiyii Erimiyaasin yexxiyeete; cuyee kexo boonoshi tuniiti koorechi Yonaataani kexooch cuchiyeete.

Maatiyoosi 12:24

Tunetaa Fariseenaꞌo ishin waayeꞌi, “Hini yinnee taatoo Beelzebulichi giidoonalli baroona yinnoon ashi toommoochee yoohaache” iyeete.

Maatiyoosi 5:12

Yeeri ooge wojjoon shimaayoochaa ittoshich immemmo bi tunetoyich, emiribote; emiroona wucwucote. Ittoshiyee aaf beeti keemechinaꞌon ebiyoommon duꞌiitinaꞌone” iye.

Luqaasi 23:2

“Hini uro no aagetoon hukkecho tuniiya koccii bi beetaa, daneto noone. Wotta no macceenaꞌon ‘Qesaarich qaraxoon qoccaahote’ iꞌi bajjitone; ebichi toommooch ‘Ta Kiristoosi, taatoo taane’ ii beetone” iꞌi taggoon yaaqqiyeete.

Mishiraachechinaꞌo 22:22

Phawuloosi Aageteenaꞌochon tiijjiꞌi bi gettimmi wottoon, asheenaꞌo bi yibbaatoon waayee beeheete; ebin waayeꞌi bekkech boonoshi qaaroon oogichiꞌi, “Ebiyoommi uro showee toommoochee aallebe! Ebiyoommi uro kashoona beeyi bedaache!” iibee cookeeheete.

Mishiraachechinaꞌo 5:18

Boonoshinoo yechiꞌi, cuyee kexooch cuchiiheete.

2 Qorontoosi 11:23

Kiristoosichi maddechinaꞌone? Geyechi ashoochoommon gettoye: Ta boonoshiyee besh taane; boonoshichoyee beshoon aajjeto taane; boonoshichoyee beshoon wodde wottoon cucheto taane; boonoshichoyee beshoon oogeton yexxeto taane; wodde wottoon qitoyich beddaahaa beddeto taane.

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.

Hibireena'o 11:36

Bareenaꞌo cooneetinaꞌo tunoonaa yexxeyoona, ebiyee beshiton wotta qoqqaannoona cucheyoonaa cuyee kexooch xuuxoonon beeggiyeete;

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.

1 Saameeli 25:21

Daawitiyoo “Ebi uroochi gijjoon barahoochaa ta quyeto duubooniye? Biicho tunetoochee aalleti amolla aalloone. Biich deꞌoon ta tuniitaa, taach gondoona wochitone.