2 Kiinoo 18:16 - Kafa Linguistics Project

¹⁶ Mikiyaasiyoo, “Israꞌeelee asheenaꞌo bulli qiddaalli bagoochoommon guudinaꞌo toommooch boonoshi shacee beetaa beeggoye. Doono Yeeriyoo, ‘Eboshich qiddoo aalloone. Diggoona boonoshi kexi kexooch wottebeete’ itone” iye.

2 Kiinoo 18:16 ပူးပေါင်းရင်းမြစ်များ

2 Saameeli 2:7

Illa maac kuxo tunebote; kupphebote; ittoshi doono Saaꞌooli qititone; Yihudee asheenaꞌo ta shimbooch zayitoon huuttiꞌi boonoshi toommooch taan taatiitinaꞌone” iye.

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

1 Taateenaꞌo 22:17

Mikiyaasiyoo, “Israꞌeelee asheenaꞌo bulli qiddaalli bagoochoommon guudinaꞌo toommooch boonoshi shacee beetaa beeggoye. Doono Yeeriyoo, ‘Eboshich qiddoo aalloone. Diggoona boonoshi kexi kexooch wottebeete’ itone” iye.

2 Taateenaꞌo 10:3

ittoshi doonochi bushiisheenaꞌoochee gaawetonaa beshoonon kaaciree, bi nihoo taatee qeenooch kotiibote; ittoshi taatoochi kechi asheenaꞌoyichoo koyebote” iye.

2 Kiinoo 18:15

Tunebaani taatoo biich, “Iberoyee besh Doono Yeerichi shigoona koote mooyon taach ne getaachemmoyich, ambiche wottooniye neen ta wogii beeyemmo?” iye.

2 Kiinoo 18:17

Yoshafaaxich Israꞌeelee taatoo, “Gondoonani, deꞌe mooyon taach kemaachemmo bi tunoon getaano taane?” iye.

Hiziqeeli 34:8

Nuggishoo Doono Yeeri ta ishichaabeeto taane; beeyecho ta tunoona wogehoye; ta bageenaꞌoyich qiddoo aalletoyich, ta qiddeenaꞌo ta bageenaꞌon qaawoo boonoshi qajjitoyich, qiddeenaꞌo ta bageenaꞌon shiimee yesho qajjiichii boonoshi qelloon boonoshi shiimetoyich, kubbi cooxona kayeetinaꞌone; boonoshichoo maayo tunetinaꞌone.

Hiziqeeli 35:4

Ne katemeenaꞌon happemmo taane; newoo shokkoon echemmo neene; ta, Doono Yeeri ta tunoon ariyemmo neene.

Zakaariyaasi 10:2

Terafimo gaacaalloone; qaaxechinaꞌoo beeggiibeeto koote yaaꞌoone; gummechinaꞌo koote gumon maaccii beetinaꞌone; duube goggiyoonoo goggii beetinaꞌone. Ebina asheenaꞌo bagoochoommon yallyallimiyeete; qiddoonoo mucceꞌi xuuxeheete.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Maatiyoosi 26:64

Yesuusi wochiꞌi, “Ne getteto neene; tunebaani ittoshich gettoye: Ebiyee damba Ashi Bushoo Giidechi Yeerichi qanne badd bi kotetaa, wotta shimaajji qubee toommoochoo koteree bi waataa beeggemmo ittoshine” iye.

Maatiyoosi 9:36

Dofee asheenaꞌo qiddaalli bagoochoommon dego mucceꞌi boonoshi iriteyoon beeggiꞌi bi maacoona miccii ayiniye.

Maariqoosi 6:34

Yesuusi markabeechee kindiibee dofee asheenaꞌon beeggiꞌi, qiddaalli bagoommo boonoshi tunetoyich bi maacoona micciꞌi ayiniye. Boonoshichoo meeti mooyon dojjooch giyiye.