2 Kiinoo 18:1 - Kafa Linguistics Project

¹ Yoshafaaxi wodde gaannoonaa oogoonon bi danehooba, Akaabina tookkii naachee xibehe.

2 Kiinoo 18:1 ပူးပေါင်းရင်းမြစ်များ

1 Taateenaꞌo 21:25

Bi mechee Elizabeeli biin shuurikkaa, Doono Yeeri aafooch gonde mooyon shuunoyich bi qelloon kemmiti, Akaabiyoommi asho aalloone.

1 Taateenaꞌo 22:1

Sooriyeenaꞌonaa Israꞌeeleenaꞌona koyeyaanoon keejje naton koteheete.

1 Taateenaꞌo 22:45

Yoshafaaxi shuuneti eche shuunoo, oogeti giidecho bi tunoonaa bi koyeti koyoona Yihudee taateenaꞌo kiinee macaafooch kooreetone.

2 Taateenaꞌo 11:1

Akaziyaasi indee Ataaliyi bi bushoo qitoon ariyaꞌa, tiyaa taatee yaroo bullin aalliihan.

2 Taateenaꞌo 8:18

Akaabi busheen bi shaaggitoyich, Akaabi yareenaꞌo tuniitoommon tuniyoona, Israꞌeelee taateenaꞌochi gommon dabbiye; Doono Yeeri aafoochoo gonde mooyon tuniihe.

2 Kiinoo 17:12

Yoshafaaxiyoo beshii beshii qeyiye. Yihudee showoochoo mishigeenaꞌonaa maayoonaa baribare mooyona kiceyemmi katemeenaꞌonon shuuniihe.

2 Kiinoo 17:5

Doono Yeeriyoo taatittinoon bi kishooch manjiihe. Yihudee ashoo bulliyoo wojjoon Yoshafaaxich deebiye. Ebina wodde oogoonaa gaannoonon danehe.

2 Kiinoo 18:31

Gaarinaꞌochi ukkireenaꞌoo Yoshafaaxin beeggiꞌi, “Hini Israꞌeelee taatoone” iꞌi gabiyeete. Ebich biin kocha bi waan guuddiyeete. Yoshafaaxiyoo cookiye. Doono Yeeriyoo biin gaachehe. Yeeri bi waanee boonoshin wochiye.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

2 Kiinoo 20:35

Ebiyee gubb, Yihudee taatoo Yoshafaaxi, bi shuunoo gondo tuneti, Israꞌeelee taatoo Akaziyaasina tookkii guuphiye.

2 Kiinoo 21:6

Akaabi busheen bi shaaggitoyich, Akaabichi yareenaꞌo tuniitoommon tuniyoona Israꞌeelee taateenaꞌochi gommon dabbiye; Doono Yeeri aafoochoo gonde mooyon tuniihe.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

2 Qorontoosi 6:14

Kiristoosi toommooch mulloon tooꞌiyaaneenaꞌona tookki tambe gommona xandeyaahote. Cadiqoonaa hukkoonoyich amee xibittino beete? Bekkoonaa manderoonoyich amee ikkittino beete?