2 Kiinoo 17:6 - Kafa Linguistics Project

⁶ Bi mulloo Doono Yeerichi gommona kupphehe. Guudi toommeexi goyinnee xaaꞌeenaꞌonaa Asheeri misileenaꞌonon Yihudee showoochee aalliihe.

2 Kiinoo 17:6 ပူးပေါင်းရင်းမြစ်များ

1 Taateenaꞌo 22:43

Yoshafaaxi bulli mooyona bi nihoo Aasichi gommon dabbiye; aroochee okk hach getaanoone. Doono Yeeri aafooch kaame mooyon tuniihe. Tunebaani guudi toommeexi goyinnee xaaꞌeenaꞌon aalliyaanoone. Asheenaꞌo andoo guudinaꞌo toommooch beeti goyinnee xaaꞌeenaꞌooch deejjoon deejjii, ixaanoonoo shookkii beeheete.

2 Kiinoo 14:2

Aasi bi Nuggishoo Doono Yeeri aafooch gaawetonaa kaamoona tuneti mooyon tuniihe.

2 Kiinoo 14:3

Biyoo dallaawe nuggisheenaꞌochi deejjee gudoonaa guudi toommeexi goyinnee xaaꞌeenaꞌonon aalliihe. Boonoshi goyinneebeeti xaqqee giimbeenaꞌon tiichiye. Boonoshi nuggishee Asheeri misileenaꞌon kuxxii dichiye.

2 Kiinoo 15:17

Aasi guudi toommeexi goyinnee xaaꞌeenaꞌon Israꞌeelee showoochee ciroona aalliyoo bi qajjitaanona, kashoona bi beeti yemeeno bulliich Doono Yeerich gibeneetone.

2 Kiinoo 19:3

Tunebaani gaawe mooyo ne waanee danetone. Ebiyoo nuggishee Asheeri misileenaꞌon showoochee ne aalliyoonaa Yeerich gibeneeto ne tunoonane” iye.

2 Kiinoo 20:33

Tunebaani guudi toommeexi goyinnee xaaꞌeenaꞌon aalliyaanoone. Asheenaꞌoo boonoshi qaabbechinaꞌochi Nuggishoo Yeer waan wottoyich boonoshi mulloon qanniyaaneenaꞌone.

2 Kiinoo 31:1

Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

Iyoobi 22:26

Arooba Beshe Hakkechi Yeerina emiremmo neene; bi aafoochoo yeelleyaanoon neexemmo neene.

Shoddo 119:1

Xallittinoona shaꞌee beetinaꞌo, Doono Yeerichi sheeroona hammii beetinaꞌo, diireetinaꞌone.

Shoddo 138:5

Doono Yeeri ne oogo, beshaa besho bi tunetoyich, ne tuniiti mooyoyich neech shoddebeete.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Mishiraachechinaꞌo 13:10

“Aconaa gonde mooyona ne mullooch ceenniti hini daabiloosichi bushoochoo, tato tuneti mooyon shunaanoocho, kaamoo tuneti, Doono Yesuusichi gommon xummiyoochee kasheyaachenne?

Yibbaatoo 28:47

Ne Nuggishoo Doono Yeeri bulli gommona beemo neech mashaamemmoyich tuniitone; tunebaani ne, oogichaa emiraabee biich goyinnaa maddaano neene.