2 Kiinoo 17:5 - Kafa Linguistics Project

⁵ Doono Yeeriyoo taatittinoon bi kishooch manjiihe. Yihudee ashoo bulliyoo wojjoon Yoshafaaxich deebiye. Ebina wodde oogoonaa gaannoonon danehe.

2 Kiinoo 17:5 ပူးပေါင်းရင်းမြစ်များ

Halloo 13:2

Abraami gijjoon, birewoonaa aachoonon hajjiꞌi oogichii gaannetone.

1 Taateenaꞌo 10:25

Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.

1 Taateenaꞌo 10:27

Taatoo, birewoo xaqqoochoommon Yerusaalem bi woddemmon tuniihe. Yigee mixonoo Shefeeli worebe showooch colleebeeti caaroochoommon bi woddemmoyich tuniihe.

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

2 Kiinoo 1:15

Taatoo, aachoonaa birewoona xaqqoochoommon Yerusaalem bi meettemmon tuniihe. Yigee mixonoo Shefeeli worebe showooch colleebeeti caaroochoommon bi woddemmoyich tuniihe.

2 Kiinoo 18:1

Yoshafaaxi wodde gaannoonaa oogoonon bi danehooba, Akaabina tookkii naachee xibehe.

2 Kiinoo 32:23

Meeti asheenaꞌoo Doono Yeerich wojjoon yechiꞌi, Yerusaalem waa beeheete. Yihudee taatoo Hiziqiyaasichoo aaxxe mooyon immii beeheete. Aroobee tiijjiꞌi aageteenaꞌo Hiziqiyaasich oogoon immii beeheete.

2 Kiinoo 9:27

Taatoo birewoo xaqqoochoommon Yerusaalem bi woddemmoyich tuniihe. Yigee mixonoo Shefeeli worebe showooch colleebeeti caaroochoommon bi woddemmoyich tuniihe.

Iyoobi 42:12

Doono Yeeriyoo Iyoobichi gubbi beemon aafichoyee beshoon diiriye. Biyoo aaraa awudde hume bagoon, shiritte hume gaaleen, hume kashee gattoonaa hume maache kureenaꞌonon hajjiye.

Shoddo 127:1

Doono Yeeri kexon hago qayigaata, haggechinaꞌo aayo duuboone; Doono Yeeri katemoon quyo qayigaata, quyechinaꞌo tokketaalli aafoon haroo gaacaalloone.

Shoddo 132:12

Ne bushiisheenaꞌo ta wogoonaa boonoshich ta immemmi qociyoonon boonoshi quyegaata, boonoshi bushiisheenaꞌo neyee gubb, bulli yemeenoon ne taatee qeenooch kotemminaꞌone” iye.

Shoddo 68:29

Yerusaalem beeti ne yaafee kexoyicha getiree, taateenaꞌo wojjoon neech deebemminaꞌone.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Shoddo 76:11

Ittoshi Nuggishoo Doono Yeerich mookkebote; ittoshi mookketonoo ceechibote. Bi guudoona beetinaꞌo bulli, shattiito tuneti biich wojjoon deebeete.

Shaahiyoo 16:12

Gonde mooyon shuuno taateenaꞌo waanaa ciigeetone; ebiyoo taatee qeeno manjiibeeto, cadiqoona bi tunetoyichiye.

Maatiyoosi 2:11

Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Saameeli 10:27

Tunebaani ikkikke gonde asheenaꞌo “Hini uro aabichireeshiye noon bi wodiyemmo?” iꞌi biin qallayiyeete; biich wojjoon immemmon qajjiyeete. Tunebaani Saaꞌooli cikkii qajjiye.