2 Kiinoo 17:3 - Kafa Linguistics Project

³ Bi qaabbechi Daawitichi batti batti gommon bi dabbitoyich, Baꞌaaloonoo dabbaano bi tunetoyich, Doono Yeeri biinna tookkii tunehe.

2 Kiinoo 17:3 ပူးပေါင်းရင်းမြစ်များ

Halloo 39:21

Doono Yeeri biinna tookkii tunee beehe; bi shoodoonoo biich bekkiihe; cuyee kechi ukkiroo aafoochaa gidoon bi danemmoyich tuniihe.

2 Saameeli 5:10

Daawitiyoo Beshe Mawe Nuggishoo Doono Yeeri biinna tookkii bi tunetoyich, qemi qemona kupphee kupphee hammiye.

2 Saameeli 8:15

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

1 Taateenaꞌo 11:6

Ebina Solomooni Doono Yeeri aafooch gonde mooyon tuniihe. Bi nihoo Daawitichoommon, Doono Yeerin ceeni bi mulloona dabbaanoone.

1 Taateenaꞌo 22:43

Yoshafaaxi bulli mooyona bi nihoo Aasichi gommon dabbiye; aroochee okk hach getaanoone. Doono Yeeri aafooch kaame mooyon tuniihe. Tunebaani guudi toommeexi goyinnee xaaꞌeenaꞌon aalliyaanoone. Asheenaꞌo andoo guudinaꞌo toommooch beeti goyinnee xaaꞌeenaꞌooch deejjoon deejjii, ixaanoonoo shookkii beeheete.

1 Taateenaꞌo 3:3

Solomooniyoo Doono Yeerin shunnii beetone. Bi nihoo Daawitichi qociyoona hammii beehe; tunebaani guudi toommeexi goyinnee xaaꞌeenaꞌoochaa deejjoon deejjii, ixaanoon shookkii beehe.

2 Taateenaꞌo 14:3

Amasiyaasi Doono Yeeri aafooch kaame mooyon tuniihe. Tunebaani bi tuniito, bi nihoo Yoꞌaashichoommonani, bi qaabbechi Daawitichoommon toonoone.

2 Taateenaꞌo 16:2

Bi taatehooba, bi eeno hiye natone. Yerusaalem beechii aaraa shiritte naton qeejjiye. Biyoo bi qaabbechi Daawiti tuniitoommon, bi Nuggishoo Doono Yeeri aafooch kaame mooyon tuniyaanoone.

2 Taateenaꞌo 18:3

Bi qaabbechi Daawiti tuniitoommon, biyoo Doono Yeeri aafooch kaame mooyon tuniihe.

2 Taateenaꞌo 22:2

Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.

1 Kiinoo 22:18

“Ittoshi Nuggishoo Doono Yeeri and beddaahaa ittoshina tookkiiniye. Ittoshi etto bulli waanee ittoshin kashiitone. Hini showooch beeti asheenaꞌon ta kishooch beshiiꞌi immitone. Showoo Doono Yeerinaa bi asheenaꞌonoyich hajjeetone.

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 17:2

Yihudee showeexi mishigechi katemeenaꞌonaa Yihudee showoo bullinooch, bi nihoo kochii yechiti Efreemee katemeenaꞌoochoo ginee iraasheenaꞌon kotiihe.

2 Kiinoo 17:4

Bi qaabbechinaꞌochi Nuggishoyich gibeneeto tunehe; bi getoonoo hammiye. Israꞌeelee taateenaꞌo tuniibee echeti mooyon tuniyaanoone.

2 Kiinoo 20:32

Yoshafaaxi bi nihoo Aasichi gommon dabbiye; aroochee okk hach getaanoone. Doono Yeeri aafooch kaame mooyon tuniihe.

2 Kiinoo 21:12

Ebiyooba keemechi Eliyaas waanee ishichiibeeti koorichoo biich waahe: “Ne qaabbechi Daawitichi Nuggishoo Doono Yeeri ishichiye: ‘Ne nihoo Yoshafaaxichi gommon, woyee Yihudee taatoo Aasi gommon dabbaano neene;

2 Kiinoo 22:9

Asheenaꞌo Akaziyaasin qaawiꞌi, Shamaara aasheꞌi bi beetoochee daneheete. Yehi waan deebiꞌinoo wuxiyeete. Tunebaani bi ceeni mulloona Doono Yeer waan wotteti bi nihinihoo Yoshafaaxicha iꞌi, bi dubenoon duukkiyeete. Akaziyaasi yaroochee taatittinoon yesho hakkito, koniyoona aalloone.

2 Kiinoo 27:6

Yotaami bi Nuggishoo Doono Yeeri aafooch gibeneyoona kechii giyii bi itoyich, giidechi taatoon tunehe.

2 Kiinoo 29:2

Hiziqiyaasi bi qaabbechi Daawiti tuniitoommon, Doono Yeeri aafooch kaame mooyon tuniihe.

2 Kiinoo 34:2

Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:7

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Keyo 3:12

Yeeriyoo “Ta neenna tookki tunemmo taane. Neen wochaa daachiito ta tunee malletoo, ebine: Asheenaꞌon Gibitsee ne kichitoyee gubb, hini guudi toommoochaa taach goyinne maddemmo ittoshine” iye.

Keyo 4:12

Illa and tiyiree hambe. Tawoo ne noonooch tunemmo taane; ne gettemmon ta neech arichiyemmo taane” iye.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Erimiyaasi 2:23

“Aabichiree ‘Eeꞌeyaane taane; Baꞌaaloonoo dabbaanee taane’ geton hakkenne? Bambeexi ne gommon ciine; amoon ne tuniito gaatoo shalligibe! Shaafitteti baraheexi gaaleen shaahiti neene.

Maatiyoosi 18:20

Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.

Maatiyoosi 25:16

Uuche makilitoon deqqito daammii giixeꞌi bare uuche makilitoon shiijjiye.

2 Ximootiyoosi 4:22

Doono Yesuus Kiristoosi neenna tookki tunebe. Yeerichi wojjoo ittoshi bullina tookki tunebe.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Woraaferasheenaꞌo 2:11

Aroochee Israꞌeeleenaꞌo Doono Yeeri aafooch axaaxoon shuuneheete. Baꞌaaleenaꞌoyich goyinneheete.

Woraaferasheenaꞌo 2:18

Doono Yeeri woraaferashoon tiijjiꞌi, are woraaferashoo kashoona beemmi yemeeno bullin biinna tookkii tunee bi asheenaꞌon boonoshi etteenaꞌo kishoochee wodii beehe. Boonoshi etteenaꞌo boonoshin xuqqii duꞌiitaa boonoshi maaceremmona, Doono Yeeri boonoshich ariqqee beehe.

Woraaferasheenaꞌo 6:12

Doono Yeerichi maraakoo biich bekkeꞌi, “Giidechi ginee anaamocho, Doono Yeeri neenna tookkiiniye” iye.

Woraaferasheenaꞌo 8:33

Geediyooni qitii yagaan beetaa Israꞌeeleenaꞌo Yeerich gibeneyoon qajjiꞌi wochinnoon Baꞌaaleenaꞌoyich goyinnooch giyiyeete; Baꞌaal Beriitinoo boonoshi nuggishoon tuniiheete.

1 Saameeli 18:12

Doono Yeeri biin qajjiichii Daawitina tookkii bi tunetoyich, Saaꞌooli Daawitin shattiye.

1 Saameeli 18:14

Doono Yeeri Daawitina tookkii tunehe. Ebich biinnaa bi ginee naayinaꞌona boonoshi koyeti xaaꞌoo bulliichaa kochii wochii beeheete.

1 Saameeli 18:5

Saaꞌooli biin daachiiti koyee xaaꞌoo bulliichaa Daawitich mooyo kaamee beehe. Ebich Saaꞌooli bi ginee naayinaꞌo toommooch biin iraashiihe. Ebiyoo Saaꞌoolichi iraasheenaꞌonaa asheenaꞌo bullinon emirikkiye.