2 Kiinoo 17:11 - Kafa Linguistics Project

¹¹ Filsixeemeenaꞌoochee ikkikkeenaꞌo boonoshi wojjoon deebii beeheete; xure birewee gibiroonoo qoccii beeheete. Arabee asheenaꞌoo shabaatte humaa shabaatte balle bagee baaddoonaa shabaatte humaa shabaatte balle emmishee baaddoonon deebiyeete.

2 Kiinoo 17:11 ပူးပေါင်းရင်းမြစ်များ

2 Saameeli 8:2

Ebiyoommon wotta Moꞌabeenaꞌon kochii wochiye. Boonoshinoo showooch qeejjiichii, woderoona qellayiye. Ebi qellayeetinaꞌoochee gutte beeroon wuxiichii, ikke beeroon wuxaanoon echiihe. Ebina Moꞌabee asheenaꞌo Daawitich hajjeeꞌi biich gibiroon qocciyeete.

1 Taateenaꞌo 5:1

Xiroosi taatoo Kiraami bi yemeeno bulliich Daawitich shunecho bi tunetoyich, Solomooni bi nihoochi keroon taatoo tunoyich bi huutteyoon bi waayehooba, bi wocheyechinaꞌon Solomoon waan daachiihe.

2 Taateenaꞌo 3:4

Ebiyooba Moꞌabee taatoo Meeshi bagoon shiijjii beetone. Biyoo balle hume gishiishi bagee baaddoonaa balle hume ogooge bagee baaddoonochi huushoon Israꞌeelee taatoyich giijjii beehe.

2 Kiinoo 17:12

Yoshafaaxiyoo beshii beshii qeyiye. Yihudee showoochoo mishigeenaꞌonaa maayoonaa baribare mooyona kiceyemmi katemeenaꞌonon shuuniihe.

2 Kiinoo 17:5

Doono Yeeriyoo taatittinoon bi kishooch manjiihe. Yihudee ashoo bulliyoo wojjoon Yoshafaaxich deebiye. Ebina wodde oogoonaa gaannoonon danehe.

2 Kiinoo 21:16

Doono Yeeri Yehoraamin boonoshi kochemmoyich, Filsixeemeenaꞌonaa Topphiyeenaꞌochi gaꞌooch beeti Arabeenaꞌonon bi toommooch tiijjiye.

2 Kiinoo 26:8

Amoonee asheenaꞌoo Uziyaahich gibiroon qocciyeete. Uziyaahi oogichii bi kupphetoyich bi mooyo Gibitsee showee danooch beddaahaa waayeehe.

2 Kiinoo 9:24

Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.

Isiyaasi 13:20

Shiijjeroochee shiijjerooch beddaahaa arooch kotemmo ciroona beetaachemmone; Araboo bi duukkaanoon arooch xogaachemmone; qiddeenaꞌo arooch boonoshi bageenaꞌon quyeyaachemminaꞌone.

Hiziqeeli 27:21

“ ‘Arabeenaꞌonaa Qedaaree iraasheenaꞌo bullina bagee bushiishoon, bagee baaddoonaa emmishee baaddoonon deebona neenna tookkii giixee beeheete.