2 Kiinoo 17:1 - Kafa Linguistics Project

¹ Yoshafaaxi bi nihoo Aasi xaaꞌooch kereeꞌi taatehe. Israꞌeeleenaꞌo toommooch bi giidoon kupphiihe.

2 Kiinoo 17:1 ပူးပေါင်းရင်းမြစ်များ

1 Taateenaꞌo 15:24

Biyoo qitiꞌi bi qaabbechinaꞌo waan xaꞌeehe; bi qaabbechi Daawiti Katemooch beeti bi qaabbechinaꞌo duukketi maashooch duukkehe. Bi bushoo Yoshafaaxi bi xaaꞌooch kereeꞌi taatehe.

1 Taateenaꞌo 22:41

Israꞌeelee taatoo Akaabi taateti awuddinnee natooba, Aasi bushoo Yoshafaaxi Yihudee showooch taatehe.

2 Taateenaꞌo 1:17

Ebina Eliyaasi gettiti, Doono Yeerichi qaaroommon Akaziyaasi qitiye. Akaziyaasi bushaallo bi tunetoyich, bi manoo Yoraami bi xaaꞌooch kereeꞌi taatehe. Ebiyoo Yihudee taatoo Yoshafaaxi bushoo Yehoraami taateti guttinnee natoobane.

1 Kiinoo 11:10

Daawitichi ginee anaaminaꞌochi iraasheenaꞌo eboshine; boonoshiyoo Israꞌeeleenaꞌo bullina tookkii tuneꞌi, Israꞌeeleenaꞌochon Doono Yeeri gibenikkiti gibenoommon Daawiti taatemmoyich tuniiheete; bi taatittino manjemmoyichoo biin gaacheheete.

2 Kiinoo 12:1

Roboꞌami bi taatittino manjaa kupphe taatoo tuneechii, biinnaa Israꞌeelee asho bullina Doono Yeerichi sheeroon quyoon qajjiyeete.

2 Kiinoo 17:2

Yihudee showeexi mishigechi katemeenaꞌonaa Yihudee showoo bullinooch, bi nihoo kochii yechiti Efreemee katemeenaꞌoochoo ginee iraasheenaꞌon kotiihe.

2 Kiinoo 26:8

Amoonee asheenaꞌoo Uziyaahich gibiroon qocciyeete. Uziyaahi oogichii bi kupphetoyich bi mooyo Gibitsee showee danooch beddaahaa waayeehe.

2 Kiinoo 32:5

Ebiyee gubb, taatoo kuppheꞌi shuunoona tiisheti xaqqee uxeroo bullin wochinnoon shuunehe. Uxeree toommoochoo dilaaloon shuunehe. Uxeroyee maach bare xaqqee uxeroon shuunehe. Daawiti Katemooch, Miiloo getteebeeti xaaꞌooch beeti mishigoon manjiiꞌi shuunehe; wodde ginee qiicoonaa gaachoonon shuunehe.

Hiziqeeli 7:27

Taatoo eeppemmone; woraaferashoo gibenoon kuxxemmone; showee asheenaꞌochi kishoo keqqoona qewemmone; boonoshi gommi gommoommona boonoshi toommooch tuniyemmo taane; boonoshi nallitoommon boonoshi toommooch nallemmo taane; Doono Yeeri ta tunoon ariyemminaꞌone” iye.

Maatiyoosi 1:8

Asaafi Yoshafaaxin shiyihe; Yoshafaaxi Yehoraamin shiyihe; Yehoraami Uziyaahin shiyihe;

Efesooni 6:10

Illa and, Doono Yesuusinaa bi ooge giidoona kupphebote.

1 Saameeli 23:16

Saaꞌooli bushoo Yonaataani Daawit waan, Horeesh hammiꞌi, Yeerin gibenoona bi manjemmoyich biin kupphiihe.