2 Kiinoo 16:9 - Kafa Linguistics Project

⁹ Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

2 Kiinoo 16:9 ပူးပေါင်းရင်းမြစ်များ

Halloo 31:28

Ta maache bushiishoonaa boonoshi bushiishoonon shumi diggiiree ta deennemmoyich, amoyich bajjenne? Ebi ne shuuneti shuunoo tate shuunoo toonoone.

2 Saameeli 24:10

Asheenaꞌo haddeyemmon bi tuniitoyee gubb, Daawit mullo biin ittibatehe. Biyoo Doono Yeerich ishichiye: “Ebi ta tuniiti mooyona oogeti axaaxoon shuuneto taane. Doono Yeero, ne guuno ta gondoon maaribe; mullaalli ashi shuunoon shuuneto taane” iye.

1 Taateenaꞌo 15:32

Aasinaa Israꞌeelee taatoo Baꞌaashina daggooch boonoshi yemeeno bulliich koyoo koyeehe.

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

1 Kiinoo 21:8

Aroochee Daawiti Yeerich ishichiye: “Ebi mooyon tuniyoona oogeti axaaxoon shuuneto taane; ne guuno ta gondoon ne maaremmoyich neen qollehoye. Mullaalli ashi shuunoon shuuneto taane” iye.

2 Kiinoo 15:17

Aasi guudi toommeexi goyinnee xaaꞌeenaꞌon Israꞌeelee showoochee ciroona aalliyoo bi qajjitaanona, kashoona bi beeti yemeeno bulliich Doono Yeerich gibeneetone.

2 Kiinoo 15:19

Aasi taateti shaashaa uuchinnee natooch beddaahaa, bare koyo aalloone.

2 Kiinoo 16:10

Ebichi naboona Aasi yaaꞌechon kaarehe; oogichiꞌi bi ippetoyich, cuyee kexooch giijjiye. Ebiyooba Aasi ikkikke asheenaꞌon oogichiꞌi xuuxiihe.

2 Kiinoo 19:9

Boonoshichoo ishichiꞌi gettiye: “Doono Yeerin shatona, kaamoona, ittoshi ceeni mulloona maddebote.

2 Kiinoo 6:20

‘Arooch ta shigo beeyemmone’ ne iti, hini kexo waan xumoonaa areddoonon manjii ciine; ne guuno ta hini xaaꞌoo waan wottaachaa ta corootaabeeti corootoon elle waayebe.

Iziri 5:5

Tunebaani boonoshi Nuggishoo gaawe aafoona Ayihudee geeneenaꞌon bi ciinnitoyich, ebi mooyo Daariyoos waan shaggiꞌi, wochoo koorichoona waammi wottoon, shuunoon boonoshi neechemmoyich tuniyaaneenaꞌone.

Iyoobi 28:24

Ebiyoo, Yeeri showee tuggooch beddaahaa ciinniibeeto, shimaayoyee desh beeti mooyo bullin beeggiibeeto, bi tunetoyichiye.

Iyoobi 31:4

Yeeri, ta beemon beeggiibeeto, ta shaaddoonoo haddiibeeto, toone?

Iyoobi 34:21

“Yeeri ashi gommon ciinnii beetone; bi shaaddo bullinoo beeggii beetone.

Shoddo 33:14

Bi beeyi xaaꞌoochaa showee toommooch beetinaꞌo bullin beeggiye.

Shoddo 33:15

Boonoshi bullichi mulloon shuuneti aroo, boonoshi shuunoo bullin ciinnii beetone.

Shoddo 33:18

Ebiyoche Doono Yeeri aafo biin shattii beetinaꞌon, bi shoodoon gibenee beetinaꞌon, ciinniye.

Shoddo 34:15

Doono Yeeri aafo cadiqeenaꞌo waan ciinnii beetone; bi waamo boonoshi cookoon ellehe.

Shoddo 37:37

Oonaalli ashoon ciine; kaame ashoonoo beege; digge ashi shiijjeroo kuxeyaachemmone.

Shaahiyoo 15:3

Doono Yeeri aafo bulli xaaꞌoon ciinnii beetone; deꞌeenaꞌonaa gondeenaꞌonon beeggii beetone.

Shaahiyoo 5:21

Doono Yeeri aafoochaa ashi gommo bulli xalla bekketone; biyoo ashi shaaddo bullin ciinnii beetone.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Erimiyaasi 16:17

Boonoshi tuniibeeto bullin beeggaabeeto taane; tayee aashetinaꞌo tooneenaꞌone; boonoshi axaaxolla ta aafoochee aacheeto toonoone.

Erimiyaasi 32:19

Gaboona oogoo, shuunoonoo hakkecho neene; asho bullich bi gommoommonaa bi shuunee aafoommonon qocoyich, ne aafo asho bullichi gommon ciinnii beetone.

Erimiyaasi 5:1

“Dayinnetoona nalliibeeti, ibere mooyonoo qaawiibeeti ashoon, danemmo ittoshi tunegaata, Yerusaalemi gommona okk hach shaꞌebote; xiishi ciinote; bi addibaaboochoo qaawibote; ittoshi danegaata, Yerusaalemin maaremmo taane.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Zakaariyaasi 4:10

“Giisheche mooyo tuneebeeti aaboon hoxeebeeto konine? Asheenaꞌo tumbin Zerubabeelichi kishooch boonoshi beegiyooba emiremminaꞌone. “Ebi shabaatte ceecheenaꞌo showoo bulliich guuddiibeeti Doono Yeerichi aafeenaꞌone” iye.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Luqaasi 12:20

“Tunebaani Yeeri ‘Hini mullaalloocho! Ne kasheen ta kotiitoochee hanaachi xum tiijjemmo taane; hini ne kicitochi, konich tunehe?’ iye.

1 Qorontoosi 15:36

Hini mullaalloocho, aabichaꞌa ishichinne? Ne shookketi yaroo qitaanoon kashechon tuneꞌi colleyaanoone.

Galaati 3:1

Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

1 Pheexiroosi 3:12

Doono Yeeri aafo cadiqeenaꞌo waan ciinnii beetone; boonoshi qolloon waayoyich bi waamo qechoone; tunebaani Doonochi aafo gondoon shuunee beetinaꞌoyich maggemmone.”

1 Saameeli 13:13

Saameeliyoo Saaꞌoolich ishichiye: “Tun bedaani mooyoniye ne tuniito. Ne tuniyemmoyich ne Nuggishoo Doono Yeeri gettiti getoon tuniyaano neene. Ebin ne tuniito gaata, Doono Yeeri ne shiijjeroo Israꞌeeleenaꞌo toommooch bulli yemeenoon bi taatemmoyich tuniyeshone.