2 Kiinoo 16:3 - Kafa Linguistics Project

³ “Ne nihoonaa ta nihoonochi daggooch wogo beemoommon, neennaa taanna daggoochoo beebe. Ebiyoche, aachoonaa birewoonon neech daachiito taane. Israꞌeelee taatoo Baꞌaashi ta waanee bi wokkemmoyich, biinna tookkaa ne giyeti wogoon happibe” iye.

2 Kiinoo 16:3 ပူးပေါင်းရင်းမြစ်များ

2 Saameeli 21:2

Gibeꞌoonee asheenaꞌo Amooree yaroochee echeti asheenaꞌoani, Israꞌeeleenaꞌo tooneenaꞌone. Israꞌeeleenaꞌo boonoshin wuxaanoon echiyoyich wogetinaꞌone. Tunebaani Saaꞌooli Israꞌeeleenaꞌonaa Yihudee asheenaꞌonoyich qanaatoochee tiyitona, aroyee aaf boonoshin aalliiya qaawitone. Taatoo Daawiti Gibeꞌooneenaꞌon ceeggiꞌi,

1 Taateenaꞌo 15:16

Aasinaa Israꞌeelee taatoo Baꞌaashinochi taatee yemeeno bulliich, boonoshi daggooch koyo koyeehe.

2 Kiinoo 16:2

Aasiyoo Doono Yeerichi kechi ginjabeetoonaa taatee kechi ginjabeetoonoochee birewoonaa aachoonon tiijjii, Damaasiqa koteti, Sooriyee taatoo Been Hadaadich ishichiꞌi daachiihe:

2 Kiinoo 16:4

Been Hadaadiyoo taatoo Aasi gettiton deꞌa iꞌi waayehe. Bi ginee iraasheenaꞌon Israꞌeelee katemeenaꞌooch daachiihe; boonoshiyoo hammiꞌi, Iyoonin, Daaninaa Abeel Mayiminon, wotta Nifitaalee showooch beeti, maayoonaa baribare mooyona kiceebeeti katemoo bullinoo kochii yechiyeete.

2 Kiinoo 18:3

Israꞌeelee taatoo Akaabi Yihudee taatoo Yoshafaaxin, “Gilaadee showooch beeti Ramootin no kochemmoyich, taanna tookki hammenne?” iꞌi echehe. Yoshafaaxiyoo Israꞌeelee taatoyich, “Tawoo neenoommo taane; ta ashoo ne ashoommone; koyooch neenna tookki hammemmo noone” iye.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Keyo 32:21

Aroochee Muusi Haroonin “Ebi shaahe magge axaaxoon boonoshi shuunemmoyich ne tuniito, ebi asheenaꞌo neen aabicheenane?” iye.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

2 Ximootiyoosi 3:3

ashoon shunaaneenaꞌo, ashich maaroon imon shunaaneenaꞌo, oonechinaꞌo, boonoshi qelloon quyeyaaneenaꞌo, maacmanjeenaꞌo, deꞌe mooyon shunaaneenaꞌo,

Woraaferasheenaꞌo 2:2

Ittoshiyoo hini showooch beeti asheenaꞌona tookki wogoon giyaahote; boonoshi deejjee gudoonoo happibote’ iyoye. Tunebaani ittoshi, ta getoon waayeyaano ittoshine. Ebin ittoshi tuniito amoyichiye?