2 Kiinoo 15:8 - Kafa Linguistics Project

⁸ Aasi Odeedi bushoo keemechi Azariyaasi keemmiti, ebi keemee qaaroon waayeꞌi goggehe. Yihudee showoochee, Biiniyaamee showoonaa geppechi Efreemee showoonoochee bi yechiti katemeenaꞌoochee ciigiiti shahalloon aalliihe. Doono Yeerichi yaafee kechi ciinooch beeti deejjee gudoon wochinnoon shuunehe.

2 Kiinoo 15:8 ပူးပေါင်းရင်းမြစ်များ

1 Taateenaꞌo 11:5

Solomooniyoo Sidooneenaꞌochi nuggishee Ashitarootinaa Amooneenaꞌochi ciigiiti nuggishoo Milikoominoyich goyinnehe.

1 Taateenaꞌo 11:7

Solomooni Yerusaalemaa aabi-keyo waan beeti guudi toommooch Moꞌabeenaꞌochi ciigiiti nuggishoo Kemooshinaa Amooneenaꞌochi ciigiiti nuggishoo Molookinoyich goyinnee xaaꞌoon shuunehe.

1 Taateenaꞌo 15:9

Israꞌeelee taatoo Yeroboꞌami taateti hiyinnee natooba, Aasi Yihudee showooch taatehe.

2 Taateenaꞌo 16:14

Doono Yeeri aafooch beeti gooshee deejjee gudoon yaafee kechi aafoochee, bi shuuniiti deejjee gudoonaa Doono Yeerichi yaafee kexonochi gutte daggoochee wokkiiꞌi, bi shuuniiti deejjee gudoyee dambi-waan kotiihe.

2 Taateenaꞌo 18:22

Ittoshiyoo taach, “No Nuggishoo Doono Yeerin gibenemmo noone” ittoshi getaachemmoyich, Hiziqiyaasi Yihudee asheenaꞌonaa Yerusaalemi asheenaꞌonoyich, “Ittoshi goyinnemmo, Yerusaalem beeti deejjee gudee aafoochiye” getona, guudi toommeexi, Doono Yeerichi goyinnee xaaꞌeenaꞌonaa deejjee gudeenaꞌonon aalliitone.

2 Taateenaꞌo 23:13

Ebiyoommon wotta Yerusaalemaa, aabi-keyo waan, ebiyoo Eeꞌee guudoochaa, deshi-waan beeti, Sidooneenaꞌochi ciigiiti nuggishee Ashitarootich, Moꞌabeenaꞌochi, ciigiiti nuggishoo Kemooshinaa Amooneenaꞌochi, ciigiiti nuggishoo Milikoominoyich taatoo Solomooni shuuniiti, guudi toommeexi goyinnee xaaꞌeenaꞌon eeꞌiihe.

2 Kiinoo 13:19

Abiyiyoo Yeroboꞌamin yookkiichii, Beeteelin, Yeshanaahinaa Efirooninon boonoshi gafeenaꞌona tookkii deqqiye.

2 Kiinoo 17:2

Yihudee showeexi mishigechi katemeenaꞌonaa Yihudee showoo bullinooch, bi nihoo kochii yechiti Efreemee katemeenaꞌoochoo ginee iraasheenaꞌon kotiihe.

2 Kiinoo 19:11

“Doono Yeericho tuneti mooyo bullich qeeshee guudo Amariyi, wotta taatoocho tuneti mooyo bullich Ishmaꞌeeli bushoo Yihudi yoodee iraashoo Zebaadiyi ittoshi toommooch iraashetinaꞌone. Leweenaꞌoo ittoshi aafooch ukkireree maddebeete; kuppheree shuunebote. Doono Yeeriyoo gaawe mooyon tunii beetinaꞌona tookki tunebe” iye.

2 Kiinoo 19:4

Yoshafaaxi Yerusaalem kotehe. Beershaabee tiijjii geppechi Efreemee showooch beddaahaa beeti asheenaꞌo waan hammiibee, asheenaꞌo boonoshi qaabbechinaꞌochi Nuggishoo Doono Yeer waan boonoshi wottemmoyich tunii beehe.

2 Kiinoo 29:18

Aroochee Leweenaꞌo taatoo Hiziqiyaas waan waaꞌi, “Doono Yeerichi yaafee kexon, micciibeeti deejjoo giddeebeeti deejjee gudoonaa bi qiico bullinon, yaaree kosho koteebeeti madelloonaa bi qiico bullinon yaafito noone.

2 Kiinoo 4:1

Taatoo Solomooni, bi gidoo hiye hiroo, bi maaco hiye hiroo, bi neexo aashire hiroo tuneti gooshee deejjee gudoon shuuniihe.

2 Kiinoo 8:12

Solomooni yaafee kechi aafooch bi shuuniiti Doono Yeerichi deejjee gudooch micciibeeti deejjoon Doono Yeerich deejjiye.

Isiyaasi 44:14

Yigee mixinaꞌon kuxxiye; geelloon woyee diꞌoon kaacciꞌi kubbi daggooch bi dici kupphemmoyich qajjiye; woyee ciidee mixon bi bechee amiyona dicciye.

Isiyaasi 65:4

Maashooch kotee beetinaꞌo, qere xaaꞌooch xumoon beshii beetinaꞌo, gudichi meenon maa beetinaꞌo, boonoshi qiicooch eeꞌe meechi cabboon geddiibeeti asheenaꞌone.

Erimiyaasi 16:18

Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.

Hiziqeeli 8:10

Ebich maac giyaꞌa ciinneho; xaqqee uxeree guudo bulliich shicheeti, yuummere halleenaꞌo bullichi misilo, eeꞌe cooxinaꞌochi misiloonaa Israꞌeelee macceenaꞌochi shahalloo bullina arooch beete;

Leweenaꞌo 18:30

Ebich ta getoon waayebote. Ittoshiyee aaf are showooch koteti asheenaꞌo tuniibee echeti eeꞌe mooyoochee amoonolla, tuniyaahote. Eboshin tuniyoona ittoshi qelloon eeꞌiyaahote. Ta, ittoshi Nuggishoo Doono Yeeri taane’ itone gete” iye.

Maatiyoosi 25:16

Uuche makilitoon deqqito daammii giixeꞌi bare uuche makilitoon shiijjiye.

Mishiraachechinaꞌo 28:15

Are Roomi kittinneenaꞌo no womon waayeꞌi Apiyoosi Gabiyoonaa Keejje Iibbee Kexo getteebeeti xaaꞌoonooch beddaahaa noonna daneya waaheete. Phawuloosi boonoshin ciinniꞌi tiyii Yeerin galletehe; bi mulloo kupphehe.

Yibbaatoo 27:15

“ ‘Ariyechi ashi kishoona shuuneeti, Doono Yeeri aafoochaa shicheti, xaqqoochee, mixoochee woyee xuuroochee shahalloon shuuneꞌi aashoona goyinneebeeto uppeton tunebe’ geteete. “Asheenaꞌo bulliyoo ‘Ameena’ geteete.

1 Pheexiroosi 4:3

Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.