2 Kiinoo 15:7 - Kafa Linguistics Project

⁷ Tunebaani ittoshi shuunee gatiyoon danemmo ittoshi tunetoyich, kupphebote; ittoshi mochoo niraaye” iye.

2 Kiinoo 15:7 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

2 Kiinoo 19:11

“Doono Yeericho tuneti mooyo bullich qeeshee guudo Amariyi, wotta taatoocho tuneti mooyo bullich Ishmaꞌeeli bushoo Yihudi yoodee iraashoo Zebaadiyi ittoshi toommooch iraashetinaꞌone. Leweenaꞌoo ittoshi aafooch ukkireree maddebeete; kuppheree shuunebote. Doono Yeeriyoo gaawe mooyon tunii beetinaꞌona tookki tunebe” iye.

2 Kiinoo 32:7

“Kupphebote; maaci kuxoonoo tunebote. Noonna tookkii beeto, boonoshina tookkii beetoyee besho bi tunetoyich, Asooree taatoonaa biinna tookkii beeti meeti ginee naayinaꞌonon shattaahote; keqqiyaahote.

Shoddo 19:11

Ne guuno aroona guyeehe; boonoshin bi quyoonoo oogichii gaachehe.

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Shoddo 58:11

Ebiyooba asheenaꞌo “Iberoochaa cadiqe ashich bi shuunee gatiyoo beetone; showee toommooch nallechi Nuggishoo beetone” gettemminaꞌone.

Erimiyaasi 31:16

Doono Yeeri ishichiye: “Eefoochee ne qaaroon acimoochee ne aafoon quyebe; ne aayo duube echeyaachemmone” iye Doono Yeeri. “Ne bushiisheenaꞌo ettoochi showoochee wotteree woyemminaꞌone.

Daaneeli 10:19

Biyoo ishichiye: “Oogeton shucheti uroocho, shattaahine; diggoo neech tunebe; kupphebe; manjibe” iye. Ebin bi gettimmona, tawoo kupphaꞌa, “Ta doonocho, taan kupphiito neene. Illa getta ne qaawiton gete” iyo.

Zakaariyaasi 8:9

Beshe Mawe Doono Yeeri ishichiye: “Beshe Mawe Doono Yeeri ta yaafee kechi heco hecheehooba keemechinaꞌo keemmiti keemoon and beddaahaa waayeebeeti ittoshi, yaafee kexon shuunoyich ittoshi mochoon kupphiibote.

Maatiyoosi 5:12

Yeeri ooge wojjoon shimaayoochaa ittoshich immemmo bi tunetoyich, emiribote; emiroona wucwucote. Ittoshiyee aaf beeti keemechinaꞌon ebiyoommon duꞌiitinaꞌone” iye.

Maatiyoosi 5:46

Ittoshin shunnii beetinaꞌon baach ittoshi shunigaata, Yeer waanee amee wojjoon danehote? Gabiyee guudeenaꞌo ebin tuniyaacheete?

Maatiyoosi 6:1

“Yeerich ittoshi shuuneebeeti deꞌe shuunoon ashi beꞌenoyich ittoshi shuuneyaachemmoyich, ittoshi qelloon ariibote! Shimaayooch beeti ittoshi Nihoo Yeer waanee wojjoon cir daneyaachemmo ittoshine.

Maatiyoosi 6:4

Aachiree imbe; arooba aashoona ne tunii beeton beeggiibeeti ne Nihoo Yeeri neech wojjemmone” iye.

Maatiyoosi 6:6

Tunetaa ne corootii beegaata, ne gatooch giyiree ne gifoon hiciichi bekkeyaani ne Nihoo Yeerich corootibe. Arooba aashoona ne tunii beeton beeggiibeeti ne Nihoo Yeeri neech wojjemmone.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

1 Qorontoosi 16:13

Ittoshi qelloon ariibote; Kiristoosi toommooch beeti ittoshi mullee tooꞌiyoona manjiree neexebote; shattaayi kupphebote;

1 Qorontoosi 3:14

Are baashee toommooch haggito koniyoona, bi haggiti kexo qaaqqoona mico bi qayigaata, Yeeri biich wojjemmone.

1 Qorontoosi 3:8

Yaroon shookkitonaa aacon kittii uchitona ikkeenaꞌone. Yeeri boonoshi qelli qelloona boonoshi shuunetoommon boonoshich wojjemmone.

Efesooni 6:10

Illa and, Doono Yesuusinaa bi ooge giidoona kupphebote.

Qolaasiyaasi 3:24

Doono Yeeri ittoshich bi qanniiti shuunee gaacee iristoon danemmo ittoshi tunoon ariibeeto ittoshine; ittoshi maddeebeeto Doono Kiristoosichiye.

Hibireena'o 10:35

Illa oogeti gaacoon ittoshich daniyemmo bi tunetoyich, andoo ittoshi aafee kupphoon qajjaahote.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Yaasi 1:7

Ne baach kupphebe, maac kuxoonoo tunebe; ta guuno Muusi neech immiti sheeroo bullin manjii quyeree ceechibe. Ne hammemmo bulliich neech bi kaamemmoyich, are sheeroochee qanna yoocha gettaahine.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 14:14

Ebina Israꞌeelee Nuggishoo Doono Yeerin mulloochee tiijjiꞌi bi dabbitoyich, Kebirooni Qenizi yaroo tuneti, Yefuuni bushoo Kaaleebichi iristo tunehe. Hanaach beddaahaa bi shiijjereenaꞌo arooch beetinaꞌone.

2 Yowannisi 1:8

Illa Yeeri ittoshich bi qanniiti wojjoo bullin ittoshi deqqemmoyichalli, aayiree ittoshi mucceyaachemmoyich ittoshi qelloon quyebote!

Ruuti 2:12

Ebi ne tuniiti deꞌe mooyoyich Yeeri neech deebe; bi quyoon qaawaꞌa bi qoshee dechiich ne giyeti, Israꞌeelee Nuggishoo Doono Yeeri gaawe mooyon neech ceenoona imbe” iye.