2 Kiinoo 15:6 - Kafa Linguistics Project

⁶ Yeeri meeti iritoona boonoshin bi yexxitoyich, ikke aagetoo bare aagetoon, ikke katemoo bare katemoon kochii aallii beehe.

2 Kiinoo 15:6 ပူးပေါင်းရင်းမြစ်များ

2 Kiinoo 12:15

Roboꞌami shuuneti shuunoo batti battichoochee tiijjii ciireexooch beddaahaa, wotta bi kechi asheenaꞌochi mooyoo keemechi Shemayaahinaa yaaꞌechi Iidinochi kiinee macaafooch kooreetone. Roboꞌaminaa Yeroboꞌamina kuxeyaani koyoon koyee beeheete.

2 Kiinoo 13:17

Abiyinaa bi asheenaꞌona gonde yexon boonoshin yexxiyeete. Israꞌeeleenaꞌo daggoochee uuche balle hume aricheti ginee naayinaꞌon wuxiyeete.

2 Kiinoo 33:11

Ebich Doono Yeeri Asooree gino boonoshin bi kochemmoyich tuniihe. Boonoshiyoo Minaasichi muddooch tuutoon geddii, gooshee qoqqaannoona cuchiꞌi, Baabloonee showooch daammiyeete.

2 Kiinoo 36:17

Ebich Doono Yeeri Baabloonee taatoon boonoshi toommooch deejjiye. Ebi taatoo boonoshi gurimaasheenaꞌon yaafee kexoochaa goraadoona guuriye. Biyoo gurimaashoon tuneba gidiideen, geeneton tuneba geenee baayeton, ariqqaalloon wuxiye. Doono Yeeri bullinolla Nabukadinatsorichi kishooch beshiiꞌi immiye.

Shoddo 106:41

Aageteenaꞌoyich beshiiꞌi immiye; boonoshi shixechinaꞌo boonoshin hajjiyeete.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 19:2

Doono Yeeri ishichiye: “Gibitsee asheenaꞌochi toommooch Gibitsee asheenaꞌo tiyemmoyich tuniyemmo taane; asho bulli, manoo bi manoo toommooch, giyoo bi giyoo toommooch, katemoo katemee toommooch, taatee showoo taatee showee toommooch tiyemmoyich tuniyemmo taane. Gibitseenaꞌo mullo baallemmone; boonoshi yamoonoo duubo tuniyemmo taane; boonoshiyoo boonoshi shahalleenaꞌon, kaayechinaꞌon, qite ashoona yibbaatee beetinaꞌonaa allaameenaꞌonon echemminaꞌone. Gibitseenaꞌon maacmanje doono kishooch beshiiree immemmo taane; hatiibeeti taatoo boonoshin hajjemmone” iye Beshe Mawe Doono Yeeri.

Erimiyaasi 25:32

Beshe Mawe Doono Yeeri ishichiye: “Ebiyoche gonde mooyo aagetoochee aagetooch beshee beetone; giidechi yuboo showee daaroochee tiyii beetone” iye.

Amootsi 3:6

Katemee daggooch tiroo (waaringo) hukketaa waayeechi, asheenaꞌo keqqaacheheete? Doono Yeeri daaggaanoon, gonde mooyo katemee daggooch tunehe?

Haagi 2:22

showee toommooch beeti, taatittinee qeenon guuppa ii beeto taane; aagetee showee taatittinee giidoon aalliiya ii beeto taane; boonoshi gaarinaa gaarin yebbee beetinaꞌonon guuppa ii beeto taane. Boonoshi haresheenaꞌo qitemminaꞌone; yebbee beetinaꞌoo boonoshinaa boonoshina goraadoona qecceeree qitemminaꞌone.

Maatiyoosi 24:7

Arooba ikke aageteexi asho bare aageteexi ashoona, ikke showeexi taatoo bare showeexi taatoona koyemmone; baribare xaaꞌoochoo shaacoo giyemmone; showee qewo tunemmone.

Maariqoosi 13:8

Arooba ikke aagetoo bare aagetoona, ikke showee taatoo bare showee taatoona koyemmone; baribare xaaꞌoochoo showee qewo tunemmone; shaacoo giyemmone. Eboshi bekkiibeeto batt maaxee xuuxee gimoniye.

Woraaferasheenaꞌo 2:14

Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.