2 Kiinoo 15:12 - Kafa Linguistics Project

¹² Boonoshi qaabbechinaꞌochi Nuggishoo Doono Yeer waan ceeni boonoshi mulloona, ceeni boonoshi kashoonoo wottoyich wogoon giyiyeete.

2 Kiinoo 15:12 ပူးပေါင်းရင်းမြစ်များ

1 Taateenaꞌo 8:48

boonoshin keccii daammiti etteenaꞌo showooch beechii, ceeni boonoshi mulloonaa ceeni boonoshi gaboona ne waan boonoshi wottegaata, boonoshi qaabbechinaꞌoyich ne immeti boonoshi showoo waan, ne kaacceti katemoo waan, neech ta haggeti kexo waan wotteechii boonoshi corootigaata,

2 Taateenaꞌo 11:17

Aroochee Yoyaadi, taatoonaa asheenaꞌona Doono Yeerichi asheenaꞌo boonoshi tunee wogoon boonoshi giyemmon tuniihe. Ebiyoommon wotta taatoonaa asheenaꞌonoo wogoon giyemmoyich tuniihe.

2 Taateenaꞌo 23:3

Taatoo giimbee gaꞌooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye. Asheenaꞌo bulliyoo wogoon giyiyeete.

2 Kiinoo 11:16

Wotta Israꞌeelee yoodo bulliichee mulloochee tiijjiꞌi Israꞌeelee Nuggishoo Doono Yeerich maddeya qaawitinaꞌo bulli, boonoshi qaabbechinaꞌochi Nuggishoo Doono Yeerich deejjoon giddiyoyich, Leweenaꞌon dabbiꞌi Yerusaalem waatinaꞌone.

2 Kiinoo 15:4

Tunebaani boonoshi iritee aabooba, Israꞌeeleenaꞌochi Nuggishoo Doono Yeer waan wotteꞌi biin qaawiyeete. Biyoo boonoshich danehe.

2 Kiinoo 19:3

Tunebaani gaawe mooyo ne waanee danetone. Ebiyoo nuggishee Asheeri misileenaꞌon showoochee ne aalliyoonaa Yeerich gibeneeto ne tunoonane” iye.

2 Kiinoo 23:16

Aroochee Yoyaadi bi qelloona, taatoonaa asheenaꞌo bullina Doono Yeerichi asheenaꞌo boonoshi tunee wogoon boonoshi giyemmoyich tuniihe.

2 Kiinoo 29:10

Andoo bi kaaree shiixxoo no waanee bi wottemmoyich, Israꞌeelee Nuggishoo Doono Yeerina tookki wogoon gimoyich ta mulloona gabito taane.

Nehimi 10:29

Boonoshi maneenaꞌonaa ogoogeenaꞌona ikkotteꞌi, Yeeri guuno Muusina icheti Yeerichi sheeroon ceechoyich, no Doono Yeerichi getoon, qociyoonaa doyoo bullinon deꞌa getoyich maxxaaree, ishichiꞌi wogoon giyiyeete:

Nehimi 9:38

“Ebi mooyo bullich manjiti wogoon giyaꞌa koorichooch kooraabeeto noone. No ogoogeenaꞌo, Leweenaꞌonaa qeesheenaꞌona aree toommooch boonoshi maatemoona dukkee beetinaꞌone” iyeete.

Erimiyaasi 50:5

Boonoshi aafoon Tsiyoon waan wochiichi ‘Ittoshi waataa ciroona batteyaani bulli aabee wogoona Doono Yeerina tookki ikkottebone’ getiree Tsiyooni katemooch daammiibeeti gommon echemminaꞌone.

Mishiraachechinaꞌo 24:14

Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane.

2 Qorontoosi 8:5

No gabitoyee beshooniye boonoshi tuniito; bulliyee shiichiꞌi boonoshi qelloon Doono Yesuus Kiristoosich beshii immiyeete; daakkiꞌi wotta Yeerichi daaggoommon boonoshi qelloon beshiiꞌi nooch immitinaꞌone.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 29:1

Kooreebi guudoochaa bi giyiti wogee toommooch daakkiree Moꞌabee showoochaa Israꞌeeleenaꞌona tookki bi giyemmoyich, Doono Yeeri Muusich gettiti wogeechi mooyo ebine:

Yibbaatoo 29:12

Hanaach hiniich ne neexeto, Doono Yeeri neenna tookkii giyiibeeti wogooch biinna tookkii gimoyich, wotta ne Nuggishoo Doono Yeerina tookkaa ne giyeti wogoon quyemmo ne tunoon getoyichiye.

Yibbaatoo 4:29

Tunebaani aroochaa ittoshi Nuggishoo Doono Yeer waan corootemmo ittoshine. Ceeni ittoshi mulloonaa ceeni ittoshi kashoona bi waan ittoshi corootigaata, biyoo ittoshi qolloon waayemmone.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

Yaasi 24:25

Arooba Yaasi asheenaꞌona tookkii wogoon giyiye; boonoshin yaabemmi qociyoonaa doyoonon Shekeemaa boonoshich immiye.