2 Kiinoo 14:3 - Kafa Linguistics Project

³ Biyoo dallaawe nuggisheenaꞌochi deejjee gudoonaa guudi toommeexi goyinnee xaaꞌeenaꞌonon aalliihe. Boonoshi goyinneebeeti xaqqee giimbeenaꞌon tiichiye. Boonoshi nuggishee Asheeri misileenaꞌon kuxxii dichiye.

2 Kiinoo 14:3 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

2 Taateenaꞌo 18:4

Guudi toommeexi goyinnee xaaꞌeenaꞌon happii aalliihe; goyinnee xaqqee giimbeenaꞌonoo tiichiye; nuggishee Asheeri misiloon kuxxii duppiye. Arooba beddaahaa Israꞌeeleenaꞌo ixaanoon aroyich shookkii boonoshi beetoyich, Muusi gooshoochee shuuneti, Nehushitaani getteebeeti dingeree misiloonoo tiichiye.

2 Taateenaꞌo 23:14

Aroochee taatoo Yosiyaasi goyinnee xaqqee giimboo bullin tiichiye; wotta Asheeri misileenaꞌon kuxxiꞌi duppiye. Ebi misileenaꞌo neexeti xaaꞌoochoo ashi shaawushoon ceechiye.

2 Taateenaꞌo 23:6

Nuggishee Asheeri misiloon Doono Yeerichi yaafee kexoochee waaxxii, katemoochee kichii, Qedirooni bambooch daammiꞌi michiye; buttee qaddochii qacichiꞌi, asheenaꞌochi maashee toommooch shakkiye.

2 Kiinoo 14:2

Aasi bi Nuggishoo Doono Yeeri aafooch gaawetonaa kaamoona tuneti mooyon tuniihe.

2 Kiinoo 14:4

Boonoshi qaabbechinaꞌochi Nuggishoo Doono Yeer waan boonoshi wottemmoyich, bi sheeroonaa bi getoonon boonoshi quyemmoyich, Yihudee asheenaꞌoyich gettiye.

2 Kiinoo 15:17

Aasi guudi toommeexi goyinnee xaaꞌeenaꞌon Israꞌeelee showoochee ciroona aalliyoo bi qajjitaanona, kashoona bi beeti yemeeno bulliich Doono Yeerich gibeneetone.

2 Kiinoo 33:16

Doono Yeerichi deejjee gudoon wochinnoon shuunehe. Ikkittinee deejjoonaa galletee deejjoonon arooch deejjiye. Yihudee asheenaꞌo Israꞌeelee Nuggishoo Doono Yeerich boonoshi goyinnemmoyich gettiye.

2 Kiinoo 34:4

Bi daaggoona Baꞌaaleenaꞌochi deejjee gudeenaꞌo happeeheete. Biyoo boonoshi gaꞌooch beeti ixaanee deejjee gudeenaꞌon yiikkee aalliihe. Asheeri misileenaꞌon, qiicaa shuuneeti misileenaꞌonaa ukkaa shuuneeti misileenaꞌonon tiichii buricciꞌi bi yiikketoyee gubb, ebi aroon boonoshich deejjiibee echeti asheenaꞌochi maashee toommooch shacciye.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Yibbaatoo 7:25

Boonoshi shahalloon qaaqqoona michibe. Ne Nuggishoo Doono Yeer waanaa ciigeeto bi tunetoyich, boonoshi toommooch beeti birewoon woyee aachoon qaatiyaahine. Ebi aroona ne olleyaachemmoyich deqqaahine.

Yibbaatoo 7:5

Tunebaani boonoshi toommooch ebin tuniibote. Boonoshi deejjee gudoon happi aalliibote. Boonoshi goyinnee xaqqee giimboon tiishi buricote. Boonoshi nuggishee Asheeri misiloon kuxote. Boonoshi shahalloon qaaqqoona michibote.