2 Kiinoo 14:2 - Kafa Linguistics Project

² Aasi bi Nuggishoo Doono Yeeri aafooch gaawetonaa kaamoona tuneti mooyon tuniihe.

2 Kiinoo 14:2 ပူးပေါင်းရင်းမြစ်များ

1 Taateenaꞌo 15:11

Aasi bi qaabbechi Daawitichoommon, Doono Yeeri aafooch kaame mooyon tuniihe.

1 Taateenaꞌo 15:12

Anaami yaafee kechi yahechinaꞌon are showoochee yookkii aalliihe; bi qaabbechinaꞌo shuuneti, shahalleenaꞌon aalliihe.

1 Taateenaꞌo 15:14

Aasi guudi toommeexi goyinnee xaaꞌeenaꞌon ciroona aalliyoo bi qajjitaanona, kashoona bi beeti yemeeno bulliich ceeni bi mulloona Doono Yeerich gibeneetone.

2 Kiinoo 14:1

Abiyi qitiꞌi bi qaabbechinaꞌo waan xaꞌeehe. Biyoo Daawiti Katemooch duukkehe. Bi bushoo Aasi bi xaaꞌooch kereeꞌi taatehe. Bi yemeenooch showoo aashire naton kashehe.

2 Kiinoo 14:3

Biyoo dallaawe nuggisheenaꞌochi deejjee gudoonaa guudi toommeexi goyinnee xaaꞌeenaꞌonon aalliihe. Boonoshi goyinneebeeti xaqqee giimbeenaꞌon tiichiye. Boonoshi nuggishee Asheeri misileenaꞌon kuxxii dichiye.

2 Kiinoo 15:16

Taatoo Aasi bi nihoo indee Maꞌakin, ciigiiti nuggishee Asheeri misiloon bi neechitoyich, gennee abeeti tunoochee kindiihe. Aasi are misiloon tiichii yiikkehe; Qedirooni bamboochaanoo michiye.

2 Kiinoo 17:6

Bi mulloo Doono Yeerichi gommona kupphehe. Guudi toommeexi goyinnee xaaꞌeenaꞌonaa Asheeri misileenaꞌonon Yihudee showoochee aalliihe.

2 Kiinoo 20:32

Yoshafaaxi bi nihoo Aasichi gommon dabbiye; aroochee okk hach getaanoone. Doono Yeeri aafooch kaame mooyon tuniihe.

2 Kiinoo 21:12

Ebiyooba keemechi Eliyaas waanee ishichiibeeti koorichoo biich waahe: “Ne qaabbechi Daawitichi Nuggishoo Doono Yeeri ishichiye: ‘Ne nihoo Yoshafaaxichi gommon, woyee Yihudee taatoo Aasi gommon dabbaano neene;

2 Kiinoo 31:1

Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

2 Kiinoo 31:20

Hiziqiyaasi Yihudee showoo bulliich ebiyoommon tuniihe; bi Nuggishoo Doono Yeeri aafooch deꞌo, kaamoonaa gibeneetona tuneti mooyon tuniihe.

2 Kiinoo 34:7

Israꞌeelee showoo bulliich beeti deejjee gudeenaꞌonaa Asheeri misileenaꞌonon happiye. Shahalleenaꞌonoo buddinochiye; ixaanee deejjee gudeenaꞌon tiichii buricciye. Aroochee Yerusaalem wottehe.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Yibbaatoo 12:3

Boonoshi deejjee gudoon happi bayote. Boonoshi goyinnee xaqqee giimboon tiishi buricote. Boonoshi nuggishee Asheeri misiloon qaaqqoona michibote. Boonoshi shahalloon kuxote. Boonoshi shigo are showoochee bi aallemmoyich tuniibote.