2 Kiinoo 14:11 - Kafa Linguistics Project

¹¹ Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 14:11 ပူးပေါင်းရင်းမြစ်များ

1 Taateenaꞌo 8:44

“Ne asheenaꞌo boonoshi etteenaꞌon kochemmoyich ne daachiitaa, gino aabiichona hammiichii, ne kaacceti katemoonaa neech ta haggeti kexona waan wotteechii Doono Yeeri ne waan boonoshi corootigaata,

1 Kiinoo 5:20

Koyoochaa Yeerin gibeneꞌi, boonoshin bi gaachemmoyich qolleheete. Biyoo boonoshi qolloon waayeꞌi, Hagaareenaꞌonaa boonoshina tookkii ikkottetinaꞌo bullinon boonoshi kishooch beshiiꞌi immiye.

2 Kiinoo 13:12

Yeeri noonna tookkiiniye; noonoo yaabii beetone. Qeesheenaꞌoo boonoshi ginee tiroon hugi ittoshi toommooch timoyich noonna tookkii beetinaꞌone. Israꞌeeleenaꞌote, ittoshi qaabbechinaꞌochi Nuggishoo Doono Yeerina tookki koyeyaahote; ittoshich kaameyaachemmone” iye.

2 Kiinoo 13:14

Yihudee asheenaꞌo boonoshi guudoona ciinnii, aafinaa gubbinon giicheetinaꞌo boonoshi tunoon beeggiꞌi, Doono Yeer waan cookiyeete; qeesheenaꞌoo tiroon huggiyeete.

2 Kiinoo 13:15

Yihudee asheenaꞌoo kokkoriibee Abiyin dabbii koyeheete. Yeeriyoo Yeroboꞌaminaa Israꞌeelee asheenaꞌonon yexxiye.

2 Kiinoo 13:18

Ebiyooba Israꞌeeleenaꞌo ceeqiyeete. Yihudee asheenaꞌo boonoshi qaabbechinaꞌochi Nuggishoo Doono Yeerin boonoshi gibenetoyich, boonoshin kochii wochiyeete.

2 Kiinoo 14:10

Aasiyoo boonoshina koyeya hammiye. Mareshi gaꞌooch beeti Tsefatayi bamboochaa boonoshi koyee xaaꞌi xaaꞌoon yechiyeete.

2 Kiinoo 16:7

Ebiyooba yaaꞌechi Hanaani Yihudee taatoo waan waaꞌi, “Ne Nuggishoo Doono Yeerin gibeneyaanoon Sooriyee taatoon ne gibenetoyich Sooriyee taatoochi ginee naayinaꞌo ne kishoochee muriccitinaꞌone.

2 Kiinoo 18:31

Gaarinaꞌochi ukkireenaꞌoo Yoshafaaxin beeggiꞌi, “Hini Israꞌeelee taatoone” iꞌi gabiyeete. Ebich biin kocha bi waan guuddiyeete. Yoshafaaxiyoo cookiye. Doono Yeeriyoo biin gaachehe. Yeeri bi waanee boonoshin wochiye.

2 Kiinoo 20:12

No Nuggishoocho, noon kochiibeeti ebi dofee ginee naayon kochii wochoon hakkaano no tunetoyich, ne boonoshi toommooch nallibe; no tuniyemmonoo tuushito noone. Tunebaani noon ne gaachemmoyich neen ciinaabeeto noone” iye.

2 Kiinoo 20:32

Yoshafaaxi bi nihoo Aasichi gommon dabbiye; aroochee okk hach getaanoone. Doono Yeeri aafooch kaame mooyon tuniihe.

2 Kiinoo 25:8

Tunebaani, ‘Koyoochaa taan kupphiyemminaꞌone’ iyaa gabaꞌa ne hamigaata, gaachee wodiyoyich woyee kochii dichoyich hakkoo beeto Doono Yeerich bi tunetoyich, Doono Yeeri ne etteenaꞌo aafooch neen dichemmone” iye.

2 Kiinoo 26:7

Doono Yeeriyoo Filsixeemeenaꞌon Guribaꞌaali beeti Arabeenaꞌonaa Meꞌuneenaꞌonon bi kochemmoyich biin gaachehe.

2 Kiinoo 32:20

Taatoo Hiziqiyaasinaa Amootsi bushoo keemechi Isiyaasina ebi mooyoyich shimaayooch cookiꞌi Yeer waan corootiyeete.

2 Kiinoo 32:8

Boonoshina tookkii beeto, ashi giidoone; tunebaani noonna tookkii beeto, noon gaachemmi, wottoo no etteenaꞌon nooch kochemmi, no Nuggishoo Doono Yeerine” iye. Ebi Yihudee taatoo Hiziqiyaasi gettiti qaaroona asheenaꞌo kuppheheete.

Shoddo 120:1

Ta xuuxehooba Doono Yeer waan cookiyoye; biyoo ta cookoon waayehe.

Shoddo 18:6

Ta xuuxehooba, Doono Yeerin ceeggehoye; ta Nuggishoo taan bi gaachemmoyich ceeggehoye. Biyoo bi yaafee kexooch beechii, ta qaaroon waayehe; ta cookoo bi waamooch shaggiye.

Shoddo 20:5

Wudee ne danoona ililemmo noone; no Nuggishoo shigoona no baanderoon hashakkaayiyone; Doono Yeeri ne qollo bullin neech ceechibe.

Shoddo 20:7

Ikkikke asheenaꞌo boonoshi gaarinaꞌona, bareenaꞌo boonoshi haresheenaꞌona, yebeneheete; tunebaani no, no Nuggishoo Doono Yeerichi shigoona yebenehone.

Shoddo 20:8

Eboshi tepheeree dihemminaꞌone; tunebaani no tiyiree, manji neexemmo noone.

Shoddo 22:5

Ne waan cookiꞌi wodiyeete; neen gibeneꞌinoo yeelleyaaneenaꞌone.

Shoddo 22:6

Tunebaani ta hipperoo taane; asho toono taane; ashoona cooneyaꞌa hoxeeto taane.

Shoddo 34:6

Ebi iritecho cookiye; Doono Yeeriyoo waayehe; bi iritoo bulliichee biin wodiihe.

Shoddo 37:5

Ne gommon Doono Yeerich beshii imbe; biin gibenebe; biyoo neen gaachemmone.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 9:19

Doono Yeero, tibe; asho sharaaye; ne aafoochaa aageteenaꞌo toommooch nalleebe.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Keyo 14:10

Israꞌeeleenaꞌoo boonoshin dabbii waabeeti Farooninaa bi ginechinaꞌonon beeggiyeete; boonoshiyoo oogeton shattiꞌi, Doono Yeer waan bunnee cookiyeete.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Isiyaasi 10:20

Aroyee gubb, Israꞌeelee cureenaꞌo, Yaaqobi yaroochee muriccitinaꞌo, boonoshin aalliiti Asooreenaꞌon gibeneyaachemminaꞌone; tunebaani Israꞌeelee Yaafoo Doono Yeerin iberoona gibenemminaꞌone.

Isiyaasi 2:22

Bi hiinno muddooch beeti ashoon gibeneyaahote; aroo amoyichona gaacaachemmone.

Isiyaasi 26:13

No Nuggishoo Doono Yeero, neyee bare dooninaꞌo noon hajjitinaꞌone; tunebaani no, ne shigoon baach oogiihone.

Erimiyaasi 1:19

Neenna koyemminaꞌone; tunebaani neen wodiyoyich neenna tookkii ta tunetoyich ne toommooch wudoo daneyaachemminaꞌone” iye Doono Yeeri.

Leweenaꞌo 26:8

Ittoshi daggoochee uuchoo balloon, balloo aashire humoon koyi wochemmone. Ittoshi etteenaꞌon koyi wuxemmo ittoshine.

Zakaariyaasi 2:8

Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Yowannisi 14:1

Yesuusi daakkiꞌi bi dabbeenaꞌoyich ishichiye: “Ayini xuuxeyaahote; ittoshi mulloon Yeeri toommooch tooꞌiibote; wotta ta toommoochoo tooꞌiibote.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Mishiraachechinaꞌo 2:21

Doonochi shigoon ceeggimmo bulli wodemmone” itone’ iye.

Mishiraachechinaꞌo 3:16

Hini ittoshi ciinnii beeti, ittoshi ariibeeti uro wodiꞌi bi kuppheto Yesuusichi shigoona daneti mullee tooꞌiyoonane. Ittoshi bulli beeggii beetoommon, Yesuusichi shigoona daneti mullee tooꞌiyoo hini uroyich ceeni wodoon immitone.

Mishiraachechinaꞌo 9:4

Sawuli bekkech showooch dihiichii, “Sawulo, Sawulo! Taan ne duꞌiibeeto amoyichiye?” iibeeti qaaroon waayehe.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Yibbaatoo 32:27

tunebaani ittoshi etteenaꞌo geecaachemmoyich, “Boonoshin kochaa wochito noani; ebin tuniito Doono Yeeri toonoone” boonoshi getaachemmoyich, ittoshi etteenaꞌochi mooyon shattoye’ iye.

Yibbaatoo 32:30

Ikke ginee naayo hume Israꞌeelee ginee naayinaꞌon yookkiye; gutte ginee naayinaꞌo wotta aashire hume Israꞌeelee ginee naayinaꞌon kochii wochiyeete. Ebiyoo bi tuneto, boonoshi Xaqqee Inderoo boonoshin bi duppitoyichiye; Doono Yeeri boonoshin bi qajjitoyichiye.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Woraaferasheenaꞌo 7:7

Doono Yeeriyoo Geediyoonich ishichiye: “Aacon kishoona oobbii gawuccii uchiti, ebi keejje balle asheenaꞌona ittoshin wodiyemmo taane; Miidiyameenaꞌonoo ittoshi kishooch beshii immemmo taane. Ebich echeti asheenaꞌon boonoshi kexooch wochi daachiibe” iye.

1 Saameeli 14:6

Yonaataani bi ginee qiicoon shaaggiibeeti bi naayon, “Ne waataa okk ebi dokireyaani asheenaꞌochi kaambooch hambone. Diqqich Doono Yeeri noon gaachemmone. Meetonoo tuneba giishechoona wodiyoyich, Doono Yeerin mawemmi mooyo aalloone” iye.

1 Saameeli 17:47

hiniich kiceetinaꞌo bulli Doono Yeeri wodii bi beeto, goraadoonaa ginoona tunee bi qayonoo ariyemminaꞌone. Doono Yeeri kochii wochecho bi tunetoyich, ittoshin no kishooch beshiiree immemmone” iye.

1 Saameeli 2:9

“Biyoo biich gibeneetinaꞌochi kashoon quyee beetone. Tunebaani gondeenaꞌo manderee daggooch dufaa aallemminaꞌone. Asho wudoon bi danemmo, bi hajjee giidoona toonoone.