2 Kiinoo 13:9 - Kafa Linguistics Project

⁹ Harooni bushiisheenaꞌo tuneti Doono Yeerichi qeesheenaꞌonaa Leweenaꞌonon yookkito ittoshine. Bare showee asheenaꞌo tunii beetoommon, ittoshi qellich qeesheenaꞌon ukkiriito ittoshine. Ikke wuron woyee shabaatte bagee baaddoon yechiꞌi bi qelloon yaafiya waammo, ebi koote nuggisheenaꞌoyich qeeshoo tunoon hakkiye.

2 Kiinoo 13:9 ပူးပေါင်းရင်းမြစ်များ

1 Taateenaꞌo 13:33

Ebiyee gubboo tunetaa, Yeroboꞌami gonde bi gommoochee wotteyaanoone. Guudi toommeexi goyinnee xaaꞌeenaꞌooch boonoshi maddemmoyich, asheenaꞌo bulliichee qeesheenaꞌon ukkiriihe; qeeshoo tunoyich qaawito bullin guudi toommeexi goyinnee xaaꞌeenaꞌooch bi maddemmoyich ukkirii beehe.

2 Taateenaꞌo 19:18

boonoshi nuggisheenaꞌochi misilonoo qaaqqooch duppiꞌi michitinaꞌone; mixonaa xaqqoonoochee shuuneeti, ashi kishee shuuneenaꞌoani, nuggisheenaꞌo tuno boonoshi qajjitoyich, aalletinaꞌone.

1 Kiinoo 29:5

shuunee ariyechinaꞌo shuunemmi qiiceenaꞌo bullinoyich immeto taane; and illa ittoshi daggoochee bi qelloon Doono Yeerich yaafemmo konine?” iye.

2 Kiinoo 13:10

“Tunebaani nooch andoo Doono Yeeri, no Nuggishoone. No biin qayaano noone. Doono Yeerichi maddechinaꞌo, eboshiyoo Haroonichi yareenaꞌo tuneti qeesheenaꞌonaa Leweenaꞌona shuunee toommooch noonna tookkii beetinaꞌone.

2 Kiinoo 29:31

Aroochee Hiziqiyaasi “And Doono Yeerich ittoshi qelloon yaafito ittoshine. Ebich gidderee, galletoon bechoyich deejjoonaa buuroonon Doono Yeerichi yaafee kexooch deebote” iye. Iiteenaꞌoo taatoo gettitoommon tuniiheete. Boonoshi mullo daaggitinaꞌo bulli micciibeeti deejjoyich gijjoon deebiyeete.

Keyo 29:1

“Harooninaa bi anaami bushiisheenaꞌona qeesheenaꞌo tuneree taach boonoshi maddemmoyich, bariiꞌi yaafoyich ne tuniyemmo ebine: Bachaallo tuneti ikke wuronaa gutte bagee baaddoonon deebe.

Keyo 29:29

“Haroonichi yaafeeti taheenaꞌo bi shiijjereenaꞌoyich guuddemminaꞌone; boonoshiyoo ebi taheenaꞌon taheree, zayito boonoshi shimbooch huutaa, qeeshee guudoon tuneree maddoyich yaafeyemminaꞌone.

Keyo 29:35

“Neech ta gettetoommon, Harooninaa bi anaami bushiisheenaꞌonoyich tuniibe. Qeesheenaꞌo yaafeyee baarooba, shabaatte qemi wottoon qemi qemona ebin tuniibe.

Keyo 32:29

Aroochee Muusi ishichiye: “Ittoshi anaami bushiisheenaꞌonaa ittoshi maneenaꞌonon wuxoona, Doono Yeerich maddoyich hanaach yaafeeto ittoshine; biyoo hanaach ittoshin diiritone” iye.

Erimiyaasi 2:11

Nuggishoon tuno boonoshi qajjitaanona, boonoshi nuggisheenaꞌon shadditi asheenaꞌo beeteete? Tunebaani ta asheenaꞌo, boonoshich oogoon immeti boonoshi Nuggishoo taan, gaacaalli mooyona shadditinaꞌone.

Erimiyaasi 5:7

“Taan qajjiyote; nuggisheenaꞌo tuneyaaneenaꞌona wogehote; ittoshin ta michiitoyee gubb shunoo maahote; yahechinaꞌo kexoochoo kiceehote. Ebich ittoshin ta maaremmo aabichireeshiye?

Hosee'i 8:6

Ebiyoo Israꞌeeleenaꞌo daggooch tunehe. Shuunee ariyecho shuuneti ebi maanji shahalloo nuggishoo toonoone. Ebi Shamaari katemeexi maanji shahalloo tiishe buricemmone.

Leweenaꞌo 16:32

Axaaxoon maariyemmo, bi nihoo keroon qeeshee guudo tunoyich huutaa ukkireti qeeshoone. Biyoo muttee tuppoochee shippeti, yaafeeti tahoon taheree,

Leweenaꞌo 8:2

“Haroonin, bi anaami bushiishoon, qeesheenaꞌochi tahoon, huutee zayitoon, axaaxee deejjoyich tunemmi wuron, gutte bagee baaddoonaa shittoo giyaanoon kachiti, ikke gemee koshonon, eboshi bullin deebe.

Mishiraachechinaꞌo 19:26

Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.

Galaati 4:8

Wonna Yeerin ariyaan beebee, nuggishoo tuneyaani halleenaꞌoyich guunon tuneꞌi beehote.

Yibbaatoo 32:17

Nuggisheenaꞌo tuneyaani yinneenaꞌoyich, ittoshi ariyaani nuggisheenaꞌoyich, katinoon ittoshi ariiti dallaaweenaꞌoyich, ittoshi qaabbechinaꞌo goyinneyaani nuggisheenaꞌoyich, deejjoon giddiihote.