2 Kiinoo 13:15 - Kafa Linguistics Project

¹⁵ Yihudee asheenaꞌoo kokkoriibee Abiyin dabbii koyeheete. Yeeriyoo Yeroboꞌaminaa Israꞌeelee asheenaꞌonon yexxiye.

2 Kiinoo 13:15 ပူးပေါင်းရင်းမြစ်များ

2 Taateenaꞌo 5:1

Sooriyee taatoochi ginee iraashoo Naꞌimaani Doono Yeeri biinna wudoon Sooriyeenaꞌoyich bi daniitoyich, bi doono aafoochaa gidoon daneti ashoone; wottoo kupphoonaa ginee anaamonane. Tunebaani qeddee shaddee biiyechone.

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 14:12

Doono Yeeriyoo Topphiyee asheenaꞌon Aasinaa Yihudee asheenaꞌonochi aafoochaa yexxiye. Topphiyee asheenaꞌoo wocee aalleheete.

2 Kiinoo 18:31

Gaarinaꞌochi ukkireenaꞌoo Yoshafaaxin beeggiꞌi, “Hini Israꞌeelee taatoone” iꞌi gabiyeete. Ebich biin kocha bi waan guuddiyeete. Yoshafaaxiyoo cookiye. Doono Yeeriyoo biin gaachehe. Yeeri bi waanee boonoshin wochiye.

2 Kiinoo 20:21

Biyoo asheenaꞌona tookkii echeeꞌi, yaafeeti tahoon taheꞌi Doono Yeeri aafooch shoddeebeeti shoddechinaꞌon, “Bulli yemeenoon shoodecho bi tunetoyich, Doono Yeerin galletebote” getibee, bi ginee naayinaꞌo aafooch boonoshi hammemmoyich gettiye.

2 Kiinoo 20:22

Leweenaꞌo galletoonaa shoddoonon boonoshi wonnimmona, Doono Yeeri ebi boonoshin kocha waati ginee naayinaꞌon keqqichiye.

Shoddo 47:1

Macceenaꞌote, ittoshi bulli kishoon koppebote; qaaroon oogichiꞌi shoddoona Yeerich ililibote.

Shoddo 47:5

Yeeri ililoona, Doono Yeeri shametee qaaroona, damba kechiye.

Isiyaasi 37:36

Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Yaasi 11:8

Doono Yeeriyoo boonoshin Israꞌeeleenaꞌo kishooch beshiiꞌi immiye. Boonoshiyoo ooge katemoo Sidooninaa Misrefoot Mayimi katemoonooch beddaahaa, wotta aabi-keyo waan beeti Mitsiphi bambooch beddaahaa wuxiibee yookkiyeete. Boonoshi daggoochee kashoona echeto ikkolla aalloone.

Yaasi 6:16

Shabaattinnee guudoochaa qeesheenaꞌo tiroon huggiyona, Yaasi ginee naayinaꞌoyich ishichiye: “Doono Yeeri hini katemoon nooch immitone; bunnebote.

Yaasi 6:20

Ebich tiroo hukkemmona, ginee naayinaꞌo ebi are tiree qaaroon waayeꞌi, oogeti qaaroona bunneheete. Bekkech katemee xaqqee uxeroo gugummii dihiye. Ginee naayinaꞌo bulli boonoshi ikkikkoona kechiꞌi boonoshi neexetoochaa maac yixii giyiyeete. Katemoo boonoshi kishooch tunehe.

Woraaferasheenaꞌo 4:15

Baraaqinaa bi ginee naayinaꞌona boonoshina tookkii goraadoona koyemmona, Doono Yeeri Siseerin, bi gaarinaꞌo bullinaa bi ginee naayinaꞌo bullinon keqqichiye. Siseeriyoo bi gaariichee kindiꞌi baatoona wocciye.