2 Kiinoo 12:6 - Kafa Linguistics Project

⁶ Aroochee taatoonaa Israꞌeelee woraaferasheenaꞌona boonoshi qelloon giishiiheete; boonoshiyoo “Doono Yeeri tuniibeeto tatoone” iyeete.

2 Kiinoo 12:6 ပူးပေါင်းရင်းမြစ်များ

2 Kiinoo 12:12

Roboꞌami bi qelloon bi giishiitoyich, Doono Yeeri kaaro bi waanee wottehe. Ciroona biin aalliyaanoone. Yihudee showoo bulliichoo wochinnoon mooyo mashaamiye.

2 Kiinoo 21:2

Yoshafaaxi bushoo Yehoraamich, Azariyaasi, Yehiꞌeeli, Zakaariyaasi, Ezariyasi, Mikaꞌeelinaa Shefaxiyina getteebeeti maneenaꞌo beetinaꞌone. Eboshi bulli Yihudee taatoo Yoshafaaxi bushiisheenaꞌone.

2 Kiinoo 32:26

Tunebaani ciiroochaa Hiziqiyaasinaa Yerusaalemi asheenaꞌona boonoshi qelloon giishiiheete. Ebich Hiziqiyaasichi taatee yemeenooch Doono Yeeri kaaro boonoshi toommooch waataanoone.

2 Kiinoo 33:12

Minaasi bi xuuxehooba, bi Nuggishoo Doono Yeerichi gaachoon qaawiye. Bi qaabbechinaꞌochi Nuggishoo aafooch bi qelloon oogeton giishiiꞌi corootiye;

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

2 Kiinoo 33:23

Bi nihoo Minaasi bi qelloon bi giishiyoommon, Doono Yeeri aafooch bi qelloon giishiyaanoone. Axaaxoon shuunoona beshii beshii qeyiye.

Iyoobi 33:27

Biyoo shoddebee asho bullich ishichemmone: ‘Ta, axaaxoon shuunaa, kaame mooyonoo xummiito taane; tunebaani taach tun bedoommon, Yeeri taan sheeraanoone.

Shoddo 129:4

Doono Yeeri cadiqoone; gondeenaꞌochi qoqqaannoon kuxxitone” geteete.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Keyo 9:27

Aroochee Farooni Muusinaa Harooninon ceekkiiꞌi, boonoshich ishichiye: “And gondeto taane. Doono Yeeri tatoone; tunebaani taannaa ta asheenaꞌona gondeto noone.

Erimiyaasi 13:15

Doono Yeeri gettitoyich, waayebote; waamon tiijjiree ellebote; geeciyaahote.

Erimiyaasi 13:18

Doono Yeeri ishichiye: “Taatoonaa taatoochi indee gennee abeetinoyich ishichibe: Ittoshi oogee gubbichoo ittoshi qelloochee kindemmo bi tunetoyich, ittoshi qeenoochee kindibote.

Erimiyaasi 44:10

Hanaach beddaahaa boonoshi qelloon giishiyaaneenaꞌone; shataaneenaꞌone; ittoshinaa ittoshi qaabbechinaꞌonochi aafooch ta kotiiti qociyoona hamaaneenaꞌone.

Shoosho 1:18

“Bi qaaroyich deꞌa getaane ta tunetoyich, Doono Yeeri ebin tuniyoona cadiqoone. Bulli asheenaꞌote, waayebote; ta xuuxoonoo beegote; ta gidiideenaꞌonaa ta gurimaasheenaꞌona kecaa hammitinaꞌone.

Daaneeli 5:22

“Belshasooro, ne, bi bushoo neene; ebi bullin ariibeeto neene; tunebaani ne qelloon giishiyaano neene.

Daaneeli 9:14

Ebich no Nuggishoo Doono Yeero, naxoon no toommooch qanniiꞌa deebehine. Ebin ne tuniito, ne getteton deꞌa iyaꞌa waayo no qajjetoyichiye; wottoo ne tuniibeeti mooyo bullina cadiqo ne tunetoyichiye.

Hosee'i 5:15

“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.

Luqaasi 18:14

“Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

Roomi 10:3

Ashoon Yeeri aabichiree bi cadiqiyemmo gaata tuushiichii, boonoshi qelli shuunoona cadiqoyich qaawiꞌi Yeer waanee daneebeeti cadiqoyich hajjeyaaneenaꞌone.

Yaaqobi 4:10

Doono Yeeri aafooch ittoshi qelloon giishiibote; biyoo ittoshin oogiyemmone.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

Woraaferasheenaꞌo 1:7

Adon Bezeeqiyoo “Boonoshi kishee indecheenaꞌonaa baatee indecheenaꞌona kucheti shabe taateenaꞌo ta madee ooyoon maciibee echetinaꞌone. Ebi boonoshi toommooch ta tuniitoommon, Yeeri ta toommooch tuniitone” iye. Biinoo Yerusaalem daammiyeete. Biyoo aroochaa qitiye.