2 Kiinoo 12:13 - Kafa Linguistics Project

¹³ Taatoo Roboꞌami Yerusaalemaa bi taatittinoon manjiiꞌi taatehe. Roboꞌami bi taatehooba, bi eeno aabbaa ikke natone. Bi shigo arooch beeyemmoyich, Israꞌeelee showoo bulli daggoochee Doono Yeeri kaacciti Yerusaalem beechii aaraa shabaatte naton qeejjiye. Bi indee Naꞌaami getteehan. Biyoo Amoonee asheene.

2 Kiinoo 12:13 ပူးပေါင်းရင်းမြစ်များ

1 Taateenaꞌo 11:1

Taatoo Solomooni Farooni busheyee bareenaꞌon, meeti bare showee maacheenaꞌon, ebiyoo Moꞌabee maacheenaꞌon, Amoonee maacheenaꞌon, Edoomee maacheenaꞌon, Sidoonee maacheenaꞌonaa Hitee maacheenaꞌonon shunniye.

1 Taateenaꞌo 11:36

Ta shigo arooch bi beeyemmoyich, ta kaacceti katemoo Yerusaalem, ta guuno Daawitich ceechoo bulli aaboon ta aafooch bi beeyemmoyich, bi bushoyich ikke yoodoon immemmo taane.

1 Taateenaꞌo 14:21

Solomooni bushoo Roboꞌami Yihudee showooch taatehe. Roboꞌami bi taatehooba, bi eeno aabbaa ikke natone. Doono Yeeri bi shigo beeyemmoyich, Israꞌeelee yoodo bulliichee bi kaacciti Yerusaalem beechii aaraa shabaatte naton qeejjiye. Bi indee Naꞌaami getteehan; biyoo Amoonee asheene.

2 Kiinoo 12:1

Roboꞌami bi taatittino manjaa kupphe taatoo tuneechii, biinnaa Israꞌeelee asho bullina Doono Yeerichi sheeroon quyoon qajjiyeete.

2 Kiinoo 13:7

Gaacaalli gonde asheenaꞌoo bi waan kiceeheete. Solomooni bushoo Roboꞌami batt ariyaani bushoo tunee bi beehooba, boonoshin kochii wochoon hakkaani bi beehooba, bi toommooch tiyiyeete.

Nehimi 13:1

Arooba Muusichi macaafoon asheenaꞌoyich waayiiꞌi shemmeheete. “Amooneenaꞌonaa Moꞌabeenaꞌona Yeer asheenaꞌochi ikkittinee daggooch ciroona giyaayeete” ii beeto are macaafooch kooreeꞌi danehe.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:5

Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 23:3

“Amoonee asho tuneba Moꞌabee asho, aashirinnee shiijjerooch beddaahaa Doono Yeer asheenaꞌochi iitee daggooch bulli yemeenoon giyaaye.