2 Kiinoo 12:1 - Kafa Linguistics Project

¹ Roboꞌami bi taatittino manjaa kupphe taatoo tuneechii, biinnaa Israꞌeelee asho bullina Doono Yeerichi sheeroon quyoon qajjiyeete.

2 Kiinoo 12:1 ပူးပေါင်းရင်းမြစ်များ

1 Taateenaꞌo 12:17

Tunebaani Yihudee katemeenaꞌooch koteti Israꞌeeleenaꞌo toommooch Roboꞌami taatehe.

1 Taateenaꞌo 14:21

Solomooni bushoo Roboꞌami Yihudee showooch taatehe. Roboꞌami bi taatehooba, bi eeno aabbaa ikke natone. Doono Yeeri bi shigo beeyemmoyich, Israꞌeelee yoodo bulliichee bi kaacciti Yerusaalem beechii aaraa shabaatte naton qeejjiye. Bi indee Naꞌaami getteehan; biyoo Amoonee asheene.

1 Taateenaꞌo 9:9

Boonoshiyoo wochiree, ‘Gibitsee boonoshi qaabbechinaꞌon kichiti boonoshi Nuggishoo Doono Yeerin qajjiichii, bare nuggisheenaꞌon boonoshi dabbitoyich, boonoshi goyinnee maddetoyich, Doono Yeeri ebi gonde mooyo bullin boonoshi toommooch deebiye’ gettemminaꞌone” iye.

2 Taateenaꞌo 17:19

Yihudee asheenaꞌoo wotta Israꞌeeleenaꞌo boonoshin dojjiti doyeenaꞌon dabbiyeetani, boonoshi Nuggishoo Doono Yeerichi getoon quyeyaaneenaꞌone.

2 Kiinoo 11:17

Daawitinaa Solomooninochi gommon dabboona keejje naton Yihudee taatittinoon kupphiiheete. Solomooni bushoo Roboꞌaminoo gaacheheete.

2 Kiinoo 11:23

Roboꞌami acona bi anaami bushiishoochee qatinaꞌon Yihudee showoonaa Biiniyaamee showoonooch beeti woraafo bullinaa manje katemoo bullinooch shacciye; boonoshichoo wodde mooyon immiye; meeti mecheenaꞌonoo boonoshich shaakkiihe.

2 Kiinoo 11:3

“Solomooni bushoo, Yihudee taatoo Roboꞌamich, Yihudee asheenaꞌonaa Biiniyaamee asheenaꞌona tuneti Israꞌeeleenaꞌo bullich ishichibe:

2 Kiinoo 12:13

Taatoo Roboꞌami Yerusaalemaa bi taatittinoon manjiiꞌi taatehe. Roboꞌami bi taatehooba, bi eeno aabbaa ikke natone. Bi shigo arooch beeyemmoyich, Israꞌeelee showoo bulli daggoochee Doono Yeeri kaacciti Yerusaalem beechii aaraa shabaatte naton qeejjiye. Bi indee Naꞌaami getteehan. Biyoo Amoonee asheene.

2 Kiinoo 24:18

Aroochee boonoshi qaabbechinaꞌochi Nuggishoo Doono Yeerichi yaafee kexon qajjiichii, Asheeri misileenaꞌonaa shahalleenaꞌoyich goyinnee maddooch giyiyeete. Ebi boonoshi xuꞌee naboona Yihudee showoonaa Yerusaaleminooch kaaro kindiye.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Erimiyaasi 2:31

Hini shiijjereenaꞌote, Doono Yeeri ta qaaroon waayebote. Iberoochaa Israꞌeelich shuuꞌi showoo woyee mandere showoo tunetote? Ta asho amoyich ‘No, gawukkoo noone; illa ne waan wotteyaachemmo noone’ iye?

Hosee'i 13:1

Efreemi yoodo yibbaatemmona bare yoodeenaꞌo shattii qewee beeheete. Biyoo Israꞌeelee showooch arichetone. Tunebaani Baꞌaaloyich goyinnoona xuꞌecho tuneꞌi qitiye.

Mikiyaasi 6:16

Ebiyoo, taatoo Omiri, bi bushoo Akaabinaa bi yareenaꞌonochi qociyoon dabboona boonoshi shuunetoommi axaaxoon ittoshi shuunetoyichiye. Boonoshi dojjiti doyoon yechito ittoshine. Ebich ittoshin aalliyemmo taane; cooniishoo gettemmo taane. Aagetee asho bulli ittoshin hoxemmone” iye.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Yibbaatoo 32:18

Neen halliti ne Deeboon qajjehine; neen shiyiti ne Nuggishoon battehine.

Woraaferasheenaꞌo 2:15

Koyoyich boonoshi kechimmi aabo bullin, Doono Yeeri “Tuniyemmo taane” iꞌi bi wogetoommon, boonoshi toommooch magge mooyon tunii beehe. Ebina boonoshiyoo oogeton xuuxeheete.