2 Kiinoo 11:15 - Kafa Linguistics Project

¹⁵ Yeroboꞌami, guudi toommeexi goyinnee xaaꞌeenaꞌoochaa, bi shuuneti emmisheenaꞌonaa maaminaꞌonochi misileenaꞌoyich maddemmi, bi hajjee qeesheenaꞌon ukkiriitone.

2 Kiinoo 11:15 ပူးပေါင်းရင်းမြစ်များ

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

1 Taateenaꞌo 12:31

Yeroboꞌami guudinaꞌo toommooch kexinaꞌon shuunehe. Leweenaꞌo tuneyaani qeesheenaꞌon, asheenaꞌo bull daggoochee kaacciye.

1 Taateenaꞌo 13:33

Ebiyee gubboo tunetaa, Yeroboꞌami gonde bi gommoochee wotteyaanoone. Guudi toommeexi goyinnee xaaꞌeenaꞌooch boonoshi maddemmoyich, asheenaꞌo bulliichee qeesheenaꞌon ukkiriihe; qeeshoo tunoyich qaawito bullin guudi toommeexi goyinnee xaaꞌeenaꞌooch bi maddemmoyich ukkirii beehe.

1 Taateenaꞌo 14:9

Neyee aafi taateenaꞌo bulliyee beshe gonde shuunoon shuunehine. Taan qajjehine; ne qellich bare shahalloonaa aachoon ukkaa shuuneeti misileenaꞌonon shuunehine; taanoo ippiihine.

2 Kiinoo 13:8

“Andoo ittoshi, Doono Yeeri Daawitichi yareenaꞌoyich immiti taatittinee toommooch tiya gabiibeeto ittoshine. Ebiyoo mattiqutte ginee naayo ittoshi tunoonaa ittoshi nuggisheenaꞌo boonoshi tunemmoyich Yeroboꞌami shuuneti maaminaꞌochi misiloon ittoshi yeshonoyichiye.

2 Kiinoo 13:9

Harooni bushiisheenaꞌo tuneti Doono Yeerichi qeesheenaꞌonaa Leweenaꞌonon yookkito ittoshine. Bare showee asheenaꞌo tunii beetoommon, ittoshi qellich qeesheenaꞌon ukkiriito ittoshine. Ikke wuron woyee shabaatte bagee baaddoon yechiꞌi bi qelloon yaafiya waammo, ebi koote nuggisheenaꞌoyich qeeshoo tunoon hakkiye.

Keyo 32:31

Ebich Muusi Doono Yeer waan wottee hammiꞌi ishichiye: “Ebi asheenaꞌo magge axaaxoon shuunetinaꞌone. Aachoochee nuggishoon boonoshich shuunetinaꞌone.

Hosee'i 13:2

Andoo axaaxoon woddii woddii shuuneheete. Boonoshi birewoon ukkiꞌi, boonoshi qellich shahalleenaꞌon shuuneheete. Ashi ariyoona shuuneeti, misileenaꞌon shuuneheete. Bulliyona shuunee ariyechochi shuuneenaꞌone. Boonoshiyoo ishichiyeete: “Eboshich deejjoon giddii beetinaꞌo maamochi shahalloon shumbeete” iyeete.

Leweenaꞌo 17:7

Illa ebiyee damba Israꞌeeleenaꞌo emmishi shaahe yinneenaꞌoyich gijjeenaꞌon guuroona Doono Yeerich boonoshi gibeneyoon shappayaayeete. Ebi Israꞌeeleenaꞌo boonoshi shiijjerooch beddaahaa bulli yemeenoon boonoshi quyemmi qociyoone’ gete.

Yibbaatoo 32:17

Nuggisheenaꞌo tuneyaani yinneenaꞌoyich, ittoshi ariyaani nuggisheenaꞌoyich, katinoon ittoshi ariiti dallaaweenaꞌoyich, ittoshi qaabbechinaꞌo goyinneyaani nuggisheenaꞌoyich, deejjoon giddiihote.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

Yaaꞌoo 16:14

Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.