2 Kiinoo 11:12 - Kafa Linguistics Project

¹² Bulli katemeenaꞌooch gaachoonaa ginoonon kotiihe. Katemeenaꞌonoo manjiihe; ebiyoommon Yihudee showoonaa Biiniyaamee showoonon hajjiye.

2 Kiinoo 11:12 ပူးပေါင်းရင်းမြစ်များ

2 Saameeli 13:19

Tamaariyoo tulloon bi shimbooch shakkahan; bi taheti genje tahoon keexxahan. Bi kishoon bi qellooch geddaꞌa, cookaa eeppaabee hammahan.

2 Saameeli 13:22

Abisoloomi Aminoonich gondoon tuneba deꞌoon, amoonolla qaareyaanoone. Ebiyoo bi maneen giidoona bi yechitoyich, Aminoonin bi shixxitoyichiye.

2 Kiinoo 10:17

Tunebaani Roboꞌami Yihudee katemeenaꞌooch koteti Israꞌeeleenaꞌo toommooch taatehe.

2 Kiinoo 11:11

Manje katemeenaꞌon shuuniichii, ginee iraasheenaꞌon arooch kotiihe. Aroochoo maayoon, zayitoonaa woyinoonon kiciihe.

2 Kiinoo 11:13

Israꞌeelee showoo bulliich beeti, qeesheenaꞌonaa Leweenaꞌona boonoshi woraafi woraafoochee Roboꞌam waan waaheete.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 17:12

Yoshafaaxiyoo beshii beshii qeyiye. Yihudee showoochoo mishigeenaꞌonaa maayoonaa baribare mooyona kiceyemmi katemeenaꞌonon shuuniihe.

2 Kiinoo 32:5

Ebiyee gubb, taatoo kuppheꞌi shuunoona tiisheti xaqqee uxeroo bullin wochinnoon shuunehe. Uxeree toommoochoo dilaaloon shuunehe. Uxeroyee maach bare xaqqee uxeroon shuunehe. Daawiti Katemooch, Miiloo getteebeeti xaaꞌooch beeti mishigoon manjiiꞌi shuunehe; wodde ginee qiicoonaa gaachoonon shuunehe.

Hiziqeeli 37:16

“Ashi bushoocho, ikke gumboon daamiree bi toommooch ‘Yihudinaa biinna tookkii guuphiti Israꞌeelee maccoona’ geti kooribe; bare gumboon daamiree bi toommooch ‘Yooseefichi ebi geto, Efreeminaa biinna tookkii guuphiti Israꞌeelee maccoo bullina’ geti kooribe.