2 Kiinoo 10:15 - Kafa Linguistics Project

¹⁵ Doono Yeeri Shiloohee asho Akiyina, Nebaaxi bushoo Yeroboꞌamichon bi gettiti qaaroon ceechoyich, bi waanaa maacheto bi tunetoyich, taatoo asheenaꞌo mooyon waayeyaanoone.

2 Kiinoo 10:15 ပူးပေါင်းရင်းမြစ်များ

2 Saameeli 17:14

Aroochee Abisoloominaa Israꞌeeleenaꞌo bullina, “Akixofeeli boyeti boyoyee, Arikee asho Hushayi boyeto gaawiye” iyeete. Doono Yeeri Abisoloomi toommooch gonde mooyon tuniiya iꞌi gaaweto tuneti Akixofeeli boyo waayeyaachemmon tuniihe.

1 Taateenaꞌo 12:15

Doono Yeeri Shiloohee asho Akiyina, Nebaaxi bushoo Yeroboꞌamich bi gettiti qaaroon ceechoyich, Doono Yeer waanaa maacheto bi tunetoyich, taatoo asheenaꞌo mooyon waayeyaanoone.

1 Taateenaꞌo 12:24

Doono Yeeri ishichiye: ‘Ebi mooyo ta waanee bi tunetoyich, ittoshi xibeenaꞌo tuneti Israꞌeeleenaꞌon koyoyich hammaahote; asho bi ikkikkoona bi kexi kexooch wottebe’ itone gete” iye. Boonoshiyoo Doono Yeerichi qaaroon waayeheete; Doono Yeeri gettitoommon, boonoshi kexi kexooch wotteheete.

1 Taateenaꞌo 22:20

Doono Yeeriyoo ‘Koni Gilaadee showooch beeti Ramoot hamiree Akaabin bi qitemmoyich muriciiba?’ iye. “Ikke maraakoo ikke mooyon, wotta bare maraakoo bare mooyon gettiye.

2 Kiinoo 10:14

Taatoo Roboꞌami gurimaasheenaꞌochi ciicoon waayeꞌi, “Ta nihoo magge waanjoon ittoshi toommooch minjitone; tunebaani ta, aroyee beshoon ittoshich maggiyemmo taane. Ta nihoo arengoona ittoshin xoobbitone; tunebaani ta, barahee machoona ittoshin xoobbemmo taane” iye.

2 Kiinoo 11:4

Doono Yeeri ishichiye: ‘Ebi mooyo ta waanee bi tunetoyich, ittoshi maneenaꞌon koyoyich hammaahote; asho bi ikkikkoona bi kexi kexooch wottebe’ itone gete” iye. Ebina Doono Yeerichi qaaroon waayeꞌi, Yeroboꞌamin koyoyich hamon qajjii wotteheete.

2 Kiinoo 22:7

Akaziyaasi Yoraamin cacheyooch bi hammito, Yeeri ebin naboo tuniiree biin aalliiya bi daaggitoyichiye. Biyoo arooch beechii Nimishi bushoo Yehina daneya Yoraamina tookkii kechiye. Yehi Akaabichi yareenaꞌon aalliyoyich Doono Yeeri huuttiti ashoone.

2 Kiinoo 9:29

Solomooni shuuneti eche shuunoo batti battichoochee tiijjii ciireexooch beddaahaa, keemechi Naataanichi kiinee macaafooch, Shiloohee asho tuneti Akiyi keemee macaafooch, Nebaaxi bushoo Yeroboꞌamichon yaaꞌoo beeggiti, yaaꞌechi Iidichi yaaꞌee macaafooch kooreetone.

Isiyaasi 19:14

Doono Yeeri xummittinee ayaanoon bi daggooch gedditone; mashecho bi cooyo giinaa bi dadeddoommon, Gibitsinoo bi tuniibeeti mooyo bullina bi dadeddemmoyich tuniiheete.

Yowannisi 19:24

Ebich ginee naayinaꞌo boonoshinaa boonoshina “Ixoo kuxaa konich bi kechemmo gaata, beegonalli keexxaayone” iyeete. Ebi bi tuneto, “Ta taheenaꞌon boonoshinaa boonoshina qoodeeheete; genje ta tahoochoo ixoon duppiyeete” ii beeti Yaafe Macaafee qaaro bi ceennemmoyichiye. Ginee naayinaꞌoo tuniito ebiniye.

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Yibbaatoo 2:30

“Tunebaani Heshiboni taatoo Sihooni bi showoona no beshemmoyich daaggoon qajjiye. Ebiyoo no Nuggishoo Doono Yeeri and ebi bi tuniitoommon, no kishooch beshii biin imma iꞌi bi mulloon bi muumiitoyich, biinoo babberoo bi tuniitoyichiye.

Woraaferasheenaꞌo 14:4

Ebi yemeenooba Israꞌeeleenaꞌon qeejjii beetinaꞌo Filsixeemeenaꞌone. Ebich Filsixeemeenaꞌona tookki kaaro tiyemmoyich, ebi mooyo tunee bi beeto, Doono Yeer waanee bi tunoon bi nihoonaa bi indeena ariyaaneenaꞌone.

1 Saameeli 2:25

Ikke asho baroon bi xuꞌigaata, Yeeri shoobbii beetone. Tunebaani asho Doono Yeerin bi xuꞌigaata, shoobbemmo konine?” iye. Tunebaani bushiisheenaꞌo boonoshi nihoochi ciicoon waayemmon qajjiyeete; ebiyoo Doono Yeeri boonoshin aalliiya gabii maaccito bi tunetoyichiye.