2 Kiinoo 10:14 - Kafa Linguistics Project

¹⁴ Taatoo Roboꞌami gurimaasheenaꞌochi ciicoon waayeꞌi, “Ta nihoo magge waanjoon ittoshi toommooch minjitone; tunebaani ta, aroyee beshoon ittoshich maggiyemmo taane. Ta nihoo arengoona ittoshin xoobbitone; tunebaani ta, barahee machoona ittoshin xoobbemmo taane” iye.

2 Kiinoo 10:14 ပူးပေါင်းရင်းမြစ်များ

2 Kiinoo 10:13

Taatoo geeneenaꞌochi ciicoon qajjiichii, asheenaꞌoyich magge mooyon yibbaatehe.

2 Kiinoo 10:15

Doono Yeeri Shiloohee asho Akiyina, Nebaaxi bushoo Yeroboꞌamichon bi gettiti qaaroon ceechoyich, bi waanaa maacheto bi tunetoyich, taatoo asheenaꞌo mooyon waayeyaanoone.

Shaahiyoo 12:5

Cadiqeenaꞌochi gaboo kaamoone; tunebaani gondeenaꞌochi ciico dawushoone.

Shaahiyoo 17:14

Kaaro bi tiyiibeeto aaco bi gabbetoochee ufoommoniye; ebich kaaro tiyaan beetaa hayoon neechibe.

Dojjecho 10:16

Bushe taatechi, maaddoona gifiroon geddiibeeti iraashechi showoyich woowo!

Dojjecho 2:19

Ebi asho mullecho woyee mullaallo bi tunoon koni ariihe? Tunebaani hini showee toommoochaa ta aajjetonaa ta shalligoona ta daneto bullinochi toommooch doonjemmo biine; ebiyoo wotta duuboone.

Dojjecho 7:8

Moochi wonnoyee moochi taco gaawiye; geececho tunoyee haaꞌiyecho tuno gaawiye.

Daaneeli 6:7

Taatoocho, hini shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla bi qolleyaachemmoyich, qollemmo bi beegaata, daahereenaꞌochi oppooch bi duppeyemmoyich awaajjoon ne kichiyemmonaa ebi awaajjoon manjoo ne tuniyemmonoyich, iraasheenaꞌo, ukkireenaꞌo, mikkirechinaꞌonaa woraaferasheenaꞌona, ne showoon qeejjiibeeti no bulli echeeto noone.

Yaaqobi 3:14

Tunebaani kupphe qanaatoonaa beshi bekkeya getona ittoshi mullooch bi beegaata, ariyechon shaahiree geeciyaahote; iberee toommoochoo koottaahote.

Yaaꞌoo 9:10

Barahee machoochi ceeroommi ceeroonaa gayona boonoshich beetone; uuche agenee wottoon boonoshi ceereexi gayona asheenaꞌon boonoshi qaakkiyemmoyich hakkoo boonoshich ichetone.

Yaaꞌoo 9:3

Ebi cufoochee gecheenaꞌo kechiꞌi showooch kindiyeete; boonoshichoo showeexi barahee machoochi hakkoommi hakkoo ichehe.

Yaaꞌoo 9:5

Ebi are asheenaꞌon uuche agenee wottoon gecheenaꞌo qaaqqiyemmoyichalli, wuxemmoyich daaggeyaanoone; asheenaꞌo qaakkeebeetoo barahee machoona kocheti asho qaakkee beetoommoniye.