2 Kiinoo 1:1 - Kafa Linguistics Project

¹ Daawiti bushoo Solomooni, bi Nuggishoo Doono Yeeri biinna tookkii tuneꞌi oogeton aricheton biin bi tuniitoyich, bi taatittinoon manjiihe.

2 Kiinoo 1:1 ပူးပေါင်းရင်းမြစ်များ

Halloo 21:22

Ikke areddoon Abimeleeki bi ginee iraashoo Fikoolina tookkii Abraham waan hammiꞌi ishichiye: “Ne tuniyaabeeti mooyo bullina Yeeri neenna tookkii beetone.

Halloo 39:2

Doono Yeeriyoo Yooseefina tookkii bi tunetoyich, bi doono Gibitsee asho kexooch bi beetaa, mooyo bulli biich kaamehe.

Halloo 39:21

Doono Yeeri biinna tookkii tunee beehe; bi shoodoonoo biich bekkiihe; cuyee kechi ukkiroo aafoochaa gidoon bi danemmoyich tuniihe.

Halloo 39:3

Doono Yeeri Yooseefina tookkii bi tunoonaa bi shuunoo bullin biich kaachito bi tunoonon Phoxifaari beeggiye.

1 Taateenaꞌo 2:12

Solomooniyoo bi nihoo Daawitichi taatee qeenooch kotehe; bi taatittino oogichii manjiye.

1 Taateenaꞌo 2:46

Aroochee taatoo, Yoyaadi bushoo Beenayich getaa, biyoo hammiꞌi, Shimeꞌin wuxiye. Ebina taatittino Solomoonichi kishooch manjiye.

1 Kiinoo 17:8

Ne hammeti gommo bulliich neenna tookkaa tunehoye. Ne etteenaꞌo bullin ne aafoochee aalliihoye. Andoo ne shigoon, showee toommooch beeti ogooge iraasheenaꞌochoommon aricheton tuniyemmo taane.

1 Kiinoo 22:11

“Andoo ta bushoocho, Doono Yeeri neenna tookki tunebe; neechon bi gibenikkitoommon, ne Nuggishoo Doono Yeerichi kexon ne haggemmoyich neech kaachibe.

1 Kiinoo 22:16

Aachoon, birewoon, gooshoonaa xuuroonon shuunoona aricheti asheenaꞌo neech beetinaꞌone; tiyiree shuunebe; Doono Yeeri neenna tookki tunebe” iye.

1 Kiinoo 29:23

Solomooniyoo bi nihoo Daawitichi keroon Doono Yeeri manjiiti taatee qeenooch kotehe. Biichoo mooyo kaamehe; Israꞌeeleenaꞌo bulliyoo biich deꞌa iꞌi hajjeeheete.

1 Kiinoo 29:25

Doono Yeeriyoo Solomoonin Israꞌeeleenaꞌo bulli aafoochaa oogichiꞌi oogiihe. Biyee aaf taateti Israꞌeelee taateenaꞌoyich bi imaani oogee yiiroon biich immiye.

1 Kiinoo 29:30

Ebi arooch kooreeto, bi taatee yemeenooch bi tuniiti mooyo, oogeti giidecho bi tuno, bi toommooch tuneti mooyo, Israꞌeelee showooch tuneti mooyonaa Israꞌeelee showee guudoona beeti taatittino bullinochi toommooch tuneti mooyonane.

2 Kiinoo 32:23

Meeti asheenaꞌoo Doono Yeerich wojjoon yechiꞌi, Yerusaalem waa beeheete. Yihudee taatoo Hiziqiyaasichoo aaxxe mooyon immii beeheete. Aroobee tiijjiꞌi aageteenaꞌo Hiziqiyaasich oogoon immii beeheete.

Keyo 3:12

Yeeriyoo “Ta neenna tookki tunemmo taane. Neen wochaa daachiito ta tunee malletoo, ebine: Asheenaꞌon Gibitsee ne kichitoyee gubb, hini guudi toommoochaa taach goyinne maddemmo ittoshine” iye.

Yaasi 3:7

Doono Yeeriyoo Yaasich ishichiye: “Muusina tookkii ta tunetoommon, ebiyoommon neenna tookkii ta tunoon boonoshi ariyemmoyich, hanaachiyee tiijjiree, Israꞌeeleenaꞌo bulli aafooch neen oogiyemmo taane.