1 Yowannisi 5:20 - Kafa Linguistics Project

²⁰ Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

1 Yowannisi 5:20 ပူးပေါင်းရင်းမြစ်များ

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 54:5

Neen halliti Nuggishoo neech kenoon tunemmone; bi shigo Beshe Mawe Doono Yeeri getteehe. Israꞌeelee Yaafoo neen biishe wodiyemmone; biyoo showoo bullichi Nuggishoone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Luqaasi 24:45

Areegaata Yaafe Macaafooch kooreeton boonoshi xiishemmoyich, boonoshi mulloon qechiye.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 10:30

Taannaa Nihoo Yeerina ikkoo noone” iye.

Yowannisi 14:20

Ta, ta Nihoona ta beemoommon, ittoshiyoo taanna ittoshi beemon, tawoo ittoshina ta beemon arooba ariyemmo ittoshine.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 14:9

Yesuusi biich ishichiye: “Haano Filipphooso, meeti aaboon neenna tookkaa koteto taane; hanaach beddaahaa taan ariyaachine? Taan beeggito Nihoo Yeerin beeggitone. Aabichaꞌa, ‘Nihoo Yeerin nooch bekkiibe’ inne?

Yowannisi 15:4

Taanna tookki ikkottebote; tawoo ittoshina tookki ikkottemmo taane. Woyinee ato bi indo aalloon bi qelloona aafoon aafo hakkoo bi qayoommon, ebiyoommon taanna tookkii ikkotto ittoshi qayigaata, aafoon aafo hakkaachemmo ittoshine.

Yowannisi 17:14

Ta ne qaaroon boonoshich immeto taane. Tawoo alemeexo ta tunee qayoommon, boonoshiyoo wotta tooneenaꞌone; ebich alemo boonoshin shixxitone.

Yowannisi 17:25

“Cadiqe ta Nihoocho, alemo neen ariyaanoone; tunetaa ta neen ariito taane; eboshiyoo taan ne deejjoon ariitinaꞌone.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 20:28

Toomaasi “Ta Doonocho, ta Nuggishoocho!” iꞌi wochiye.

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Hibireena'o 1:8

Tunebaani Yeeri bi Bushoochon gettiibee, “Nuggishoo Yeero, ne taatee qeeno bulli yemeenoon beeyemmone; ne taatittinee daggooch beetinaꞌo bullin tatoona qeejjihine.

1 Yowannisi 2:23

Yeerichi Bushoon nookkeebeeto bullich Nihoo Yeeri aalloone; “Yesuusi Yeerichi Bushoone” iꞌi miixee beetoyich Nihoo Yeeri wotta beetone.

1 Yowannisi 2:24

Ebich shiichoochee tiijjiꞌi ittoshi waayeti qaaro ittoshi mullooch manjiree beebe. Shiichoochee tiijjiꞌi ittoshi waayeti qaaro ittoshi mullooch bi beegaata, ittoshi wotta Nihoo Yeerinaa Yeerichi Bushoona tookkii ittoshich beeti ikkittinoona beeyemmo ittoshine.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

1 Yowannisi 4:16

Ebina Yeeri noon bi shunon ariito noone; iberiitoo noone. Yeeri shunoone; ebich shunoona beeto, Yeerina tookki beeyemmone; Yeeriyoo biinna tookki beeyemmone.

1 Yowannisi 4:2

Yeerichi Ayaanoon ittoshi ariyemmo ebinane: Yesuus Kiristoosi meenona bi womon miixeebeeti ayaano bulli Yeer magechone.

1 Yowannisi 5:1

Yesuusi aroo Kiristoosi bi tunoon iberiiꞌi bi mulloon bi toommooch tooꞌiito bulli Yeer waanee shiijjetone. Nihoon shunniibeeto bulli bi bushoon wotta shunnii beetone.

1 Yowannisi 5:15

No qolleton Yeeri waayoon no arii beetoyich, no qolleti qolloon bi waanee no danoon ariibeeto noone.

1 Yowannisi 5:18

Illa Yeer waanee shiijjeto bulli axaaxoon bi shuunee qayon ariibeeto noone. Yeerichi Bushoo biin bi quyee beetoyich, gondoochi nihoo bi achooch shagaachemmone.

1 Yowannisi 5:5

Yesuusi Yeerichi Bushoo bi tunoon iberii beetoyee damba, hini alemoon kochii wochiibeeto, konine?

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye:

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.