1 Yowannisi 4:20 - Kafa Linguistics Project

²⁰ Koniyoona “Yeerin shunnaabeeto taane” iibee bi manoon bi shixigaata, koottitone; bi beeggiti bi manoon shunaano, bi beegaani Yeerin shunon aabichiree hakkehe?

1 Yowannisi 4:20 ပူးပေါင်းရင်းမြစ်များ

Yowannisi 13:35

Ittoshinaa ittoshina shunegaata, ebina ta dabboo ittoshi tunoon asheenaꞌo bulli ariyemminaꞌone” iye.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Yowannisi 1:6

Ebich “Biinna tookkii ikkittino nooch beetone” iibee manderoona no shaꞌegaata, koottaabeeto noone getone; iberoonoo shuuneyaano noone.

1 Yowannisi 1:8

“Axaaxoo nooch aalloone” no getigaata, wochaa no qellooniye no dawushaa beeto; iberoo no mullooch aalloone.

1 Yowannisi 2:11

Tunebaani bi manoon shixxiibeeto bi beeto manderoochiye; manderoona shaꞌee beetone; manderoo bi aafoon bi dookkitoyich amooch bi hammiibeeto gaata ariyaache.

1 Yowannisi 2:4

“Yeerin ariibeeto taane” iibee Yeerichi getoon ceechaani asho bi beegaata, koottitone; iberoo bi mullooch aalloone.

1 Yowannisi 2:9

“Bekkooch beeto taane” iibee bi manoon shixxiibeeto, and beddaahaa manderoochiye bi beeto.

1 Yowannisi 3:17

Tunebaani gijjecho koniyoona bi manoo biich qaawii beeton bi muccetaa beeggiibee ariqqeyaano bi tunegaata, aabichiree Yeerichi shuno bi waan beeyehe?

1 Yowannisi 4:12

Bi aafoona Yeerin beeggito koniyoona aalloone; tunebaani noonnaa noonna no shunegaata, Yeeri noonna tookki beeyemmone; wotta bi shuno noonna ceeno tunemmone.