1 Yowannisi 3:4 - Kafa Linguistics Project

⁴ Axaaxee shuuno sheeroon shaaddo bi tunetoyich, axaaxoon shuuneebeeto bulli Yeerichi sheeroon shaaddee beetone.

1 Yowannisi 3:4 ပူးပေါင်းရင်းမြစ်များ

1 Taateenaꞌo 8:47

kecceꞌi boonoshi beeti showooch beechii, ‘Axaaxoon shuuneto noone; xuqqeto noone; gondeto noone’ iibee boonoshi axaaxoon aannii, gondoochee wotteꞌi, neen boonoshi qollegaata,

1 Kiinoo 10:13

Saaꞌooli Doono Yeerich gibeneyoo bi qajjitoyich qitiye. Doono Yeerichi getoon ceechaanoone. Beshoonoo qititi ashoona yibbaatee beeti waanee ciicoon qaawiye.

2 Kiinoo 24:20

Doono Yeerichi Ayaano qeeshoo Yoyaadi bushoo Zakaariyaasi toommooch waahe. Biyoo bekke xaaꞌooch neexeechii, “Yeeri ishichiye: ‘Doono Yeeri ta getoon ittoshi shaaddeebeeto amoyichiye? Illa and ittoshich kaameyaachemmone. Doono Yeeri taan ittoshi qajjitoyich, tawoo ittoshin qajjeto taane’ itone” iye.

Isiyaasi 53:8

Dayinnetaalloon bi toommooch nalliꞌi daammiyeete; ta asheenaꞌochi axaaxee qoodoyich yexxeꞌi, kashechinaꞌo beeti showoochee bi aalloon, shiijjeree daggoochee konine ariito?

Daaneeli 9:11

Israꞌeelee asho bulli ne sheeroon shaaddetone; ne gettetonoo waayeyaache iꞌi gubb wottetone. “Ne toommooch axaaxoon no shuunetoyich, ne guuno Muusichi Sheerooch kooreeti ufon no toommooch kindiihine.

Haddoo 15:31

Doono Yeerichi qaaroon bi hoxetoyich, bi getoonoo bi shaaddetoyich, ebi asho ciroona aallebe; bi axaaxoo bi toommooch tunebe’ gete” iye.

Maatiyoosi 5:19

Illa Yeeri tuniibote iꞌi bi gettiti hini sheereenaꞌoochee ikke giishecheyichona ‘Deꞌa getaache’ ii bareenaꞌonoo ‘Deꞌa gettaahote’ iꞌi dojjiibeeti asho koniyoona shimaajji taatittineechaa bulliyee desho tunemmone; tunetaa deꞌa ii beetonaa bareenaꞌon ‘Deꞌa getote’ iꞌi dojjii beetona koniyoona shimaajji taatittineechaa oogo tunemmone.

Mishiraachechinaꞌo 23:3

Arooba Phawuloosi “Hini booroona dikkeeti duuhocho, Yeeri neen yexaanoon qayaachemmone; kaachi nalliya kotaꞌa tiyaa, ‘Yexote’ iyaꞌa aabichaa nalloon shaaddenne?” iye.

Roomi 3:20

Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

Roomi 4:15

Sheeroo Yeerichi kaaree shiixxoon deebiye; tunebaani sheeroo aalloon sheeree shaaddo aalloone.

2 Qorontoosi 12:21

Wochinnoon ittoshi waan ta waahooba, ta Nuggishoo ittoshi aafooch taan cooniyemmone iyaꞌa shattaabeeto taane; ebiyee aaf boonoshi shuuneti axaaxoochee, ebiyoo tiyaariibeeti mooyoochee, shunee mamoochee, yeelliibeeti kaayoocheenoo Yeer waan wotteyaani meetinaꞌochi naboona diqqich ayini eeppemmo taane iyaꞌa shattaabeeto taane.

Yaaqobi 5:15

Ebiyoommi mullee tooꞌiyoona giddeti corooto biiyeton wodiyemmone; Doono Yeeriyoo bi biiyoochee biin wodiyemmone; axaaxoon shuuneto bi tunegaatoo, biin maaremmone.

1 Yowannisi 5:17

Asho shuuneebeeti gonde mooyo bulli axaaxoone; wotta ashi toommooch qitoon bechaachemmi axaaxoo beetone.

1 Saameeli 15:24

Saaꞌooliyoo Saameelich “Axaaxoon shuuneto taane. Doono Yeerichi getoonaa ne qaaroonon shaaddeto taane. Asheenaꞌon ta shattetoyich, boonoshi getoon ceechito taane.