1 Yowannisi 3:24 - Kafa Linguistics Project

²⁴ Hini Yeeri gettiti mooyon tunii beetoyich Yeerina tookkii ikkittino beetone; Yeerichoo biinna tookkii ikkittino beetone. Noonna tookkii bi beemon nooch bi immiti bi Ayaanoona ariibeeto noone.

1 Yowannisi 3:24 ပူးပေါင်းရင်းမြစ်များ

Yowannisi 10:38

Tunetaa ta shuunegaata, taanolla ittoshi iberiyoo qayigaata, Nihoo Yeeri taanna tookkii bi tunoon, tawoo Nihoo Yeerina tookkii ta tunoon xiishiree ittoshi ariyemmoyich, ta shuunoon iberiibote” iye.

Yowannisi 14:17

Biyoo iberoon bekkiibeeti Ayaanoone; alemo biin beegaanoonaa ariyaanoona bi tunetoyich, bi mullooch qeejjiꞌi biich hajjeyoon hakkaache; tunebaani ittoshi waan beeyemmone; ittoshi mulloochoo qeyemmone; ebich biin ariibeeto ittoshine.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

1 Qorontoosi 3:16

Ittoshi Yeerichi yaafee kexo ittoshi tunoonaa Yeerichi Yaafe Ayaano ittoshi mullooch bi beemonon ariyaachote?

1 Qorontoosi 6:19

Woyee ittoshi ashittino Yeeri ittoshich bi immiti Yaafe Ayaano beeti yaafee kexo bi tunoon ariyaachote? Yeeri aaxxe gatiyoona ittoshin kemetone; ebich ittoshi ashittino ittoshi hajjoo toonoone. Illa ittoshi ashittinoona Yeerin oogiibote.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

2 Ximootiyoosi 1:14

No mullooch beeti Yaafe Ayaanee giidoona neech icheti gaawe aderoon quyebe.

1 Yowannisi 2:24

Ebich shiichoochee tiijjiꞌi ittoshi waayeti qaaro ittoshi mullooch manjiree beebe. Shiichoochee tiijjiꞌi ittoshi waayeti qaaro ittoshi mullooch bi beegaata, ittoshi wotta Nihoo Yeerinaa Yeerichi Bushoona tookkii ittoshich beeti ikkittinoona beeyemmo ittoshine.

1 Yowannisi 2:3

Yeerichi getoon ceechaabeeto no tunegaata, ebina biin ariito no tunoon xiishii ariibeeto noone.

1 Yowannisi 2:5

Tunetaa Yeerichi getoon ceechiibeeto bullina, Yeerichi shuno ceeno tunetone. “Yeerina tookkii beeto taane” ii beeti asho, bulli mooyona Kiristoosin shaahibe. Ebina biinna no beemon xiishii ariibeeto noone.

1 Yowannisi 3:22

Tuniibote bi ii beeton no shuunaa beetoyich, biin emirikkii beetonoo no tunii beetoyich, no qollaabeeto bullin bi waanee danaabeeto noone.

1 Yowannisi 4:7

Ta shunechinaꞌote! Shuno Yeer waanee bi tunetoyich, noonnaa noonna shunebone. Ashoon shunniibeeto bulli Yeer waanee shiijjetone; wotta Yeerinoo arii beetone.