1 Yowannisi 3:2 - Kafa Linguistics Project

² Ta shunechinaꞌote! And Yeerichi bushiishoo noone; gubbich amo no tunemmo gaata batt aricheyaanoone. Tunebaani Kiristoosi waataa xiishi ciinnemmo no tunetoyich, biin shaahemmo no tunoon ariibeeto noone.

1 Yowannisi 3:2 ပူးပေါင်းရင်းမြစ်များ

Iyoobi 19:26

biiyo ta qeddoon bi ciichitaanona, kashoona beechi Yeerin beeggemmo taane.

Shoddo 16:11

Kashee gommon taach bekkiyemmo neene; ne aafooch ceeni emiroo, ne qannoochoo bulli yemeenee emiroo beetone.

Shoddo 17:15

Tunebaani ta, cadiqittinoona ne aafoon beeggemmo taane; tiyi qaalliree, ne oogee yiiroon beegi michemmo taane.

Shoddo 31:19

Asheenaꞌo aafoochaa neen shattii beetinaꞌoyich ne qanniiti, ne shoobooch giyitinaꞌoyich ne kiciti, ne deꞌittino am shaahoon woddehe!

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Milikiyaasi 3:2

Tunebaani aroo xuuroon wociibeeti qaaqqoommo, tahoon machii xalliibeeti saamunoommo bi tunetoyich, woyemmi aaboon haaꞌiyoon hakkemmo konine? Bi bekkehoobochi neexoon hakkemmo konine?

Maatiyoosi 5:8

Mulli xalleenaꞌo diireetinaꞌone; Yeerin boonoshi aafoona beeggemminaꞌone.

Luqaasi 17:30

“Arooba tunetoommon Ashi Bushoo bekkemmi aabooba wotta ebiyoommon tunemmone.

Luqaasi 20:36

Ebiyoo maraakoomminaꞌo boonoshi tunetoyichiye; illa qitoochee tiyiꞌi Yeerichi bushiisheenaꞌo boonoshi tunetoyich, gubbich qitoonolla qitaacheete.

Yowannisi 1:12

Tunebaani Yeer waanee bi womon iberiiꞌi boonoshi mulloon bi toommooch tooꞌiitinaꞌo bullich Yeerichi bushiishoo tunee hakkoon immiye.

Yowannisi 11:52

Bi qitemmo, shaceꞌi baribare showooch beeti Yeerichi bushiisheenaꞌon wotta ikkooch bi kicemmoyichalli, Ayihudeenaꞌoyich baach toonoone.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Roomi 8:16

Are Ayaano bi qelloona Yeerichi bushiishoo no tunoon no ayaanoona tookkii miixee beetone.

Roomi 8:18

Gubb nooch bekkemmi oogee yiiroona tookkii bi tacheegaata, andi hini yemeeneexi xuuxo amolla shaahiꞌi taach bekkeyaache.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

Roomi 8:29

Bi Bushoo Yesuus Kiristoosi meeti bi maneenaꞌo daggoochee qaabboo bi tunemmoyich, qaawiꞌi, Yeeri aafi bi ariyoona bi kaaccitinaꞌo bi Bushoon boonoshi shaahemmoyich shiichiꞌi maaccitone.

1 Qorontoosi 13:12

Hanaach Yeerin no ciinnaabeeto, dooshireti heeraawoochaa no malletoon no ciinoommoniye; tunebaani arooba biin no aafoona xallayi beeggemmo noone. And Yeerin woddiiꞌa ariyaano taane; tunebaani arooba Yeeri taan bi arii beetoommon, tawoo biin ariyemmo taane.

1 Qorontoosi 15:49

And showee ashoon no shaahoommon, gubb wotta shimaajji ashoon shaahemmo noone.

1 Qorontoosi 2:9

Tunebaani ishichaa bi kooreetoommon, “Koniyoona bi aafoona beeggii bi ariyaanoon, bi waamona waayee bi ariyaanoon, tunemmone iꞌi bi mulloona cir bi shalligaanoon, Yeeri biin shunnii beetinaꞌoyich am shaahe meeti mooyoniye bi qanniito.”

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Galaati 3:26

Ittoshi mulloon Kiristoos Yesuusi toommooch ittoshi tooꞌiyee naboona ittoshi bulli Yeerichi bushiishoo ittoshine.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.

Qolaasiyaasi 3:4

Ittoshi kasho tuneti Kiristoosi bekkemmi aabooba, arooba ittoshi wotta biinna tookki oogee yiiroona bekkemmo ittoshine.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

2 Pheexiroosi 1:4

Ebina aaxxoonaa oogetona tuneti gibenoon nooch gibenikkiye; ebi gibenoon bi gibenikkito, hini alemeexi asheenaꞌo toommooch beechii, duubiibeeti gonde qaatoochee muriciree Nuggishoochi shuriyoochee qoodeyechon ittoshi tunemmoyichiye.

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.

1 Yowannisi 2:7

Ta shunechinaꞌote! Ittoshich ta kooraa beeti mooyo, bulliyee aaf Yeeri tuniibote iꞌi ittoshich bi gettiti mooyonalli, batt hanaach tuniibote iꞌi bi gettiibeeti mooyon toonoone. Bulliyee aaf bi gettiti mooyo ittoshi waayeti qaaroone.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Yowannisi 3:21

Ta shunechinaꞌote! No mullo noon ittibateyaano bi tunegaata, Yeer waan katinoyich kupphaabeeto noone.

1 Yowannisi 5:1

Yesuusi aroo Kiristoosi bi tunoon iberiiꞌi bi mulloon bi toommooch tooꞌiito bulli Yeer waanee shiijjetone. Nihoon shunniibeeto bulli bi bushoon wotta shunnii beetone.

Yaaꞌoo 2:28

biichoo haree xojjenoon immemmo taane.

Yaaꞌoo 22:4

Bi aafoonoo beeggemminaꞌone; bi shigoo boonoshi barooch tunemmone.