1 Yowannisi 2:7 - Kafa Linguistics Project

⁷ Ta shunechinaꞌote! Ittoshich ta kooraa beeti mooyo, bulliyee aaf Yeeri tuniibote iꞌi ittoshich bi gettiti mooyonalli, batt hanaach tuniibote iꞌi bi gettiibeeti mooyon toonoone. Bulliyee aaf bi gettiti mooyo ittoshi waayeti qaaroone.

1 Yowannisi 2:7 ပူးပေါင်းရင်းမြစ်များ

Leweenaꞌo 19:18

“ ‘Ne asheenaꞌo daggoochee koni toommoochona nichoon kichiyaahine. Mooyon shaaccaahine. Neenoommi ne manoon neenna tachiree shune. Ta, Doono Yeeri taane.

Leweenaꞌo 19:34

Ebi shiqqoon showee bushoon shaahiiree ciinote. Ittoshin ittoshi shunoommon, biin shunote. Gibits shiqqoo tuneꞌi ittoshi kotoon batteyaahote. Ta, ittoshi Nuggishoo Doono Yeeri taane.

Maatiyoosi 5:43

“ ‘Neenoommi ne manoon shune; ne ettoon shixe’ getteeton waayeto ittoshine.

Yowannisi 13:34

“ ‘Ittoshinaa ittoshina shunebote’ iyaꞌa ittoshich andire mooyon gettoye; ta ittoshin ta shunnetoommon, ittoshi wotta ittoshinaa ittoshina shunebote.

Mishiraachechinaꞌo 17:19

Arooba Arifaagoosi getteebeeti xaaꞌooch kiceeti asheenaꞌo waan biin ataalliꞌi daammiyeete. Arooch boonoshi shaggitoyee gubb, “Hini ne gettaabeeti andire doyoo amo gaata waayoyich qaawaabeeto noone.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

Hibireena'o 6:9

Tunebaani ta shunechinaꞌote! Ittoshich ebiyoommi magge qaaroona ta gettetaanona, Yeerina wodiꞌi ittoshi daneti wojjoo beshaa beshoo bi tunoon xiishito taane.

1 Yowannisi 2:24

Ebich shiichoochee tiijjiꞌi ittoshi waayeti qaaro ittoshi mullooch manjiree beebe. Shiichoochee tiijjiꞌi ittoshi waayeti qaaro ittoshi mullooch bi beegaata, ittoshi wotta Nihoo Yeerinaa Yeerichi Bushoona tookkii ittoshich beeti ikkittinoona beeyemmo ittoshine.

1 Yowannisi 3:11

Shiichoochee tiijjiꞌi ittoshi waayeti wocho “Noonnaa noonna shunebone” ii beetone.

1 Yowannisi 3:2

Ta shunechinaꞌote! And Yeerichi bushiishoo noone; gubbich amo no tunemmo gaata batt aricheyaanoone. Tunebaani Kiristoosi waataa xiishi ciinnemmo no tunetoyich, biin shaahemmo no tunoon ariibeeto noone.

1 Yowannisi 3:21

Ta shunechinaꞌote! No mullo noon ittibateyaano bi tunegaata, Yeer waan katinoyich kupphaabeeto noone.

1 Yowannisi 3:23

Tuniibote bi ii beeto ebine: Bi Bushoo Yesuus Kiristoosi toommooch no mulloon no tooꞌiyemmoyich, wotta Kiristoosi nooch gettitoommon noonnaa noonna no shunemmoyichiye.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

1 Yowannisi 4:11

Illa ta shunechinaꞌote! Yeeri eechiꞌi noon bi shunnitoyee, noonnaa noonna shuno nooch qaawiihe.

1 Yowannisi 4:21

“Taan shunniibeeto bi manoon wotta shune” iꞌi Yeeri nooch gettitone.

1 Yowannisi 4:7

Ta shunechinaꞌote! Shuno Yeer waanee bi tunetoyich, noonnaa noonna shunebone. Ashoon shunniibeeto bulli Yeer waanee shiijjetone; wotta Yeerinoo arii beetone.