1 Yowannisi 2:24 - Kafa Linguistics Project

²⁴ Ebich shiichoochee tiijjiꞌi ittoshi waayeti qaaro ittoshi mullooch manjiree beebe. Shiichoochee tiijjiꞌi ittoshi waayeti qaaro ittoshi mullooch bi beegaata, ittoshi wotta Nihoo Yeerinaa Yeerichi Bushoona tookkii ittoshich beeti ikkittinoona beeyemmo ittoshine.

1 Yowannisi 2:24 ပူးပေါင်းရင်းမြစ်များ

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Shaahiyoo 23:23

Iberoon kemeballi kemmaahine; shalligoon, gaawe ciicoonaa gabii deꞌonon kemebe.

Luqaasi 9:44

“Ittoshi hini mooyon ittoshi mulloona manjiiree yeshote. Ashi Bushoon ashi kishooch beshiiree imma ii beetinaꞌone” iye.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 15:7

Taanna ittoshi beegaata, ta getteti qaaroo ittoshi mullooch bi beegaatoo, ittoshi shunnimmo bullin qollebote; ittoshich ichemmone.

Yowannisi 6:56

Ta meenon maabeeto, ta damoonoo uchiibeeto taanna beeyemmone; tawoo biinna beeyemmo taane.

Yowannisi 8:25

Boonoshiyoo “Ne koni neene?” iꞌi echeheete. Yesuusiyoo “Shiichaa ittoshich ta gettetoommon taane.

Filipphisiyoosi 4:15

Filipphisiyoosi kittinneenaꞌote! Shiichaꞌa mishiraachee qaaroon ittoshich ta gettetoyee gubb Makidoonee showoochee ta keyiyooba, gijjee wojjoon imona taan gaacheto ittoshi baachalli, bare kittinnee guupho koniyoona tunee qayon ariibeeto ittoshine.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.

Hibireena'o 3:14

Shiichiꞌi nooch beeti gibenoon ciirooch beddaahaa manjiiꞌa no yeshigaata, Kiristoosicho tuneto bullin qoodeyecho noone.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

1 Yowannisi 2:7

Ta shunechinaꞌote! Ittoshich ta kooraa beeti mooyo, bulliyee aaf Yeeri tuniibote iꞌi ittoshich bi gettiti mooyonalli, batt hanaach tuniibote iꞌi bi gettiibeeti mooyon toonoone. Bulliyee aaf bi gettiti mooyo ittoshi waayeti qaaroone.

1 Yowannisi 3:24

Hini Yeeri gettiti mooyon tunii beetoyich Yeerina tookkii ikkittino beetone; Yeerichoo biinna tookkii ikkittino beetone. Noonna tookkii bi beemon nooch bi immiti bi Ayaanoona ariibeeto noone.

1 Yowannisi 4:13

Yeeri bi Ayaanoon nooch bi immitoyich, biinna tookkii ikkittinoona no beemonaa biyoo noonna tookkii bi beemonon ariibeeto noone.

1 Yowannisi 4:15

Asho koniyoona “Yesuusi Yeerichi Bushoone” iꞌi bi miixegaata, Yeeri biinna tookkii beetone; biichoo Yeerina tookkii ikkittino beetone.

1 Yowannisi 4:16

Ebina Yeeri noon bi shunon ariito noone; iberiitoo noone. Yeeri shunoone; ebich shunoona beeto, Yeerina tookki beeyemmone; Yeeriyoo biinna tookki beeyemmone.

2 Yowannisi 1:9

Kiristoosi dojjiti doyoochee kechiꞌi baroo waan hammii beetonaa manjaanoonoyich Yeeri aalloone; Kiristoosi dojjiti doyoona manjii beetoyich Nihoo Yeerinaa bi Bushoona beetinaꞌone.

3 Yowannisi 1:3

Ne beetoochee waati maneenaꞌo iberoona ne shaꞌoonaa gibeneeto tunaꞌa iberee qaaroyich ne qanaatoonon taach boonoshi getaa waayaꞌa oogichaa emirito taane.

Yaaꞌoo 3:11

“Kaateree woyemmo taane; neech ichemmi gubbichoon koniyoona bi bogaachemmoyich, neech beeti mooyon manjiiree yeshe.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.