1 Yowannisi 2:15 - Kafa Linguistics Project

^15-16 Illa alemoonaa alemooch beeto bullinon hiriggiyaahote. Alemooch beeti mooyo bulli, aroo ashi meeno qaatiibeeti mooyo, bi aafoona ciinniꞌi bi dakiibeeti mooyonaa geecoona bi yebeneebeeti mooyonane; eboshi bulli alemeexinaꞌoani Nihoo Yeer waanee waa beetinaꞌo tooneenaꞌone. Ebich koniyoona alemooch beeton bi shunigaata, Nihoo Yeerin shunaanoone.

1 Yowannisi 2:15 ပူးပေါင်းရင်းမြစ်များ

Maatiyoosi 4:8

Aroochee daabiloosi Yesuusin genje guudi toommooch daammiye; alemooch beeti taatee showoo bullinaa boonoshi oogee yiiroonon bekkiiꞌi,

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Luqaasi 16:13

“Wotta gutte doonoyich hajjeyoon hakkemmi aafee bushoo aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache” iye.

Yowannisi 15:19

Hini alemeexo ittoshi tuneto gaata, biicho tuneton shunneshone; tunebaani alemee daggoochee ittoshin kaacceto taane; ebich bi magecho toono ittoshine; ebichi naboonane alemo ittoshin bi shixxiibeeto.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Galaati 1:10

Illa and naadoon danoon ta qaawaabeeto, ashi waaneeniyee Yeer waaneeniye? Woyee ashoon emirikkoon qaawaa beetote? Ashoon emirikkoon qaawaabeeto ta tunemmogaata, Kiristoosichi maddecho tuneyaachesho taane.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

1 Ximootiyoosi 6:10

Ebi gijjee shuno meeti gonde mooyon shuunooch bechemmone; ebiyoommon ikkikkeenaꞌo gijjoon qaatiibee, Kiristoosi toommooch mullee tooꞌiyoon qajjiꞌi shattii giiriiti ayinee daggooch boonoshi hajjee kishoona giyitinaꞌone.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

1 Yowannisi 3:17

Tunebaani gijjecho koniyoona bi manoo biich qaawii beeton bi muccetaa beeggiibee ariqqeyaano bi tunegaata, aabichiree Yeerichi shuno bi waan beeyehe?

1 Yowannisi 4:5

Boonoshiyoo hini alemeexinaꞌone; ebich alemeexon gettii beetinaꞌone; wotta boonoshi getaa hini alemeexinaꞌo waayee beetinaꞌone.

1 Yowannisi 5:10

mulloon Yeeri Bushoo toommooch tooꞌii beetoyich Yeerichi miixo bi mullooch beetone; Yeerichon iberiyaano Yeeri bi Bushoochon miixeton bi iberiyoo qajjitoyich, Yeerin kootiitone.