1 Yowannisi 2:14 - Kafa Linguistics Project

¹⁴ Niheenaꞌote! Ittoshich ta kooraabeeto, shiichoochee tiijjiꞌi beeton ittoshi ariitoyichiye. Gurimaasheenaꞌote! Ittoshich ta kooraabeeto, kuppho ittoshi tunetoyich, Yeerichi qaaroo ittoshi mullooch manjiꞌi bi beetoyich, gondoochi nihoonoo kochii ittoshi wochitoyichiye.

1 Yowannisi 2:14 ပူးပေါင်းရင်းမြစ်များ

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Yowannisi 15:7

Taanna ittoshi beegaata, ta getteti qaaroo ittoshi mullooch bi beegaatoo, ittoshi shunnimmo bullin qollebote; ittoshich ichemmone.

Yowannisi 5:38

Bi wocheton ittoshi iberiyoo qajjitoyich, bi qaaro ittoshi mullooch aalloone.

Yowannisi 8:31

Yesuusiyoo boonoshi mulloon bi toommooch tooꞌiiti Ayihudeenaꞌon “Ta qaaroona ittoshi beegaata, iberoon ta dabboo ittoshine;

Yowannisi 8:37

Abrahamichi yaroo ittoshi tunoon ariibeeto taane; tunebaani ta getteti qaaroon iberiyoo ittoshi qajjitoyich, taan wuxoyich qaawiyote.

Efesooni 6:10

Illa and, Doono Yesuusinaa bi ooge giidoona kupphebote.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

2 Ximootiyoosi 2:1

Illa ta bushoochoo, Kiristoos Yesuusina daneebeeti wojjoona kupphebe.

Hibireena'o 8:10

Ebi are yemeenoyee gubb Israꞌeelee macceenaꞌona tookki ta giyemmi wogo ebine, iye Doono Yeeri: Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

1 Yowannisi 1:1

Kashee Qaareechon shiichoochee tiijjiꞌi beeton, no waayeton, no aafoona no beeggeton, xiishaa no ciinnetonaa no kishoona yechaꞌa no beeggetonon ittoshich kooraabeeto noone.

1 Yowannisi 1:10

“Axaaxoon shuuneyaano noone” no getigaata, biin kootiibeeto noone getone; bi qaaroo no mullooch aalloone.

1 Yowannisi 2:13

Niheenaꞌote! Ittoshich ta kooraabeeto, shiichoochee tiijjiꞌi beeton ittoshi ariitoyichiye. Gurimaasheenaꞌote! Ittoshich ta kooraabeeto, gondoochi nihoon kochii ittoshi wochitoyichiye. Ta shuni bushiisheenaꞌote! Ittoshich ta kooraabeeto, Nihoo Yeerin ittoshi ariitoyichiye.

3 Yowannisi 1:3

Ne beetoochee waati maneenaꞌo iberoona ne shaꞌoonaa gibeneeto tunaꞌa iberee qaaroyich ne qanaatoonon taach boonoshi getaa waayaꞌa oogichaa emirito taane.

Yaaꞌoo 2:3

Haaꞌiito neene; ta naboyicha getona duꞌeto neene; ebi bullina taahaano neene.

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.