1 Yowannisi 2:13 - Kafa Linguistics Project

¹³ Niheenaꞌote! Ittoshich ta kooraabeeto, shiichoochee tiijjiꞌi beeton ittoshi ariitoyichiye. Gurimaasheenaꞌote! Ittoshich ta kooraabeeto, gondoochi nihoon kochii ittoshi wochitoyichiye. Ta shuni bushiisheenaꞌote! Ittoshich ta kooraabeeto, Nihoo Yeerin ittoshi ariitoyichiye.

1 Yowannisi 2:13 ပူးပေါင်းရင်းမြစ်များ

Shoddo 148:12

Gurimaasheenaꞌonaa gidiideenaꞌona, geeneenaꞌonaa bushiisheenaꞌona, Doono Yeerin galletebeete.

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Shoddo 91:14

Yeeri ishichii beetone: “Taan bi shunnii beetoyich biin wodiyemmo taane; ta shigoon bi arii beetoyich, biin quyemmo taane.

Shaahiyoo 20:29

Gurimaasheenaꞌoyich boonoshi oogo giidoone; geeneenaꞌoyich boonoshi oogo bukkoone.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 13:19

Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Maatiyoosi 13:38

budoo alemoone. Deꞌe yaroo Yeerichi taatittinee bushiisheenaꞌone; dadaddoo gondoochi nihoo bushiisheenaꞌone.

Maatiyoosi 5:37

Tunebaani tunemmon tunebe, tuneyaachemmon tuneyaache gete. Ebiyee baroon ne yibbaategaata, aroo gondoochi nihoo waaneeniye” iye.

Luqaasi 10:22

Aree hillooch “Ta Nihoo bulli mooyon taach immitone; Nihoo Yeeriyee damba Yeerichi Bushoo taan koni ta gaata ariibeeto aalloone. Yeerichi Bushoo tayee beshetaa, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeeri koni bi gaata biin ariibeeto aalloone” iye.

Yowannisi 14:7

Taan ittoshi ariito gaata, wotta ta Nihoon ariyesho ittoshine. Hanaachina tiijjiꞌi biin ariito ittoshine; biinoo beeggito ittoshine” iye.

Yowannisi 14:9

Yesuusi biich ishichiye: “Haano Filipphooso, meeti aaboon neenna tookkaa koteto taane; hanaach beddaahaa taan ariyaachine? Taan beeggito Nihoo Yeerin beeggitone. Aabichaꞌa, ‘Nihoo Yeerin nooch bekkiibe’ inne?

Yowannisi 16:3

Ebin ittoshi toommooch boonoshi tuniyemmo, Nihoo Yeerinoo taanoo boonoshi tuushitoyichiye.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 8:19

Ebich boonoshi “Ne nihoo aabiichiye?” iꞌi echeheete. Yesuusi wochiꞌi, “Taan woyee ta Nihoon ariyaachote. Taan ittoshi ariito gaata, ta Nihoon wotta ariyesho ittoshine” iye.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

1 Ximootiyoosi 5:1

Geeneton ne nihoon tuniiree ciicalli noggeyaahine; gurimaashoon ne manoon tuniiree,

Titoosi 2:6

Gurimaashe anaaminaꞌo ebiyoommon boonoshi qellee ariyechinaꞌo boonoshi tunemmoyich ciice.

1 Yowannisi 1:1

Kashee Qaareechon shiichoochee tiijjiꞌi beeton, no waayeton, no aafoona no beeggeton, xiishaa no ciinnetonaa no kishoona yechaꞌa no beeggetonon ittoshich kooraabeeto noone.

1 Yowannisi 2:1

Ta shuni bushiisheenaꞌote! Hinin ittoshich ta kooraabeeto, axaaxoon ittoshi shuuneyaachemmoyichiye; tunetaa no daggoochee koniyoona axaaxoon bi shuunegaata, no keroyich shoobbecho Nihoo Yeeri aafooch beetone; biyoo cadiqe Yesuus Kiristoosine.

1 Yowannisi 2:12

Ta shuni bushiisheenaꞌote! Ittoshich ta kooraabeeto, Yesuusi naboona ittoshi axaaxoo maareetoyichiye.

1 Yowannisi 2:14

Niheenaꞌote! Ittoshich ta kooraabeeto, shiichoochee tiijjiꞌi beeton ittoshi ariitoyichiye. Gurimaasheenaꞌote! Ittoshich ta kooraabeeto, kuppho ittoshi tunetoyich, Yeerichi qaaroo ittoshi mullooch manjiꞌi bi beetoyich, gondoochi nihoonoo kochii ittoshi wochitoyichiye.

1 Yowannisi 3:12

Qayeeliyoommon tunaayone; aroo gondoochi nihoo magechone; aroo bi hajjee manoon wuxiye. Amoyichiye bi wuxito? Bi hajjee shuunoo gondo, bi manoochi shuunoo cadiqo bi tunetoyichiye.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.

1 Yowannisi 5:18

Illa Yeer waanee shiijjeto bulli axaaxoon bi shuunee qayon ariibeeto noone. Yeerichi Bushoo biin bi quyee beetoyich, gondoochi nihoo bi achooch shagaachemmone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.